មន្ត្រីជាន់ខ្ពស់អ៊ុយក្រែននិយាយ ថា ប្រទេសអ៊ុយក្រែនបានយល់ព្រមលក្ខខណ្ឌនៃកិច្ចព្រមព្រៀងរ៉ែដ៏សំខាន់មួយជាមួយសហរដ្ឋអាមេរិក។ មន្ត្រីរូបនេះបាននិយាយថា “យើងពិតជាបានយល់ព្រមវាជាមួយនឹងវិសោធនកម្មដ៏ល្អមួយចំនួន ហើយមើលឃើញថាវាជាលទ្ធផលវិជ្ជមាន” ដោយមិនបានផ្តល់ព័ត៌មានលម្អិតបន្ថែម។ របាយការណ៍ប្រព័ន្ធផ្សព្វផ្សាយនិយាយថាទីក្រុងវ៉ាស៊ីនតោនបានទម្លាក់ការទាមទារដំបូងសម្រាប់សិទ្ធិចំនួន 500 ពាន់លានដុល្លារ…
មន្ត្រីជាន់ខ្ពស់អ៊ុយក្រែននិយាយ ថា ប្រទេសអ៊ុយក្រែនបានយល់ព្រមលក្ខខណ្ឌនៃកិច្ចព្រមព្រៀងរ៉ែដ៏សំខាន់មួយជាមួយសហរដ្ឋអាមេរិក។
មន្ត្រីរូបនេះបាននិយាយថា “យើងពិតជាបានយល់ព្រមវាជាមួយនឹងវិសោធនកម្មដ៏ល្អមួយចំនួន ហើយមើលឃើញថាវាជាលទ្ធផលវិជ្ជមាន” ដោយមិនបានផ្តល់ព័ត៌មានលម្អិតបន្ថែម។
របាយការណ៍ប្រព័ន្ធផ្សព្វផ្សាយនិយាយថាទីក្រុងវ៉ាស៊ីនតោនបានទម្លាក់ការទាមទារដំបូងសម្រាប់សិទ្ធិចំនួន 500 ពាន់លានដុល្លារ នៅក្នុងប្រាក់ចំណូលពីការប្រើប្រាស់ធនធានធម្មជាតិ ប៉ុន្តែមិនបានផ្តល់ការធានាសន្តិសុខយ៉ាងម៉ឺងម៉ាត់ដល់អ៊ុយក្រែនដែលហែកហួរដោយសង្គ្រាម ដែលជាតម្រូវការសំខាន់របស់អ៊ុយក្រែន។
ប្រធានាធិបតីអាមេរិកលោក Donald Trump បាននិយាយថាលោកកំពុងរំពឹងថាសមភាគីអ៊ុយក្រែនលោក Volodymyr Zelensky នឹងមកទីក្រុងវ៉ាស៊ីនតោនចុះហត្ថលេខាលើកិច្ចព្រមព្រៀងនៅសប្តាហ៍នេះ បន្ទាប់ពីមេដឹកនាំទាំងពីរបានផ្លាស់ប្តូរពាក្យសម្តីខ្លាំងៗអំពីគ្នាទៅវិញទៅមក ៕
ចែករំលែកព័តមាននេះ