អាម៉ាស់មុខក្រោមដៃអីុរ៉ង់ទាំងព្រឹក ឌុន រដ្ឋា
- ភ្នំពេញ
រាជធានីភ្នំពេញ ៖ ការប្រដាល់អន្តរជាតិកាលពីព្រឹកថ្ងៃទី៩ ធ្នូ នេះ កីឡាករកម្ពុជា ឌុន រដ្ឋា រងការអាម៉ាស់យ៉ាងខ្លាំង ដោយសារកីឡាករអីុរ៉ង់…
រាជធានីភ្នំពេញ ៖ ការប្រដាល់អន្តរជាតិកាលពីព្រឹកថ្ងៃទី៩ ធ្នូ នេះ កីឡាករកម្ពុជា ឌុន រដ្ឋា រងការអាម៉ាស់យ៉ាងខ្លាំង ដោយសារកីឡាករអីុរ៉ង់ ដែលមានប្រវត្តិប្រកួតទើបតែ១៥លើក វាយអោយគេបរាជ័យ និងរាប់ដល់៣ដងភ្លាមៗ។ នេះជាប្រកួតមិត្តភាពអន្តរជាតិ ដែលមានអ្នកគាំទ្រភាគច្រើន យល់ថាកីឡាករកម្ពុជានឹងឈ្នះភាគច្រើន។
ការប្រកួតដែលបានធ្វើឡើងនៅលើសង្វៀនទូរទស្សន៍អាស៊ីនេះ មានអ្នកទស្សនាយ៉ាងកកកុញមួយនេះ កីឡាករ ឌុន រដ្ឋា ដែលត្រូវគេថា ជាកូនសិស្សរបស់កីឡាករជើងចាស់ អេ ភីថង រូបនេះ ប្រឹងប្រែងជាមួយគូប្រកួត មកពីអីុរ៉ង់ឈ្មោះ Abolfazl យ៉ាងខ្លាំង ប៉ុន្តែគេនៅតែភ្លាត់ឱ្យកីឡាករបរទេស វាយឱ្យរាប់២ដងភ្លាមៗ នៅទឹកទី១។
ការប្រកួតទាំងមូលធ្វើអោយអ្នកគាំទ្រ កញ្ជ្រោលយ៉ាងខ្លាំង ជាពិសេសក្នុងពេលកីឡាករបរទេស កាន់តែវាយសម្រុកបានល្អ ហើយវាយឱ្យកីឡាករកម្ពុជារាប់ជាលើកទី៣ នៅទឹកទី៣។ ទោះជាកីឡាករ ឌុន រដ្ឋា បានវាយប្ដូរក្នុងទឹកទី៤ និងទឹកទី៥ ក៏នៅតែចាញ់ប្រៀបគូប្រកួតបរទេស។
ប៉ុន្តែកីឡាករកម្ពុជា ក៏បានទទួលការសរសើរផងដែរ ក្រោយពេលបរាជ័យ ដោយអះអាងថា កីឡាករអីុរ៉ង់ខ្លាំងម្លឹង ហើយត្រូវគូប្រកួតវាយឱ្យរាប់៣ដង ដែលដឹងថា ត្រូវតែចាញ់ទៅហើយ គឺនៅតែតស៊ូដល់ទឹកចុងក្រោយ៕
ចែករំលែកព័តមាននេះ