សំបុត្រចូលទស្សនាការប្រកួតរវាងក្រុមជម្រើសជាតិម៉ាឡេស៊ី និងវៀតណាមក្នុងវគ្គផ្តាច់ព្រ័ត្រពានរង្វាន់ AFF Suzuki Cup ជើងទី១ នាម៉ោង៧និង៤៥នាទីយប់មិញ នៅកីឡដ្ឋាន Bukit Jalil Stadium ប្រទេសម៉ាឡេសុីត្រូវបានដាក់លក់ក្នុងតម្លៃរហូតដល់ទៅជិត២០០ដុល្លារឯណោះ ។
សហព័ន្ធកីឡាបាល់ទាត់ម៉ាឡេស៊ី បានប្រកាសថា សំបុត្រ៨០០០បានដាក់លក់អស់ ដោយមានតម្លៃត្រឹមតែពី៤០RM ទៅ៥០RM ស្មើនឹងប្រមាណ១០ដុល្លារប៉ុណ្ណោះ ។ ប៉ុន្តែបន្ទាប់ពីនេះ វិបសាយអនឡាញមួយឈ្មោះថា Stubhub បានលក់សំបុត្រនេះឡើងវិញក្នុងតម្លៃដល់ទៅ៧៨៣RM ដែលមានស្មើនឹងជិត២០០ដុល្លារអាមេរិក ។ នេះជាតួលេខតម្លៃសំបុត្រកប់ពពកមួយសម្រាប់មជ្ឈដ្ឋានបាល់ទាត់ម៉ាឡេស៊ី ប៉ុន្តែជារឿងប្រវត្តិសាស្ត្រដែលពួកគេឡើងមកដល់វគ្គផ្តាច់ព្រ័ត្រជាថ្មី។
គួរបញ្ជាក់ថា ម៉ាឡេស៊ីប៉ះវៀតណាម ក្នុងជើងទី១ កាលពីយប់មិញក្នុងដីរបស់ខ្លួនមុនបន្តប៉ះគ្នាជើងទី២នាថ្ងៃទី១៥ ខែធ្នូ ខាងមុខ នៅកីឡដ្ឋាន My Dinh ប្រទេសវៀតណាម វិញម្តង ៕
ចែករំលែកព័តមាននេះ