រាជធានីភ្នំពេញ ៖ ក្បួនគណបក្សប្រជាជនកម្ពុជាខណ្ឌមានជ័យ និងខណ្ឌចំការមន ដែលដឹកនាំដោយលោក គួច ចំរើន អភិបាលខណ្ឌមានជ័យ រួមជាមួយលោក ឡូ យុយ បានមកជួបជាមួយនឹងក្បួនឃោសនារកសំឡេងឆ្នោតរបស់គណបក្សសង្គ្រោះជាតិ ដោយធ្វើដំណើរបញ្ច្រាសទិសគ្នាលើកំណាត់ផ្លូវលេខ២៧១ ក្នុងភូមិសាស្ត្រខណ្ឌចំការមន នាវេលាម៉ោង១០និង៤០នាទីព្រឹកថ្ងៃទី២៧ មិថុនា
រាជធានីភ្នំពេញ ៖ ក្បួនគណបក្សប្រជាជនកម្ពុជាខណ្ឌមានជ័យ និងខណ្ឌចំការមន ដែលដឹកនាំដោយលោក គួច ចំរើន អភិបាលខណ្ឌមានជ័យ រួមជាមួយលោក ឡូ យុយ បានមកជួបជាមួយនឹងក្បួនឃោសនារកសំឡេងឆ្នោតរបស់គណបក្សសង្គ្រោះជាតិ ដោយធ្វើដំណើរបញ្ច្រាសទិសគ្នាលើកំណាត់ផ្លូវលេខ២៧១ ក្នុងភូមិសាស្ត្រខណ្ឌចំការមន នាវេលាម៉ោង១០និង៤០នាទីព្រឹកថ្ងៃទី២៧ មិថុនា ប៉ុន្តែសមាជិកបក្សនីមួយៗបានប្រកាន់នូវជំហរថ្លៃថ្នូរ មិនប៉ះទង្គិចគ្នា ដែលប្រាសចាកពីសីលធម៌ និងសេចក្តីថ្លៃថ្នូរនោះឡើយ ។
សូមបញ្ជាក់ថា ក្បួនឃោសនារបស់គណបក្សប្រជាជនកម្ពុជារបស់ខណ្ឌចំការមន និងខណ្ឌមានជ័យបានហែក្បួនឃោសនាចេញពីកោះពេជ្រឆ្ពោះតាមផ្លូវព្រះស៊ីសុវត្ថិ បត់ទៅដល់ស្ពានជ្រោយចង្វា រួចក៏បត់តាមផ្លូវលេខ៧០ និងឡើងមកតាមផ្លូវលេខ៥៩៨ ឆ្លងកាត់ក្រោមស្ពានអាកាស ៧ មករា និងឡើងមកតាមផ្លូវលេខ២៧១ ឆ្លងកាត់មុខមន្ទីរពេទ្យមិត្តភាពខ្មែរ-សូវៀត មានន័យថា ជាការហែក្បួនឆ្លងកាត់មួយខ្សែក្រវាត់រាជធានីភ្នំពេញ ទើបបំបែកចូលទៅក្នុងភូមិសាស្ត្ររៀងៗខ្លួនវិញ ។
ខណៈនោះនៅលើកំណាត់ផ្លូវលេខ២៧១ ត្រង់ចំណុចមុខវត្តសន្សំកុសល លាតសន្ធឹងដល់គល់ស្ពានស្ទឹងមាន ជ័យ គឺគណបក្សទាំងពីរខាងលើបានហែក្បួនឃោសនាក្នុងទិសដៅផ្ទុយគ្នា ដោយគណបក្សប្រជាជនមានទិសដៅពីជើងមកត្បូង ហើយគណបក្សសង្គ្រោះជាតិធ្វើដំណើរក្នុងទិសដៅពីត្បូងទៅជើង ។ លុះពេលមកដល់ចំណុចទន្ទឹមគ្នា គឺសមាជិកដែលជាក្រុមយុវជននៃគណបក្សម្ខាងៗខំប្រឹងស្រែកបំពងសំឡេងគាំទ្រគណបក្សរបស់ខ្លួនរៀងៗខ្លួន ៕
ចែករំលែកព័តមាននេះ