រាជធានីភ្នំពេញ ៖ នៅមជ្ឈមណ្ឌលសហប្រតិបត្តិការកម្ពុជា-ជប៉ុន កាលពីថ្ងៃទី២២ មិថុនា កន្លងទៅនេះ សមាគម HOH ជួយស្រុកកំណើតយើង បានរៀបចំធ្វើសិក្ខាសាលាមួយស្តីពីគន្លឹះ៣យ៉ាងរបស់កំពូលអ្នកលក់ឆ្នើមដោយមានសិក្ខាកាមចំនួនជាង៣០០នាក់ មកពីបណ្តាគ្រឹះស្ថានមីក្រូហិរញ្ញវត្ថុ ក្រុមហ៊ុននិងសហគ្រាសជាច្រើនបានចូលរួម ។
រាជធានីភ្នំពេញ ៖ នៅមជ្ឈមណ្ឌលសហប្រតិបត្តិការកម្ពុជា-ជប៉ុន កាលពីថ្ងៃទី២២ មិថុនា កន្លងទៅនេះ សមាគម HOH ជួយស្រុកកំណើតយើង បានរៀបចំធ្វើសិក្ខាសាលាមួយស្តីពីគន្លឹះ៣យ៉ាងរបស់កំពូលអ្នកលក់ឆ្នើមដោយមានសិក្ខាកាមចំនួនជាង៣០០នាក់ មកពីបណ្តាគ្រឹះស្ថានមីក្រូហិរញ្ញវត្ថុ ក្រុមហ៊ុននិងសហគ្រាសជាច្រើនបានចូលរួម ។
លោក អឿ សំអាត ប្រធានអនុវត្តគំរោងរបស់សមាគម HOH ជួយស្រុកកំណើតយើងបានថ្លែងថា សិក្ខាសាលានេះរៀបចំឡើងក្នុងគោលបំណងចូលរួមអភិវឌ្ឍន៍ធនធានមនុស្សដែលពាក់ព័ន្ធលើជំនាញបទពិសោធន៍ជាក់ស្តែង និងគន្លឹះសំខាន់ៗនៃការលក់ ។ គន្លឹះទាំងបីយា៉ងនេះគឺ ៖
ទី១-ការរៀបចំ និងការតុបតែងរូបសម្បត្តិឱ្យបានសមជាអ្នកលក់ ដូចជាការស្លៀកពាក់ ភាពស្អាតបាត និងការទាក់ទាញផ្នែកខាងក្រៅ។
ទី២-ការជឿជាក់ កិរិយាមារយាទ ការនិយាយស្តី ភាពសមស្របនៃតួនាទីជាអ្នកលក់ផលិតផល និងការទាក់ទាញរបស់អ្នកលក់ ។
ទី៣-វិធីសាស្ត្រក្នុងការដោះស្រាយជាមួយអតិថិជន និងបង្ហាញឱ្យអតិថិជនដឹងថា ការចំណាយពេលរបស់គេជួបជាមួយអ្នកលក់គឺពិតជាមិនអត់ប្រយោជន៍ទេ ធ្វើឱ្យអតិថិជនចង់សាក ចង់ទិញផលិតផល ។
សមាគម HOH ជួយស្រុកកំណើតយើង ត្រូវបានបង្កើតឡើងនៅថ្ងៃទី១៣ ធ្នូ ២០០៤ ដែលបានចុះឈ្មោះស្របច្បាប់ នៅក្រសួងមហាផ្ទៃនៃព្រះរាជាណាចក្រកម្ពុជា ។ បុព្វហេតុនៃការបង្កើតសមាគមនេះឡើង គឺស្តែងចេញពីការយល់ឃើញរួមមួយពីសំណាក់បុគ្គលជាច្រើនដែលបានចាកឆ្ងាយពីស្រុកកំណើតរបស់ខ្លួន ដោយមើលឃើញនូវឱកាសដ៏ធំធេងក្នុងការចូលរួមចំណែកជួយជ្រោមជ្រែងក្នុងការអភិវឌ្ឍធនធានមនុស្សនៅកម្ពុជា ។ តាមការសង្កេតឃើញយា៉ងយកចិត្តទុកដាក់របស់សមាគមទៅលើបញ្ហាមួយចំនួនដែលតែងតែកើតឡើងលើមនុស្សជាច្រើន ដូចជា ៖
