ប្រធានាធិបតីអាមេរិក លោក បារ៉ាក់ អូបាម៉ា បានចាប់ផ្តើមកាលពីយប់ថ្ងៃទី២៦ មិថុនា នូវទស្សនកិច្ចរបស់លោកក្នុងទីក្រុងដាកា ក្នុងក្របខណ្ឌនៃដំណើរទស្សនកិច្ចលើកដំបូងរបស់លោកនៅអាហ្វ្រិក ចាប់តាំងពីលោកចូលសេតវិមានមក ។ ទស្សនកិច្ចនេះធ្វើឡើងចំពេលដែលស្ថានភាពសុខភាពរបស់លោក ណែលសុន ម៉ង់ដឺឡា ប្រធានាធិបតីស្បែកខ្មៅអាហ្វ្រិកខាងត្បូងដំបូងគេ ដែល
ប្រធានាធិបតីអាមេរិក លោក បារ៉ាក់ អូបាម៉ា បានចាប់ផ្តើមកាលពីយប់ថ្ងៃទី២៦ មិថុនា នូវទស្សនកិច្ចរបស់លោកក្នុងទីក្រុងដាកា ក្នុងក្របខណ្ឌនៃដំណើរទស្សនកិច្ចលើកដំបូងរបស់លោកនៅអាហ្វ្រិក ចាប់តាំងពីលោកចូលសេតវិមានមក ។ ទស្សនកិច្ចនេះធ្វើឡើងចំពេលដែលស្ថានភាពសុខភាពរបស់លោក ណែលសុន ម៉ង់ដឺឡា ប្រធានាធិបតីស្បែកខ្មៅអាហ្វ្រិកខាងត្បូងដំបូងគេ ដែលមានអាយុ៩៤ឆ្នាំកំពុងធ្លាក់ដុនដាបខ្លាំង ។
លោក អូបាម៉ា អមដំណើរដោយភរិយា លោកស្រី មីសែល និងកូនស្រីទាំង២នាក់ នាង ម៉ាលីយ៉ា និងនាង សាសា ត្រូវបានទទួលដោយសមភាគីសេនេហ្គាល់ លោក ម៉ាក់គីសាល់ និងភរិយា លោកស្រី ម៉ារ៉ែម ពេលទៅដល់ព្រលានយន្តហោះក្រុងដាកា ។ លោក អូបាម៉ា ស្ថិតនៅក្រុងដាការហូតដល់ព្រឹកថ្ងៃទី២៨ មិថុនា ។ ក្រោយជួបនាព្រឹកថ្ងៃទី២៨ មិថុនា នោះជាមួយពួកពាណិជ្ជករអាមេរិកនៅសេនេហ្គាល់ លោក អូបាម៉ា នឹងមកកាន់ទីក្រុងចូហានេស្បួរ រួចជួបពិភាក្សា និងធ្វើសន្និសីទសារព័ត៌មានរួមជាមួយប្រធានាធិបតីអាហ្វ្រិកខាងត្បូង លោក ហ្សាកុប ហ្សូម៉ា នៅក្រុងប្រេតូវីយ៉ា ។
នៅអាហ្វ្រិកខាងត្បូង លោក អូបាម៉ា មានបំណងជួបជាមួយលោក ណែលសុន ម៉ង់ដឺឡា ក៏ប៉ុន្តែពេលនេះស្ថានភាពលោកកំពុងធ្លាក់ចុះដុនដាបជាខ្លាំងនៅមន្ទីរពេទ្យ ។បន្ទាប់ពីអាហ្វ្រិកខាងត្បូង លោក អូបាម៉ា នឹងទៅកាន់ប្រទេសតង់ហ្សានី មុនពេលវិលមកកាន់ក្រុងវ៉ាស៊ីនតោនវិញនាថ្ងៃទី៣ កក្កដា ។
លោក អូបាម៉ា ទៅកាន់អាហ្វ្រិកនេះ ខណៈចិនកាលពីឆ្នាំ២០០៩ បានក្លាយជាដៃគូធំជាងគេរបស់ទ្វីបនោះ ៕
ចែករំលែកព័តមាននេះ