រាជធានីភ្នំពេញ ៖ បុរសម្នាក់ និងស្រ្តី ៣នាក់ បានរងរបួសបែកមុខបែកមាត់ ខណៈដែលពួកគេជិះម៉ូតូឌ្រីម ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1BM-4918 ដែលបុរសជាអ្នកបើកបរស្រវឹងស្រាជោក ធ្វើដំណើរតាមបណ្តោយមហាវិថីព្រះនរោត្តម លុះមកដល់ចំណុចមុខសាលាបឋមសិក្សាព្រះនរោត្តម ក៏បានរេចង្កូតទៅបុក
រាជធានីភ្នំពេញ ៖ បុរសម្នាក់ និងស្រ្តី ៣នាក់ បានរងរបួសបែកមុខបែកមាត់ ខណៈដែលពួកគេជិះម៉ូតូឌ្រីម ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1BM-4918 ដែលបុរសជាអ្នកបើកបរស្រវឹងស្រាជោក ធ្វើដំណើរតាមបណ្តោយមហាវិថីព្រះនរោត្តម លុះមកដល់ចំណុចមុខសាលាបឋមសិក្សាព្រះនរោត្តម ក៏បានរេចង្កូតទៅបុកខឿនចិញ្ចើមផ្លូវ បណ្តាលឱ្យសន្លប់នៅនឹងកន្លែងទាំង ៤នាក់ ។
ហេតុការណ៍នេះ បានកើតឡើងកាលពីវេលាម៉ោង ៣ និង ២០នាទី យប់រំលងអាធ្រាត្រឈានចូលថ្ងៃទី២៦ មិថុនា ២០១៣ មុខសាលាបឋមសិក្សាព្រះនរោត្តម ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ ។ ក្រោយកើតហេតុ ស្ត្រី ៣នាក់ បានដឹងខ្លួន ហើយបានហៅរ៉ឺម៉កម៉ូតូមកដឹកម៉ូតូ និងឡើងជិះត្រឡប់ទៅផ្ទះវិញអស់ ចំណែកបុរសម្នាក់ដែលស្រវឹងដេកសន្លប់មិនដឹងខ្លួននោះ ត្រូវរថយន្តសាមុយដឹកយកទៅកាន់មន្ទីរពេទ្យ ៕
ចែករំលែកព័តមាននេះ