ខេត្តកំពង់ស្ពឺ ៖ នេនមួយអង្គគង់នៅក្នុងវត្តអង្គស្តុក ស្ថិតនៅក្នុងឃុំទួលអំពិល ស្រុកបសេដ្ឋ បានធ្វើអត្តឃាតដោយយកខ្សែភ្លើងចង.កភ្ជាប់ទៅនឹងធ្នឹមកុដិក្នុងវត្ត កាលពីវេលាម៉ោង២និង៣០នាទីរសៀលថ្ងៃទី២៥ មិថុនា នៅក្នុងវត្តស្តុក ធ្វើឱ្យមានការភ្ញាក់ផ្អើលដល់តាអាចារ្យ ដូនជី និងព្រះសង្ឃទៅមើលយ៉ាងច្រើនកុះករ ។
ខេត្តកំពង់ស្ពឺ ៖ នេនមួយអង្គគង់នៅក្នុងវត្តអង្គស្តុក ស្ថិតនៅក្នុងឃុំទួលអំពិល ស្រុកបសេដ្ឋ បានធ្វើអត្តឃាតដោយយកខ្សែភ្លើងចង.កភ្ជាប់ទៅនឹងធ្នឹមកុដិក្នុងវត្ត កាលពីវេលាម៉ោង២និង៣០នាទីរសៀលថ្ងៃទី២៥ មិថុនា នៅក្នុងវត្តស្តុក ធ្វើឱ្យមានការភ្ញាក់ផ្អើលដល់តាអាចារ្យ ដូនជី និងព្រះសង្ឃទៅមើលយ៉ាងច្រើនកុះករ ។
មន្ត្រីប៉ូលិសព្រហ្មទណ្ឌស្រុកបសេដ្ឋបានឱ្យដឹងថា នេនអង្គនេះនាម ជាង សុខ ព្រះជន្ម១៧ឆ្នាំ ទើបតែបំបួសបាន៣ទៅ៤ខែប៉ុណ្ណោះ ហើយមិនដឹងថាមានវិបត្តិអ្វីទេ បានជាយកខ្សែភ្លើងប្រវែងប្រមាណមួយម៉ែត្រមកចង.កនៅក្នុងកុដិ បណ្តាលឱ្យសុគត ។
នៅកន្លែងកើតហេតុ មន្ត្រីប៉ូលិសជំនាញបច្ចេកទេសវិទ្យាសាស្ត្រឱ្យដឹងថា នេនមួយអង្គនោះពិតជាធ្វើអត្តឃាតដោយចង.កប្រាកដមែនដែលប្រហែលជាមានវិបត្តិផ្លូវចិត្តអ្វីមួយ ។ ក្រោយពីធ្វើកោសល្យវិច័យចប់សព្វគ្រប់រួចហើយ ប៉ូលិសក៏បានប្រគល់សពឱ្យញោមប្រុសស្រីយកទៅធ្វើពិធីបូជាតាមប្រពៃណី ៕
ចែករំលែកព័តមាននេះ