ខេត្តកំពង់ស្ពឺ៖ ដោយអនុវត្តតាមការណែនាំរបស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានណែនាំឱ្យមន្ទីរកសិកម្មរាជធានី-ខេត្ត ជុំរុញការដាំដុះបន្លែគ្រប់រូបភាព បន្លែនៅសហគមន៍កសិកម្ម…
ខេត្តកំពង់ស្ពឺ៖ ដោយអនុវត្តតាមការណែនាំរបស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានណែនាំឱ្យមន្ទីរកសិកម្មរាជធានី-ខេត្ត ជុំរុញការដាំដុះបន្លែគ្រប់រូបភាព បន្លែនៅសហគមន៍កសិកម្ម និងសាលារៀន ធ្វើយ៉ាងណាឱ្យមានភោគផលជាប្រចាំ ដើម្បី ផ្គត់ផ្គង់ជូនទៅដល់គ្រួសារវីរកងទ័ព និងជនភៀសសឹកនៅតាមបន្ទាត់ព្រំដែនពីការឈ្លានពានរបស់យោធាសៀម។នៅថ្ងៃទី២៦ ខែធ្នូ ឆ្នាំ២០២៥នេះក្រុមការងាររបស់មន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ស្ពឺ ដឹកនាំដោយលោក យឹម ណន ប្រធានមន្ទីរ បាននាំយកស៊ុតមាន់ សាច់ បន្លែផ្លែឈើ គ្រឿងទេសជាច្រើនមុខ និងអង្ករ ដែលបានមកពីការចូលរួមរបស់ប្រជាសហគមន៍ក្នុងខេត្តកំពង់ស្ពឺ ផ្ដល់ជូនក្រុមគ្រួសារវីរកងទ័ព និងជនភៀសសឹក នៅជំរុំភៀសសឹក ស្រុកបុទុមសាគរ ខេត្តកោះកុង។
លោក យឹម ណន ប្រធានមន្ទីរកសិកម្មរុក្ខាប្រមាញ់ និងនេសាទខេត្តបានបញ្ជាក់ថា÷ សកម្មភាពនេះគឺជាការអនុវត្តតាមការណែនាំរបស់ថ្នាក់ដឹកនាំ និងជាការឆ្លុះបញ្ចាំងពីទឹកចិត្តសប្បុរសធម៌ ក៏ដូចជាការដឹងគុណចំពោះវីរកងទ័ពដែលបានលះបង់កម្លាំងកាយចិត្តក្នុងការការពារបូរណភាពទឹកដី។ លោកបានបន្តថា ការនាំយកស្បៀងអាហារទាំងនេះ មិនត្រឹមតែជាការជួយសម្រាលបន្ទុកជីវភាពរបស់កងទ័ពប៉ុណ្ណោះទេ ប៉ុន្តែវាក៏ជាការលើកទឹកចិត្តយ៉ាងធំធេងដល់បងប្អូនកងទ័ពឱ្យបន្តបំពេញភារកិច្ចការពារជាតិមាតុភូមិដោយស្មារតីរឹងមាំ”។
លើសពីនេះ តាមមតិណែនាំរបស់ឯឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានណែនាំឱ្យមន្ទីរកសិកម្មរាជធានី-ខេត្តជុំរុញការដាំដុះបន្លែគ្រប់រូបភាព បន្លែនៅសហគមន៍កសិកម្ម និងសាលារៀន ធ្វើយ៉ាងណាឱ្យមានភោគផលជាប្រចាំ ដើម្បី ផ្គត់ផ្គង់ជូនទៅដល់គ្រួសារវីរះកងទ័ព និងជនភៀសសឹកនៅតាមបន្ទាត់ព្រំដែនពីការឈ្លានពានរបស់យោធាសៀម។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺបានបញ្ជាក់ថា ជាក់ស្តែងថ្ងៃនេះ ក្រោមស្មារតី «ខ្មែរតែមួយ» មន្ទីរបានប្រមែប្រមូល ផលិតផលបន្លែ ផ្លែឈើ គ្រឿងទេស ស៊ុតសាច់ ទៅជូនមន្ទីរកសិកម្ម រុក្ខាប្រមាញ់ និងនេសាទខេត្តកោះកុង រួមមាន៖ អង្ករចំនួន ២.៥០០គីឡូក្រាម ទឹកបរិសុទ្ធ ២០០យូរ សាច់គោចំនួន១៥០ គីឡូក្រាម សាច់ជ្រូកចំនួន ១០០គីឡូក្រាម បន្លែចម្រុះចំនួន ១.៥០០គីឡូក្រាម គ្រឿងគ្រប់មុខចំនួន ១៥០គីឡូក្រាម និងស៊ុតមាន់ចំនួន ២០០០គ្រាប់ ព្រមទាំងថវិកាចំនួន ២.០០០.០០០រៀលផងដែរ៕
ចែករំលែកព័តមាននេះ