ខេត្តកណ្តាល ៖ គណៈពង្រឹងមូលដ្ឋានក្រុងតាខ្មៅ ដឹកនាំដោយលោកឧត្តមសេនីយ៍ឯកឌៀង សារុន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អនុប្រធានទី១គណៈពង្រឹងមូលដ្ឋានក្រុងតាខ្មៅ និងជាប្រធានគណៈពង្រឹងមូលដ្ឋានសង្កាត់តាខ្មៅ កាលពីព្រឹកថ្ងៃទី២៦ មិថុនា បានបើកការដ្ឋានជួសជុលផ្លូវចំនួន២ខ្សែ និងស្ថាបនាស្ពាន
ខេត្តកណ្តាល ៖ គណៈពង្រឹងមូលដ្ឋានក្រុងតាខ្មៅ ដឹកនាំដោយលោកឧត្តមសេនីយ៍ឯកឌៀង សារុន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អនុប្រធានទី១គណៈពង្រឹងមូលដ្ឋានក្រុងតាខ្មៅ និងជាប្រធានគណៈពង្រឹងមូលដ្ឋានសង្កាត់តាខ្មៅ កាលពីព្រឹកថ្ងៃទី២៦ មិថុនា បានបើកការដ្ឋានជួសជុលផ្លូវចំនួន២ខ្សែ និងស្ថាបនាស្ពានបេតុងមួយកន្លែងនៅភូមិព្រែករាំង និងភូមិព្រែករាំង១ ស្ថិតក្នុងសង្កាត់កំពង់សំណាញ់ ក្រុងតាខ្មៅ ។
លោកយាវ ឡេង ចៅសង្កាត់កំពង់សំណាញ់បានអានរបាយការណ៍ឱ្យដឹងថា ផ្លូវពីរខ្សែដែលត្រូវបើកការដ្ឋាននេះ មានប្រវែង១.៨៥០ម៉ែត្រ ទទឹង៥ម៉ែត្រ ក្រាលថ្ម និងផ្លូវ១ខ្សែទៀតមានប្រវែង១.៤០០ម៉ែត្រ ទទឹង៥ម៉ែត្រ ត្រូវបន្តធ្វើការជួសជុល សរុបជាង៣គីឡូម៉ែត្រ គិតជាទឹកប្រាក់ស្មើនឹង៣២.៥០០ដុល្លារ ។ រីឯផ្លូវបេតុង១ខ្សែដែលបានកសាងហើយនោះមានប្រវែង៤០០ម៉ែត្រ ទទឹង៤,៥០ម៉ែត្រ ឆ្លងកាត់ពីភូមិព្រែករាំងទៅភូមិព្រែករាំង១ ចំណាយអស់ទឹកប្រាក់ជាង៣ម៉ឺនដុល្លារដែរ ។ ចំណែកឯស្ពានបេតុង១កន្លែងដែលកំពុងកសាងនោះមានប្រវែង១២,៥០ម៉ែត្រ ទទឹង៦,៥០ម៉ែត្រ ត្រូវចំណាយទឹកប្រាក់អស់ចំនួន៦៥.០០០ដុល្លារ ។
លោកឧត្តមសេនីយ៍ឯកឌៀង សារុន បានមានប្រសាសន៍លើកឡើងអំពីការបោះឆ្នោតជ្រើសតាំងតំណាងរាស្ត្រអាណត្តិទី៥ដែលនឹងប្រព្រឹត្តទៅនៅថ្ងៃអាទិត្យទី២៨ កក្កដា ខាងមុខនេះ សូមបងប្អូនប្រជាពលរដ្ឋអញ្ជើញទៅបោះឆ្នោតឱ្យបានគ្រប់ៗគ្នាដោយបោះឆ្នោតជូនគណបក្សប្រជាជនកម្ពុជា ដែលមានលំដាប់លេខរៀងទី៤ ដើម្បីគាំទ្រសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីក្នុងអាណត្តិទី៥ និងអាណត្តិក្រោយៗទៀត ។
បើតាមលោកចៅសង្កាត់កំពង់សំណាញ់ឱ្យដឹងថា នៅក្នុងសង្កាត់កំពង់សំណាញ់ ជាពិសេសនៅក្នុងមូលដ្ឋានភូមិព្រែករាំង និងព្រែករាំង១ ពីមុនមក ជាតំបន់បឹងនិងសម្បូរទៅដោយព្រៃហើយគ្មានផ្លូវគមនាគមន៍ ជាហេតុធ្វើឱ្យបងប្អូនប្រជាពលរដ្ឋជួបការលំបាក ក្នុងការធ្វើដំណើរឆ្លងកាត់ តែឥឡូវនេះមានផ្លូវឆ្លងកាត់ខ្វាត់ខ្វែងពេញក្នុងភូមិ ។ សមិទ្ធផលទាំងនេះ គឺជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ៕
ចែករំលែកព័តមាននេះ