រាជធានីភ្នំពេញ ៖ Girl risingជាភាពយន្តឯកសារថ្មីមួយស្តីពីការអប់រំកុមារី ដែលដឹកនាំថតដោយអ្នកដែលត្រូវគេជ្រើសរើសសម្រាប់ពានរង្វាន់អាកាដឺមីលោក Richard E. Robbins នឹងដាក់បញ្ចាំងនៅថ្ងៃទី២ ខែកក្កដា ឆ្នាំ២០១៣ នៅមជ្ឈមណ្ឌលវប្បធម៌បារាំងពីម៉ោង៦ដល់ម៉ោង៩យប់ ។
រាជធានីភ្នំពេញ ៖ Girl risingជាភាពយន្តឯកសារថ្មីមួយស្តីពីការអប់រំកុមារី ដែលដឹកនាំថតដោយអ្នកដែលត្រូវគេជ្រើសរើសសម្រាប់ពានរង្វាន់អាកាដឺមីលោក Richard E. Robbins នឹងដាក់បញ្ចាំងនៅថ្ងៃទី២ ខែកក្កដា ឆ្នាំ២០១៣ នៅមជ្ឈមណ្ឌលវប្បធម៌បារាំងពីម៉ោង៦ដល់ម៉ោង៩យប់ ។
យោងតាមសេចក្តីប្រកាសព័ត៌មានបានឲ្យដឹងថា ភាពយន្តនេះនិយាយអំពីជីវិតកុមារីចំនួន៩រូប មកពី៩ប្រទេស ក្នុងនោះមានកម្ពុជាផងដែរ ដែលបានឆ្លុះបញ្ចាំងអំពីឥទ្ធិពលការអប់រំទៅលើសហគមន៍ប្រទេសក៏ដូចជាពិភពលោក ។បើតាមរបាយការណ៍របស់ក្រុមប្រឹក្សាទំនាក់ទំនងបរទេសមានចំណងជើងថា«អ្វីដែលដំណើរការក្នុងការអប់រំកុមារី» ឱ្យដឹងថា ការអប់រំកម្រិតបឋមសិក្សារយៈពេលមួយឆ្នាំរបស់កុមារីនឹងបង្កើនចំណូលពួកគេក្នុងពេលអនាគតចំនួនពី១០ទៅ២០% ។
លោកស្រី ពេជ្រ សុផារី តំណាងអង្គការភ្លែនកម្ពុជាមានប្រសាសន៍ថា ខ្លឹមសារភាពយន្តនេះស្របទៅនឹងយុទ្ធនាការដោយសារលោកស្រី ជាតំណាងកុមារីរបស់អង្គការភ្លេនដែលកំពុងសហការអនុវត្តជាមួយក្រសួងកិច្ចការនារី ។ ជាមួយជំនឿថា កុមារីជាធនធានដ៏មានប្រយោជន៍ក្នុងការលុបបំបាត់ភាពក្រីក្រ យុទ្ធនាការនេះកំពុងធ្វើឡើងក្នុង៦៩ប្រទេសនៅទូទាំងពិភពលោក ដើម្បីអំពាវនាវឲ្យមានសកម្មភាពលើកកម្ពស់ចំណេះដឹង និងជំនាញសម្រាប់កុមារីឆ្ពោះទៅរកការរីកចម្រើនដោយនិរន្តរភាព ។ ការស្រាវជ្រាវបានបង្ហាញថា នៅទូទាំងពិភពលោកកុមារីម្នាក់ក្នុងចំណោមកុមារីបីនាក់មិនទទួលបានការអប់រំទេ ដោយសារភាពក្រីក្រ ការរើសអើង និងអំពើហិង្សា ។
ប្រសិនបើកុមារីបន្តការសិក្សា និងទទួលជំនាញពិតប្រាកដ ពួកគេនឹងទទួលបានចំណូលបន្ថែមក្នុងពេលអនាគត មិនប្រញាប់រៀបការ ព្រមទាំងមិនចាំបាច់មានកូនច្រើនពេក ហើយសុខភាពល្អ ។ លោកស្រីពេជ្រ សុផារី បញ្ជាក់ថា ការអប់រំក៏ជួយការពារកុមារីពីមេរោគ និងជំងឺអេដស៍ ការបំពានផ្លូវភេទ និងការជួញដូរ ។ ទន្ទឹមគ្នានេះកុមារីដែលទទួលបានការអប់រំអាចឆ្លើយតបនឹងគ្រោះមហន្តរាយប្រសើរជាង ។
ភាពយន្តឯកសារនេះ នាំមកជូនដោយយុទ្ធនាការគាំទ្រការអប់រំសម្រាប់កុមារីហៅថា ១០x១០ ក្រុមហ៊ុនសាជីវកម្ម intel ផលិតកម្ម CNN និងរៀបចំដោយអង្គការភ្លេននៅកម្ពុជា និងអង្គការ A new Day Cambodia ។តំណាងប្រមាណ១២០ មកពីក្រសួងកិច្ចការនារី ក្រសួងអប់រំ យុវជន និងកីឡា ក្រសួងសង្គមកិច្ច អតីតយុទ្ធជន និងយុវនីតិសម្បទា ក៏ដូចជាក្រុមប្រឹក្សាជាតិកម្ពុជាដើម្បីកុមារ ស្ថានទូតអង្គការក្រៅរដ្ឋាភិបាល ស្ថាប័នអង្គការសហប្រជាជាតិ និងសាកលវិទ្យាល័យនានា នឹងចូលរួមក្នុងកម្មវិធីនេះ៕
ចែករំលែកព័តមាននេះ