រាជធានីភ្នំពេញ ៖ នៅក្នុងមជ្ឈមណ្ឌលគរុកោសល្យរាជធានីភ្នំពេញ (អូរបែកក្អម) ស្ថិតនៅទីលានដំរីសនឹងមានការប្រកួតកីឡាជាលក្ខណៈមិត្តភាពរវាងក្រុមកីឡាបាល់ទាត់កោះសន្តិភាព ជាមួយក្រុមកីឡាបាល់ទាត់សាកលវិទ្យាល័យខ្មែរបច្ចេកវិទ្យា និងគ្រប់គ្រង មកពីក្រុងព្រះសីហនុ ដែលនឹងចាប់ផ្តើមឡើងនៅវេលាម៉ោង២រសៀលថ្ងៃទី២៩ មិថុនា ឆ្នាំ២០១៣ ខាងមុខនេះ ។
រាជធានីភ្នំពេញ ៖ នៅក្នុងមជ្ឈមណ្ឌលគរុកោសល្យរាជធានីភ្នំពេញ (អូរបែកក្អម) ស្ថិតនៅទីលានដំរីសនឹងមានការប្រកួតកីឡាជាលក្ខណៈមិត្តភាពរវាងក្រុមកីឡាបាល់ទាត់កោះសន្តិភាព ជាមួយក្រុមកីឡាបាល់ទាត់សាកលវិទ្យាល័យខ្មែរបច្ចេកវិទ្យា និងគ្រប់គ្រង មកពីក្រុងព្រះសីហនុ ដែលនឹងចាប់ផ្តើមឡើងនៅវេលាម៉ោង២រសៀលថ្ងៃទី២៩ មិថុនា ឆ្នាំ២០១៣ ខាងមុខនេះ ។
នេះគឺជាជំនួបលើកដំបូងរបស់ក្រុមទាំងពីរ ក្នុងគោលបំណងចងសម្ព័ន្ធភាព និងដកស្រង់បទពិសោធន៍គ្នាទៅវិញទៅមក ក៏ដូចជាការរួមចំណែកលើកស្ទួយវិស័យកីឡាបាល់ទាត់នៅក្នុងប្រទេសយើងផងដែរ ។
លោកនួន ភិរម្យ ប្រធានក្រុមបាល់ទាត់កោះសន្តិភាពបានឱ្យដឹងថា ក្រុមកីឡាករកោះសន្តិភាពដែលទើបបង្កើតឡើងបានជាង១ឆ្នាំនេះ ពុំសូវមានពេលវេលាគ្រប់គ្រាន់ដើម្បីហ្វឹកហាត់នោះទេ ដូច្នេះពេលជួបប្រកួតជាមួយដៃគូម្តងៗ ក៏ពុំសូវទទួលបានលទ្ធផលល្អដែរ ។ ទោះបីជាយ៉ាងណាក្តីលោកបានបញ្ជាក់ថា ការរកជ័យជម្នះបាន ឬមិនបាន គឺមិនសំខាន់ទេ អ្វីដែលសំខាន់នោះ គឺពួកយើងបានមកជួបជុំគ្នា ក្រោយពេលបំពេញការងារនឿយហត់អស់មួយសប្តាហ៍ ហើយនាំគ្នាលេងកីឡាដើម្បីសុខភាព និងមិត្តភាពតែប៉ុណ្ណោះ ។
សម្រាប់ជំនួបលើកដំបូងរវាងក្រុមទាំងពីរនេះ តើក្រុមណាមួយមានសំណាងអាចរកគ្រាប់បាល់បានមុន ? អ្វីៗយើងមិនអាចព្យាករណ៍ទុកមុនឱ្យត្រូវ១០០ភាគរយបាននោះឡើយ សំខាន់យើងដឹងថា ក្រុមណាមួយទទួលបានជ័យជម្នះ គឺក្រោយពេលលោកអាជ្ញាកណ្តាលផ្លុំកញ្ចែបញ្ចប់ការប្រកួតក្នុងរយៈពេល៩០នាទី ៕
ចែករំលែកព័តមាននេះ