ខេត្តបន្ទាយមានជ័យ ៖ រថយន្តកាមរី ១គ្រឿង ពណ៌ស្លាបក្អែក ពាក់ស្លាកលេខ បាត់ដំបង 2A-1822 បើកបរដោយបុរសម្នាក់ បានធ្វើដំណើរក្នុងល្បឿនលឿនក្នុងទិសដៅពីជើងទៅត្បូង ខណៈមកដល់ចំណុចភូមិថ្មី ជិតសាលាសង្កាត់ប៉ោយប៉ែត ក៏បានរេចង្កូតធ្លាក់ប្រឡាយប្រមាណ ២០ម៉ែត្រ រួចជ្រុលទៅបុករបងថ្មផ្ទះប្រជាពលរដ្ឋក្នុងដីឡូត៍មួយកន្លែង
ខេត្តបន្ទាយមានជ័យ ៖ រថយន្តកាមរី ១គ្រឿង ពណ៌ស្លាបក្អែក ពាក់ស្លាកលេខ បាត់ដំបង 2A-1822 បើកបរដោយបុរសម្នាក់ បានធ្វើដំណើរក្នុងល្បឿនលឿនក្នុងទិសដៅពីជើងទៅត្បូង ខណៈមកដល់ចំណុចភូមិថ្មី ជិតសាលាសង្កាត់ប៉ោយប៉ែត ក៏បានរេចង្កូតធ្លាក់ប្រឡាយប្រមាណ ២០ម៉ែត្រ រួចជ្រុលទៅបុករបងថ្មផ្ទះប្រជាពលរដ្ឋក្នុងដីឡូត៍មួយកន្លែង បណ្តាលឱ្យរថយន្តខ្ទេចមួយកំណាត់មុខ ចំណែកអ្នកបើកបរបានរត់គេចខ្លួនបាត់ ដែលហេតុការណ៍នេះ បានកើតឡើងកាលពីវេលាម៉ោង ៨ និង ៥០នាទី យប់ថ្ងៃទី២៧ មិថុនា ២០១៣ ស្ថិតក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។
តាមប្រភពពីប៉ូលិសចរាចរណ៍ បានឱ្យដឹងថា រថយន្តខាងលើបានប៉ះពារជាមួយគេនៅម្តុំភូមិថ្មី ហើយព្យាយាមបើកគេចទើបជួបគ្រោះថ្នាក់បែបនេះ ។ ក្រោយកើតហេតុ រថយន្តបង្កត្រូវសមត្ថកិច្ចប្រគល់ឱ្យប៉េអឹម ព្រោះពេលកើតហេតុដំបូង ជនរងគ្រោះបានដាក់ពាក្យបណ្តឹងទៅប៉េអឹម ៕
ចែករំលែកព័តមាននេះ