រាជធានីភ្នំពេញ ៖ សាលាដំបូងរាជធានីភ្នំពេញបានលើកយកសំណុំរឿងរបស់លោកដេវីដ ឆាណាយវា និងបក្ខពួកជាប់ពាក់ព័ន្ធហិ.ង្សាដោយចេតនា(វាយលើអ្នកកាសែត) មកប្រកាសសាលក្រម កាលពីវេលាម៉ោង២និង៣០នាទីរសៀលថ្ងៃទី២៧ មិថុនា ២០១៣ ដោយសម្រេចផ្តន្ទាទោសលោកដេវីដ ឆាយណាវា ដាក់ពន្ធនាគារ៣ឆ្នាំ
រាជធានីភ្នំពេញ ៖ សាលាដំបូងរាជធានីភ្នំពេញបានលើកយកសំណុំរឿងរបស់លោកដេវីដ ឆាណាយវា និងបក្ខពួកជាប់ពាក់ព័ន្ធហិង្សាដោយចេតនា(វាយលើអ្នកកាសែត) មកប្រកាសសាលក្រម កាលពីវេលាម៉ោង២និង៣០នាទីរសៀលថ្ងៃទី២៧ មិថុនា ២០១៣ ដោយសម្រេចផ្តន្ទាទោសលោកដេវីដ ឆាយណាវា ដាក់ពន្ធនាគារ៣ឆ្នាំ និងពិន័យប្រាក់៦លានរៀល ចំណែកបក្សពួក២នាក់ទៀត លោកយាន ស៊ីណា អតីតរដ្ឋលេខាធិការក្រសួងយុត្តិធម៌ដែលរត់គេចខ្លួន ដាក់ពន្ធនាគារ២ឆ្នាំ គិតពីថ្ងៃចាប់ខ្លួន និងបង់ប្រាក់៤លានរៀល និងឈ្មោះប្រាក់ អូហ្វី ដាក់ពន្ធនាគារ២ឆ្នាំ ពិន័យប្រាក់៤លានរៀល ។
ក្រោយពីបញ្ចប់សាលក្រមរួច លោកដេវីដ ឆាណាយវា នឹងដាក់ពាក្យប្តឹងបន្តទៅឧទ្ធរណ៍ដោយយល់ថាសាលក្រមនេះមិនយុត្តិធម៌ ។ គួររំលឹកថាលោកដេវីដ ឆាយណាវា និងប្រាក់ អូហ្វី ត្រូវបានសមត្ថកិច្ចឃាត់ខ្លួនតាំងពីថ្ងៃកើតហេតុ ដោយឡែកលោកយាន ស៊ីណារត់គេចខ្លួនបាត់ ។
សូមបញ្ជាក់ថា លោកស្រីចាំង ស៊ីណាត ចៅក្រមសាលាដំបូងរាជធានីភ្នំពេញ កាលពីថ្ងៃទី២៤ មិថុនា បានលើកសំណុំរឿងព្រហ្មទណ្ឌទាក់ទិននឹងការវាយដំទៅលើអ្នក កាសែតដែលជាអំពើហិង្សាដោយចេតនា ហើយស្ថានទម្ងន់ទោសនេះ ដែលមានជនជាប់ចោទឈ្មោះដេវីដ ឆាណាយវា ភេទប្រុស និងឈ្មោះប្រាក់ អូ ហ្វី ភេទប្រុស អាយុ២២ឆ្នាំ ដែលជាក្មួយត្រូវបាននាំមកកាន់សវនាការដើម្បីសួរដេញដោលនៅ ចំពោះមុខចៅក្រម និងព្រះរាជអាជ្ញារងលោកជេត ខេមរា ។ ចំណែកឈ្មោះយ៉ាន ស៊ីណា អតីតអនុរដ្ឋលេខាធិការក្រសួងយុត្តិធម៌មិនមានវត្តមាននៅក្នុង សវនាការនោះទេ ពីព្រោះជនរូបនោះបានរត់គេចខ្លួនក្រោយថ្ងៃកើតហេតុ ។
ការសួរដេញដោលនៅក្នុងសវនាការបានប្រើពេលអស់ជាង៣ម៉ោង ដោយមានការចាក់មើលវីដេអូឃ្លីបស្តីពីអំពើហិង្សាដែលជន ជាប់ចោទបានវាយដំទៅលើអ្នកកាសែត ។ បន្ទាប់ពីសួរដេញដោលរួចមក ចៅក្រមសាលាដំបូងរាជធានីភ្នំពេញបានប្រកាសពន្យារពេលប្រកាសសាល ក្រមលើសំណុំរឿងក្រុមដេវីដ ឆាណាយវា វាយអ្នកកាសែតនៅ ថ្ងៃទី២៧ មិថុនា ខាងមុខ ។ មុនពេលសវនាការ នៅចំពោះមុខអង្គសវនាការ ជនជាប់ចោទបានទាមទារឱ្យតុលាការអនុញ្ញាតឱ្យមានការថតវីដេអូ ចាក់ផ្សាយតាមស្ថានីយទូរទស្សន៍ និងសារព័ត៌មានជាតិដែលបានចុះផ្សាយ ឬបានចាក់ផ្សាយរូបភាពដែលក្រុមរបស់ខ្លួនបានធ្វើសកម្មភាព កាលពីយប់ថ្ងៃទី១៩ មីនា ឆ្នាំ២០១៣ កន្លងមក ។
ចែករំលែកព័តមាននេះ