តាមប្រភពព័ត៌មាន Goal បានឲ្យដឹងថា កីឡាករជើងខ្លាំង Lionel Messi បានទទួលយន្តហោះឯកជនប្រណិតឥតខ្ចោះដែលមានសរសេរលេខ១០ដែលជាលេខអាវរបស់ខ្សែប្រយុទ្ធឆ្នើមសញ្ជាតិអាហ្សង់ទីន និងក្រុមអ្នកមានបុណ្យ FB Barcelona…
តាមប្រភពព័ត៌មាន Goal បានឲ្យដឹងថា កីឡាករជើងខ្លាំង Lionel Messi បានទទួលយន្តហោះឯកជនប្រណិតឥតខ្ចោះដែលមានសរសេរលេខ១០ដែលជាលេខអាវរបស់ខ្សែប្រយុទ្ធឆ្នើមសញ្ជាតិអាហ្សង់ទីន និងក្រុមអ្នកមានបុណ្យ FB Barcelona នៅកន្ទុយយន្តហោះ ។
ជាមួយនឹងយន្តហោះខ្នាតតូចបែបប្រណិតនេះនឹងអាចឲ្យ Messi ធ្វើដំណើរទៅណាមកណាជុំវិញពិភពលោកជាមួយនឹងមិត្តភក្តិ និងក្រុមគ្រួសារក្នុងភាពស៊ីវីល័យ និងប្រណិតទាន់សម័យ ។
ក្រុមហ៊ុនអាហ្សង់ទីនមួយបានផលិតយន្តហោះនេះឡើងសម្រាប់កីឡាករវ័យ៣១ឆ្នាំ និងក្រុមគ្រួសាររបស់គេដែលមានបំពាក់មកជាមួយនូវ ផ្ទះបាយ បន្ទប់ទឹក និងកៅអីចំនួន១៦ ដែលអាចបទធ្វើជាគ្រែគេងបាន៨ ។ នៅផ្នែកខាងក្រៅមានសរសេរលេខ១០នៅផ្នែកកន្ទុយយន្តហោះដែលគ្រប់គ្នាអាចដឹងបានថា វាជាយន្តហោះរបស់តារាឆ្នើម Lionel Messi ។
នៅតាមកាំជណ្តើរពេលឡើងយន្តហោះក៏មានសរសេរឈ្មោះរបស់ Messi ប្រពន្ធរបស់ Messi និងកូនទាំងបីនាក់ Thiago, Ciro និង Mateo ផងដែរ ។
ក្រុមហ៊ុនដែលបានទិញយន្តហោះឲ្យ Messi នេះ គឺមានគោលបំណងចង់ទាក់ទាញភ្ញៀវអ្នកមានៗមកជួលយន្តហោះរបស់ខ្លួនផ្សេងទៀតក្រោយពេលឃើញយន្តហោះដ៏ប្រណិតរបស់ Lionel Messi រួចមក ៕
ចែករំលែកព័តមាននេះ