រាជធានីភ្នំពេញ ៖ ក្នុងចំណោមក្រុមបាល់ទាត់ទាំង៤ដែលបានធ្វើការប្រកួតនៅលើទីលានពហុកីឡដ្ឋានជាតិកាលពីរសៀលថ្ងៃពុធ ទី២៦ មិថុនា ក្នុងព្រឹត្តិការណ៍ដណ្តើមពានរង្វាន់ Metfone Cambodian League 2013 នោះមានឱកាសរកបានត្រឹមតែ១ពិន្ទុម្នាក់ប៉ុណ្ណោះ ធ្វើឱ្យទីតាំងដែលពួកគេត្រូវឈរជើងគឺស្ថិតនៅកន្លែងដដែលរៀងៗខ្លួន ។
រាជធានីភ្នំពេញ ៖ ក្នុងចំណោមក្រុមបាល់ទាត់ទាំង៤ដែលបានធ្វើការប្រកួតនៅលើទីលានពហុកីឡដ្ឋានជាតិកាលពីរសៀលថ្ងៃពុធ ទី២៦ មិថុនា ក្នុងព្រឹត្តិការណ៍ដណ្តើមពានរង្វាន់ Metfone Cambodian League 2013 នោះមានឱកាសរកបានត្រឹមតែ១ពិន្ទុម្នាក់ប៉ុណ្ណោះ ធ្វើឱ្យទីតាំងដែលពួកគេត្រូវឈរជើងគឺស្ថិតនៅកន្លែងដដែលរៀងៗខ្លួន ។
ក្រុមភ្នំពេញក្រោន និងក្រុមណាហ្គាខប ជួបគ្នាលើកនេះមិនមានក្រុមណាមានលទ្ធភាពស៊ុតបាល់បញ្ចូលទីគ្នាបានសម្រេចឡើយ ចប់ការប្រកួតក្រុមទាំង២ទទួលបានលទ្ធផលស្មើគ្នា០-០ ។ ក្រុមភ្នំពេញក្រោន ពេលនេះលេងបាន១៦ប្រកួត ឈ្នះ៨ ស្មើ៥ ចាញ់៣ មាន២៩ពិន្ទុ ស្ថិតនៅលេខរៀងទី៣ នៃតារាង ។ រីឯក្រុមណាហ្គាខប វិញ លេងបាន១៦ប្រកួតដូចគ្នា ឈ្នះ៦ ស្មើ៧ ចាញ់៣ មាន២៥ពិន្ទុ កំពុងតែបារម្ភពីការខ្ទាតចេញពីក្នុងក្រុមកំពូលតារាងទាំង៤ខ្លាំងណាស់ ។
នៅលើសមរភូមិវាលស្មៅក្នុងថ្ងៃដដែល ក្រុមក្រសួងការពារជាតិ និងក្រុមអគ្គលេខាធិការដ្ឋានព្រឹទ្ធសភា ទទួលបានលទ្ធផលស្មើគ្នា ១-១ ។ ក្រុមក្រសួងការពារជាតិ មានឱកាសរកបាន១គ្រាប់នាំមុខមុន ដោយកីឡាករ ភួង សុខសាណា ពាក់អាវលេខ២១ នៅនាទីទី៤៤ ចំណែកឯក្រុមអគ្គលេខាធិការដ្ឋានព្រឹទ្ធសភាវិញ រកបាន១គ្រាប់សងវិញ ដោយកីឡាករ ឈឹម សីហា ពាក់អាវលេខ២៥ នៅនាទីទី៥៧ ។
ក្រុមក្រសួងការពារជាតិ ពេលនេះលេងបាន១៥ប្រកួត ឈ្នះ៤ ស្មើ៦ ចាញ់៥ មាន១៨ពិន្ទុ ស្ថិតនៅលេខរៀងទី៨ ក្នុងតារាង ។ រីឯក្រុមព្រឹទ្ធសភាវិញ លេងបាន១៦ប្រកួត មិនទាន់ស្គាល់ឈ្នះម្តងណាឡើយ ក្នុងនោះស្មើ២ ចាញ់១៤ មាន២ពិន្ទុ ស្ថិតនៅបាតតារាង ៕
ចែករំលែកព័តមាននេះ