រាជធានីភ្នំពេញ ៖ សណ្ឋាគារចុងស៊ីង និងផ្ទះសំណាក់ទំនើបត្រូវបានកម្លាំងនគរបាលព្រហ្មទណ្ឌខណ្ឌទួលគោកសហការជាមួយនគរបាល មន្ទីរប្រឆាំងគ្រឿងញៀននៃក្រសួងមហាផ្ទៃចុះឆែកឆេរបង្រ្កាបគ្រឿងញៀនកាលពីវេលាម៉ោង៣និង៣០នាទីរសៀលថ្ងៃទី២៤ មិថុនា ហើយឃាត់ខ្លួនបានជនជាតិចិន និងវៀតណាមចំនួន៤នាក់ ព្រមទាំងដកហូតបានគ្រឿងញៀនប្រភេទយ៉ាម៉ាចំនួន២៤
រាជធានីភ្នំពេញ ៖ សណ្ឋាគារចុងស៊ីង និងផ្ទះសំណាក់ទំនើបត្រូវបានកម្លាំងនគរបាលព្រហ្មទណ្ឌខណ្ឌទួលគោកសហការជាមួយនគរបាល មន្ទីរប្រឆាំងគ្រឿងញៀននៃក្រសួងមហាផ្ទៃចុះឆែកឆេរបង្រ្កាបគ្រឿងញៀនកាលពីវេលាម៉ោង៣និង៣០នាទីរសៀលថ្ងៃទី២៤ មិថុនា ហើយឃាត់ខ្លួនបានជនជាតិចិន និងវៀតណាមចំនួន៤នាក់ ព្រមទាំងដកហូតបានគ្រឿងញៀនប្រភេទយ៉ាម៉ាចំនួន២៤គ្រាប់ និងម៉ាទឹកកកចំនួន២កញ្ចប់ធំ ។
សណ្ឋាគារ ចុងស៊ីង មានទីតាំង ផ្ទះលេខ៧៥ ស្ថិតតាមបណ្ដោយផ្លូវលេខ២២៥ សង្កាត់ផ្សារដេប៉ូ៣ ខណ្ឌទួលគោក និងផ្ទះសំណាក់ទំនើប ស្ថិតនៅអគារលេខ១៨ ផ្លូវលេខ២២៥ ក្រុម១៦ សង្កាត់ផ្សារដេប៉ូ៣ ខណ្ឌទួលគោក ដែលស្ថិតនៅក្បែរគ្នា ។
តាមព័ត៌មានពីសមត្ថកិច្ចបានឱ្យដឹងថាបន្ទប់លេខ២០៦នៃសណ្ឋាគារចុងស៊ីងត្រូវបានឆែកឆេរ និងឃាត់ខ្លួនក្រុមជួញដូរគ្រឿងញៀនបានចំនួន៣នាក់ ក្នុងនោះមានជនជាតិចិន២នាក់ និងស្រី្តវៀតណាមម្នាក់ព្រមទាំងដកហូតវត្ថុតាងម៉ាទឹកកកចំនួន២កញ្ចប់ធំ និងឧបករណ៍សម្រាប់ជក់មួយចំនួនទៀត ។ ចំណែកផ្ទះសំណាក់ទំនើបឆែកឆេរនៅបន្ទប់លេខ២០១ ឃាត់ខ្លួនបានស្ដ្រីជនជាតិវៀតណាមម្នាក់ និងដកហូតថ្នាំញៀនប្រភេទយ៉ាម៉ាចំនួន២៤គ្រាប់ និងឧបករណ៍សម្រាប់ជក់មួយចំនួន ។
ការឈានទៅបង្រ្កាបគ្រឿងញៀននេះត្រូវបានសមត្ថកិច្ចរបស់មន្ទីរប្រឆាំងគ្រឿងញៀនធ្វើការស្រាវជ្រាវជាច្រើនថ្ងៃមកហើយ បន្ទាប់មកក៏បានរាយការណ៍ទៅព្រះរាជអាជ្ញារងអមសាលាដំបូងរាជធានីភ្នំពេញចុះទៅបង្រ្កាបតែម្តង ។បន្ទាប់ពីឃាត់ខ្លួនជនសង្ស័យទាំង៤នាក់រួម នឹងវត្ថុតាងរួចមកសមត្ថកិច្ចបានបញ្ជូនទៅកាន់មន្ទីរប្រឆាំងគ្រឿងញៀននៃក្រសួងមហាផ្ទៃដើម្បីសាកសួរ ៕
ចែករំលែកព័តមាននេះ