រាជធានីភ្នំពេញ ៖ លោកហុង ណារ៉ា អតីតចាងហ្វាងកាសែត «កម្ពុជាថ្ងៃនេះ» ត្រូវបាននាំខ្លួនមកសាកសួរបន្ថែមពីបទរំលោ.ភសេចក្តីទុកចិត្ត និងក្លែងឯកសារ កាលពីព្រឹកថ្ងៃទី២៧ មិថុនា ២០១៣ ។ ការសាកសួរនេះ ត្រូវបានជនជាប់ចោទរូបនេះបានបញ្ជាក់ថា រូបគាត់ត្រូវបានសាកសួរដោយព្រះរាជអាជ្ញារង និងចៅក្រមស៊ើបអង្កេតទាក់ទងនឹងដើមបណ្តឹងប្រមាណជិត១០នាក់
រាជធានីភ្នំពេញ ៖ លោកហុង ណារ៉ា អតីតចាងហ្វាងកាសែត «កម្ពុជាថ្ងៃនេះ» ត្រូវបាននាំខ្លួនមកសាកសួរបន្ថែមពីបទរំលោភសេចក្តីទុកចិត្ត និងក្លែងឯកសារ កាលពីព្រឹកថ្ងៃទី២៧ មិថុនា ២០១៣ ។ ការសាកសួរនេះ ត្រូវបានជនជាប់ចោទរូបនេះបានបញ្ជាក់ថា រូបគាត់ត្រូវបានសាកសួរដោយព្រះរាជអាជ្ញារង និងចៅក្រមស៊ើបអង្កេតទាក់ទងនឹងដើមបណ្តឹងប្រមាណជិត១០នាក់ផ្សេងទៀត ក្រៅពីលោកនួន សុន ជាដើមបណ្តឹងក្នុងរឿងនេះ ដោយបានដាក់ពាក្យប្តឹងថា ជនជាប់ចោទបានរំលោភលើសេចក្តីទុកចិត្តទាក់ទងនឹងលុយប្រមាណជាង២០ម៉ឺនដុល្លារអាមេរិក ក្នុងភាគហ៊ុនរកស៊ីចូលគ្នាទិញ-លក់រថយន្ត ។
លោកហុង ណារ៉ា អាយុ៤០ឆ្នាំ ត្រូវបានប៉េអឹមលើផ្ទៃប្រទេសចាប់ខ្លួន និងបញ្ចូលទៅសាលាដំបូងរាជធានីភ្នំពេញនៅដើមខែមិថុនា នាឆ្នាំ២០១៣នេះ ក្រោយមកត្រូវបានចោទប្រកាន់ពីបទ «រំលោភលើសេចក្តីទុកចិត្ត និងក្លែងឯកសារ» តែការចូលខ្លួនមកបំភ្លឺនេះ គឺបំភ្លឺទៅលើការដាក់បន្ទុកក្នុងសំណុំរឿងដែលមានដើមបណ្តឹងថ្មី ដែលទើបតែចេញមុខដាក់ពាក្យប្តឹងជនជាប់ចោទ ។ ស្ថិតក្នុងសម្លៀកបំពាក់ជាអ្នកទោស លោកហុង ណារ៉ា បាននិយាយថា គាត់ត្រូវបាននាំចូលក្នុងបន្ទប់របស់លោកព្រះរាជអាជ្ញារងម្នាក់ ដើម្បីសាកសួរបន្ថែម ព្រោះបានមនុស្សប្រមាណជិត១០នាក់ ដែលធ្លាប់រកស៊ីលក់-ទិញរថយន្តជាមួយគ្នាបានដាក់ពាក្យប្តឹងគាត់ក្រោយពេលបាត់រូបគាត់មិនឃើញមុខ គឺនៅក្រោយពេលគាត់ត្រូវបានចាប់ខ្លួនបញ្ជូនទៅពន្ធនាគារព្រៃស ៕
ចែករំលែកព័តមាននេះ