ប្រធានាធិបតីចិន លោកស៊ីជីនពីងថ្លែងកាលពីថ្ងៃទី២៧ មិថុនាថា ប្រទេសចិនរក្សាជំហរ និងឥរិយាបថម៉ឺងម៉ាត់មួយចំពោះការរំសាយនុយក្លេអ៊ែរនៅឧបទ្វីបកូរ៉េ ។ពេលជួបពិភាក្សាជាមួយប្រធានាធិបតីកូរ៉េខាងត្បូង លោកស្រី PARK GEUN-HYE ដែលកំពុងបំពេញទស្សនកិច្ចរយៈពេល៤ថ្ងៃនៅចិន លោកស៊ីមានប្រសាសន៍ថា ចិនថែរក្សាយ៉ាងម៉ឺងម៉ាត់នូវសន្តិភាព និងស្ថិរភាពនៅឧបទ្វីប
ប្រធានាធិបតីចិន លោកស៊ីជីនពីងថ្លែងកាលពីថ្ងៃទី២៧ មិថុនាថា ប្រទេសចិនរក្សាជំហរ និងឥរិយាបថម៉ឺងម៉ាត់មួយចំពោះការរំសាយនុយក្លេអ៊ែរនៅឧបទ្វីបកូរ៉េ ។ពេលជួបពិភាក្សាជាមួយប្រធានាធិបតីកូរ៉េខាងត្បូង លោកស្រី PARK GEUN-HYE ដែលកំពុងបំពេញទស្សនកិច្ចរយៈពេល៤ថ្ងៃនៅចិន លោកស៊ីមានប្រសាសន៍ថា ចិនថែរក្សាយ៉ាងម៉ឺងម៉ាត់នូវសន្តិភាព និងស្ថិរភាពនៅឧបទ្វីបកូរ៉េ និងក្នុងតំបន់ ។
ចិនប្រឆាំងចំពោះគ្រប់ភាគីដែល ធ្វើឱ្យស្ទះដល់សន្តិភាព និងស្ថិរភាព ហើយប្រកាន់យកមាគ៌ានៃការចរចាដើម្បីដោះស្រាយបញ្ហាទាំងឡាយ ។ លោកអះអាងថា ចិនអបអរសាទរចំពោះសំណើរបស់លោកស្រី PARK ឱ្យមានដំណើរការនៃទំនុកចិត្តគ្នាមួយនៅឧបទ្វីបកូរ៉េ ក៏ដូចជាគាំទ្រដល់ការកែលម្អទំនាក់ទំនងរវាងកូរ៉េទាំង២ ។ លោកមានប្រសាសន៍ថា ដោយសារការខិតខំប្រឹងប្រែង រួមសភាពការណ៍នៅឧបទ្វីបកូរ៉េមានការផ្លាស់ប្តូរជាវិជ្ជមានជាច្រើន ។ លោកអំពាវនាវដល់បណ្តាភាគីដែលទាក់ទិនឱ្យខិតខំធ្វើយ៉ាងណាឱ្យការចរចា៦ភាគីអាចបើកធ្វើឡើងវិញដោយឆាប់រហ័សតាមដែលអាចធ្វើទៅបាន ។
ចំណែកលោកស្រីប្រធានាធិបតីកូរ៉េខាងត្បូងវិញគូសបញ្ជាក់ថា ប្រទេសលោកស្រីសន្យាថែរក្សាសន្តិភាព និងស្ថិរភាពនៅអាស៊ី ភាគឦសាន ធ្វើឱ្យសម្រេចដល់ការរំសាយនុយក្លេអ៊ែរនៅឧបទ្វីបកូរ៉េ ហើយដោះស្រាយបញ្ហាទាំងឡាយតាមរយៈការចរចា៦ភាគី។
លោកស្រី PARK លើកឡើងជាថ្មីពីការសន្យារបស់កូរ៉េខាងត្បូង កែលម្អទំនាក់ទំនងជាមួយកូរ៉េខាងជើង ដោយឈរលើមូលដ្ឋាននៃទំនុកចិត្តគ្នា ហើយបង្កើតឱកាសដើម្បីសន្តិភាព និងការបង្រួបបង្រួមឧបទ្វីបកូរ៉េ ៕
ចែករំលែកព័តមាននេះ