សហរដ្ឋអាមេរិក កាលពីថ្ងៃទី២៧ មិថុនា បានដាក់ទណ្ឌកម្មពាណិជ្ជកម្មប្រឆាំងប្រទេសបង់ក្លាដែស ដោយលើកឡើងពីបណ្តាលក្ខខណ្ឌការងារប្រកបដោយគ្រោះថ្នាក់នានាដល់កម្មករ ក្រោយការបាក់អគាររោងចក្រកាត់ដេរស្លា.ប់កម្មករច្រើនបំផុតនៅក្នុងប្រទេសនេះមក ។
សហរដ្ឋអាមេរិក កាលពីថ្ងៃទី២៧ មិថុនា បានដាក់ទណ្ឌកម្មពាណិជ្ជកម្មប្រឆាំងប្រទេសបង់ក្លាដែស ដោយលើកឡើងពីបណ្តាលក្ខខណ្ឌការងារប្រកបដោយគ្រោះថ្នាក់នានាដល់កម្មករ ក្រោយការបាក់អគាររោងចក្រកាត់ដេរស្លាប់កម្មករច្រើនបំផុតនៅក្នុងប្រទេសនេះមក ។
តំណាងពាណិជ្ជកម្មក្រៅប្រទេសអាមេរិកលោក MICHAEL FROMAN អះអាងថា សោកនាដកម្មនាពេលថ្មីៗនេះក្នុងផ្នែកវាយនភណ្ឌនៅបង់ក្លាដែសដែលបណ្តាលឱ្យមនុស្សស្លាប់ដល់ទៅជាង១.២០០នាក់ គឺជាការប៉ះពាល់យ៉ាងខ្លាំងដល់សិទ្ធិរបស់កម្មករ និងបណ្តាបទដ្ឋានសន្តិសុខរបស់បណ្តារោងចក្រនៅ បង់ក្លាដែស ។ ចំពោះគ្រោះថ្នាក់ធ្ងន់ធ្ងរបំផុតនេះប្រធានាធិបតីអាមេរិកលោកបារ៉ាក់អូបាម៉ាបានសម្រេចបញ្ចប់អត្ថប្រយោជន៍ពាណិជ្ជកម្មមួយចំនួនដែលបង់ក្លាដែសទទួលបាន ។ ការសម្រេចចិត្តនេះ ជាការគាបសង្កត់ លើប្រទេសនោះ ហើយជំរុញឱ្យចាត់បណ្តាវិធានការដើម្បីកែលម្អសន្តិសុខរបស់បណ្តាពលករ ។
លោកអូបាម៉ាគូសបញ្ជាក់ថា ខ្ញុំសម្រេចថា វាជាការសមស្របដែលត្រូវផ្អាកកម្មវិធី GSP (ភាពអនុគ្រោះពន្ធ)សម្រាប់ប្រទេសបង់ក្លាដែស ដែលកម្មវិធីនោះផ្តល់ដល់បណ្តាប្រទេសកំពុងអភិវឌ្ឍន៍ពីព្រោះបង់ក្លាដែសពុំបានចាត់វិធានការនានាឱ្យមានការអនុវត្តបណ្តាច្បាប់អន្តរជាតិចំពោះពលករក្នុងប្រទេសរបស់ខ្លួន ។ វិធានការនេះតម្រូវឱ្យបណ្តាក្រុមហ៊ុននាំចូលសម្លៀកបំពាក់ផលិតនៅបង់ក្លាដែសត្រូវបង់ពន្ធគយពេលបញ្ជូនមកកាន់សហរដ្ឋអាមេរិក ។
លោក MICHAEL FROMAN បន្តថា រយៈពេលប៉ុន្មានឆ្នាំ ចុងក្រោយនេះរដ្ឋាភិបាលអាមេរិកបានធ្វើការដោយរួមសហការជិតស្និទ្ធជាមួយរដ្ឋាភិបាលបង់ក្លាដែស ដើម្បីលើកទឹកចិត្តដល់ការកែទម្រង់ចាំបាច់នានាសំដៅឱ្យសម្រេចបានស្តង់ដាសន្តិសុខមូលដ្ឋាន ។ ក៏ប៉ុន្តែទោះបីមានការសន្យា និងការសម្តែងពីការព្រួយបារម្ភរបស់យើងលើបញ្ហានេះក្តី ក៏រដ្ឋាភិបាលអាមេរិកពុំបានមើលឃើញ ពីការរីកចម្រើនឆ្ពោះទៅរកការសន្យាធ្វើការកែទម្រង់ទាំងនេះឡើយ។
កាលពីថ្ងៃទី២៤ មេសា កន្លងមកនេះអគារមួយដែលមានរោងចក្រកាត់ដេរជាច្រើនបានបាក់បណ្តាលឱ្យកម្មករស្លាប់ដល់ទៅ ១.២២៩នាក់ ដែលនោះជាគ្រោះថ្នាក់ឧស្សាហកម្ម ដ៏អាក្រក់បំផុតក្នុងប្រវត្តិសាស្ត្ររបស់ប្រទេសនោះ។ អគារដែលបាក់នោះស្ថិតនៅជាយរដ្ឋធានីដាក់កា ។ ជាមួយរោងចក្រកាត់ដេរដល់ទៅ៤.៥០០ប្រទេសបង់ក្លាដែស ជាប្រទេសនាំចេញសម្លៀកបំពាក់ធំជាងគេទី២លើពិភពលោកដោយផ្តល់ជាពិសេសនូវសម្លៀកបំពាក់ម៉ាកផ្សេងៗដូចជាម៉ាក WALMART ម៉ាក CARREFOUR ឬម៉ាក HANDM ជាដើម ៕
ចែករំលែកព័តមាននេះ