ខេត្តកណ្តាល ៖ បុរសម្នាក់បានត្រូវជនមិនស្គាល់មុខបា.ញ់សម្លា.ប់នៅក្នុងរថយន្ត រួចបើករថយន្តយកមកដុតនៅផ្លូវលំក្រាលបេតុងក្នុងភូមិបត្តាជី សង្កាត់ព្រែកហូរ ក្រុងតាខ្មៅ នាវេលាម៉ោង៤រសៀលថ្ងៃទី២៦ មិថុនា ។ ក្រោយពីដុតរថយន្តឱ្យឆេះហើយ ទើបជនមិនស្គាល់មុខបានឡើងជិះម៉ូតូគេចខ្លួនបាត់ ។ ទោះបីជាយ៉ាងណា អ្នកភូមិបាននាំគ្នាជួយពន្លត់ និងអូសសពជនរងគ្រោះចេញពី
ខេត្តកណ្តាល ៖ បុរសម្នាក់បានត្រូវជនមិនស្គាល់មុខបាញ់សម្លាប់នៅក្នុងរថយន្ត រួចបើករថយន្តយកមកដុតនៅផ្លូវលំក្រាលបេតុងក្នុងភូមិបត្តាជី សង្កាត់ព្រែកហូរ ក្រុងតាខ្មៅ នាវេលាម៉ោង៤រសៀលថ្ងៃទី២៦ មិថុនា ។ ក្រោយពីដុតរថយន្តឱ្យឆេះហើយ ទើបជនមិនស្គាល់មុខបានឡើងជិះម៉ូតូគេចខ្លួនបាត់ ។ ទោះបីជាយ៉ាងណា អ្នកភូមិបាននាំគ្នាជួយពន្លត់ និងអូសសពជនរងគ្រោះចេញពីក្នុងរថយន្តភ្លាមៗដែរ ។
រថយន្តខាងលើម៉ាកកាមរី ពណ៌ត្រីឆ្លូញ ពាក់ស្លាកលេខ 2D-5388 ចំណែកជនរងគ្រោះនៅក្នុងរថយន្តមានអាយុប្រហែល២៦ឆ្នាំ។ តាមប្រភពព័ត៌មានជុំវិញហេតុការណ៍នេះបានឱ្យដឹងថា មុនដំបូងគេឃើញរថយន្តខាងលើបើកចូលមកតាមផ្លូវក្រាលបេតុងក្នុងភូមិបត្តាជី សង្កាត់ព្រែកហូរ ហើយឈប់នៅចំណុចដែលស្ងាត់ ។ ពេលនោះគេឃើញបុរសម្នាក់បើកទ្វាររថយន្តចេញមក ហើយដុតរថយន្តនោះតែម្តង ។ តាមប្រភពព័ត៌មានបានបន្តថា ស្របពេលដែលជនមិនទាន់ស្គាល់អត្តសញ្ញាណ បានដុតរថយន្តឱ្យឆេះហើយនោះ ក៏មានជនម្នាក់ទៀតជិះម៉ូតូម៉ាកវ៉េវមួយគ្រឿងមកដល់ ហើយជនដែលដុតរថយន្តនោះ ក៏បានឡើងជិះទៅជាមួយគេចខ្លួនបាត់ទៅ ។ ទោះបីជាបែបណា រថយន្តនោះមិនទាន់ឆេះសន្ធោសន្ធៅនៅឡើយ ក៏ត្រូវបានអ្នកភូមិនាំគ្នាពន្លត់ទាន់ ។
សពបុរសដែលស្លាប់ក្នុងរថយន្តនោះត្រូវបានគេអូសចេញពីរថយន្ត និងបានសន្និដ្ឋានថា បុរសរូបនេះត្រូវបានបាញ់នៅកន្លែងផ្សេង ព្រោះពួកគេមិនបានឮស្នូរកាំភ្លើងនៅកន្លែងកើតហេតុទេ ។ តាមការពិនិត្យរបស់សមត្ថកិច្ចប៉ូលិសឱ្យដឹងថា ជនរងគ្រោះត្រូវបានឃាតករបាញ់ដោយកាំភ្លើងខ្លី១គ្រាប់ចំក្បាលពីក្រោយធ្លាយ និងជាការបាញ់យ៉ាងជិតបំផុត មានន័យថាទាំងជនរងគ្រោះ និងជនដៃដល់ជាមនុស្សស្គាល់គ្នា ហើយជិះរថយន្តជាមួយគ្នា ។
តាមប្រភពព័ត៌មានបានឱ្យដឹងទៀតថា តាមរយៈស្លាកលេខរថយន្តរបស់ជនរងគ្រោះ ត្រូវបានស្គាល់អត្តសញ្ញាណហើយ គឺឈ្មោះ ជាង ចិត្ត អាយុ២៦ឆ្នាំ ធ្វើការនៅក្រុមហ៊ុនស៊ីម៉ងត៍មួយ និងជាអ្នកប្រមូលទូទាត់លុយតាមដេប៉ូលក់គ្រឿងសំណង់ ។ មន្ត្រីប៉ូលិសកំពុងធ្វើកោសល្យវិច័យសព និងមិនទាន់ឱ្យដឹងពីមូលហេតុច្បាស់លាស់នៅឡើយទេ ។ ទោះបីជាបែបណា ការស្គាល់អត្តសញ្ញាណជនរងគ្រោះ គឺជាពន្លឺក្នុងការវែកមុខឃាតករដ៏សាហាវនេះ ៕
ចែករំលែកព័តមាននេះ