-មនុស្សមួយចំនួនខ្វះលទ្ធភាពក្នុងការយល់ និងការគិតឱ្យបានច្បាស់លាស់ពីគោលដៅជីវិតរបស់ខ្លួន ។
-មនុស្សមួយចំនួនបាត់បង់នូវក្តីសង្ឃឹម និងសេចក្តីក្លាហាន ក្នុងការបន្តដំណើរជីវិតទៅថ្ងៃអនាគត ។
-មនុស្សមួយចំនួនរស់នៅតាមយថាកម្ម ដោយមានការពឹងផ្អែកយា៉ងខ្លាំងទៅលើព្រេងសំណាង និងជំនួយក្រៅខ្លួន ។
-មនុស្សមួយចំនួនប្រកបរបរចិញ្ចឹមជីវិតប្រចាំថ្ងៃដោយប្រើប្រាស់ការគិត និងទម្លាប់ធ្វើដដែលៗពីជំនាន់មួយទៅជំនាន់មួយទៀតដោយមិនមានការផ្លាស់ប្តូរ និងរីកចម្រើន ។
ទស្សនវិស័យរបស់សមាគម HOH ជួយស្រុកកំណើតយើង គឺយើងចង់ឃើញនូវ«ភាពរុងរឿង សំបូរសប្បាយ នៅលើមាតុភូមិអង្គរដ៏បវរនៃយើង» ។លោក អឿ សំអាត បញ្ជាក់ថា បេសកកម្មរបស់សមាគម «HOH ជួយស្រុកកំណើតយើង» គឺយើងត្រូវធ្វើយា៉ងណាដើម្បីផ្តល់នូវក្តីសង្ឃឹម និងពង្រឹងសុភមង្គលគ្រួសារ តាមរយៈការកសាងភាពជាអ្នកដឹកនាំ និងភាពម្ចាស់ការលើខ្លួនឯង និងលើកកម្ពស់ធនធានមនុស្ស និងអភិវឌ្ឍន៍សេដ្ឋកិច្ចក្នុងស្រុកកំណើតយើងទុកជាកេរមរតកសម្រាប់មនុស្សជំនាន់ក្រោយ ។
ដើម្បីសម្រេចបាននូវបេសកកម្ម និងទស្សនវិស័យថ្លៃថ្លានេះ សមាគម«HOH ជួយស្រុកកំណើតយើង» បានបង្កើតឱ្យមាននូវកម្មវិធីសំខាន់ៗចំនួន៦គឺ៖
-កម្មវិធី «យុវជនជាទំពាំងស្នងឫស្សី»ដែលមានរៀបចំសិក្ខាសាលាតម្រង់ទិស
-កម្មវិធី «គុណភាពគ្រូបង្រៀន»
-កម្មវិធី «ពង្រឹងសកម្មភាពគ្រួសារ»
-កម្មវិធី «សម្ព័ន្ធការងារ និងពាណិជ្ជកម្ម»
-កម្មវិធី «សាសនា និងការអភិវឌ្ឍ»
-កម្មវិធី យុវជន និងការលើកស្ទួយបរិស្ថាន
ក្នុងរយៈកាលកន្លងមកនេះ ដោយមានការគាំទ្រជ្រោមជ្រែងយា៉ងពេញទំហឹងពីសំណាក់សមាជិករបស់សមាគម និងការចូលរួមឧបត្ថម្ភពីសប្បុរសជនជាច្រើន សមាគម HOH ជួយស្រុកកំណើតយើង សម្រេចបាននូវស្នាដៃ និងសកម្មភាពជាច្រើនដែលផ្តោតទៅលើយុវជន ៕
ចែករំលែកព័តមាននេះ