រាជធានីភ្នំពេញ ៖ លោកស្រី ហ៊ឹម សុធន់អ៊ូ ដែលជាភរិយាលោក កើត សារ៉េត ជាម្ចាស់កម្មសិទ្ធិលើដី និងជាអ្នកឈ្នះក្តីរហូតដល់តុលាការកំពូលមិនទាន់ទទួលបានលទ្ធផលជាស្ថាពរនៅឡើយទេ ។

ចំណែកលោក មាស សុផាត ហៅកុយ ដែលម្ចាស់ដីអាណិតអាសូរជួយយកអាសាឱ្យមករស់នៅ​ជួយចាំដី និងជាអ្នកចាញ់ក្តីហៅមិនឮបែរជាប្តឹងទាមទារយកចំណែកលើដីដែលមានម្ចាស់កម្ម​សិទ្ធិនេះទៅវិញ ព្រមទាំងតវ៉ាមិនឈប់ រហូតដល់ប្រមូលកង់ឡានមកដុតដើម្បីរារាំងការអនុ​វត្តន៍សាលដិកាតុលាការកំពូលថែមទៀតផង ។

ដើម្បីបញ្ជាក់បន្ថែមឱ្យកាន់តែច្បាស់ទៀត លោកស្រី ហ៊ឹម សុធន់អ៊ូ ភរិយារបស់លោក កើត សារ៉េត បានធ្វើលិខិតបំភ្លឺជាផ្លូវការមួយស្តីពីប្រវត្ថិប្លង់ដី ពីសេចក្តីសម្រេចរបស់តុលាការគ្រប់ជាន់ថ្នាក់ដែល កោះសន្តិភាព សម្រេចថតចម្លងនូវលិខិតបំភ្លឺទាំងស្រុង ដោយមិនធ្វើអត្ថាធិប្បាយណាមួយឡើយ ។

ដូចខាងក្រោមនេះដែលម្ចាស់កម្មសិទ្ធិបានអះអាងថា «សម័យនេះទៅហើយ វប្បធម៌ឈ្នះបានដី ចាញ់បានលុយ…ចប់ហើយ» ។