យោងតាមលោក Toni Minichiello ដែលជាគ្រូបង្វឹកបានឱ្យដឹងថា គម្រោងវិលចូលទីលានប្រកួតជាថ្មីនៅចុងខែនេះរបស់នាង Jessica Ennis ដែលជាម្ចាស់មេដាយមាសអូឡាំពិកឆ្នាំ២០១២ វិញ្ញាសា Heptathlon ត្រូវបានលុបចោលវិញហើយ ពោលគឺក្រោយពេលនាងប្រកួតសាកល្បង របួសកជើងក៏រើឡើងវិញ ។ គួរកត់សម្គាល់ថា អត្តពលិកអង់គ្លេសរូបនេះពុំធ្លាប់បានចេញប្រកួត
យោងតាមលោក Toni Minichiello ដែលជាគ្រូបង្វឹកបានឱ្យដឹងថា គម្រោងវិលចូលទីលានប្រកួតជាថ្មីនៅចុងខែនេះរបស់នាង Jessica Ennis ដែលជាម្ចាស់មេដាយមាសអូឡាំពិកឆ្នាំ២០១២ វិញ្ញាសា Heptathlon ត្រូវបានលុបចោលវិញហើយ ពោលគឺក្រោយពេលនាងប្រកួតសាកល្បង របួសកជើងក៏រើឡើងវិញ ។ គួរកត់សម្គាល់ថា អត្តពលិកអង់គ្លេសរូបនេះពុំធ្លាប់បានចេញប្រកួតក្នុងកម្មវិធីណាមួយទេ ចាប់តាំងពីខែកក្កដា ឆ្នាំ២០១២ មក ពោលគឺបន្ទាប់ពីនាងមានរបួសកជើង ។
កាលពីសប្តាហ៍មុន នាងEnnis វ័យ២៧ឆ្នាំ គ្រោងទៅចូលរួមព្រឹត្តិការណ៍ប្រកួត Combined Events Challenge ដែលរៀបចំធ្វើនៅក្រុង Tallin ប្រទេសអេស្តូនី ថ្ងៃទី២៩-៣០ មិថុនា នេះ ។ តាមរយៈBBC នាងEnnis និយាយថា៖«នៅពេលចាប់ផ្តើមរត់ កជើងរបស់ខ្ញុំក៏ចាប់មានបញ្ហាមិនស្រួល ។ ដូច្នេះខ្ញុំនិងគ្រូបង្ហាត់លោក Toni Minichiello បានគិតគ្នាថា បើចូលរួមប្រកួតនាដំណាច់ខែនេះគឺមិនមែនជាជម្រើសល្អនោះទេ » ។
កាលពីសប្តាហ៍កន្លងទៅ លោក Minichiello បានបញ្ជាក់ថា ៖ «ពួកយើងនឹងធ្វើដំណើរទៅកាន់ទីក្រុង Tallin ហើយចូលរួមប្រកួតនៅទីនោះ ។ នោះគឺជាគម្រោងរបស់យើង»។ លោកថែមទាំងបានអះអាងថា លោកពិតជាសប្បាយចិត្តខ្លាំងណាស់ដែលរបួសកជើងរបស់នាង Ennis បានជាសះស្បើយ១០០% ៕
ចែករំលែកព័តមាននេះ