ខេត្តបន្ទាយមានជ័យ ៖ សមត្តកិច្ចជំនាញបានឱ្យដឹងថា សាកសពមនុស្សម្នាក់ត្រូវបានប្រទៈឃើញក្នុងវ៉ាលីសកប់ដីមិនទាន់បានដឹងអត្តសញ្ញាណនៅឡើយទេ ជនរងគ្រោះអាចស្លាប់ជាង១ខែកន្លងមកហើយ នៅចំណុចគម្ពោតព្រៃក្បែរភូមិព្រៃគប់ សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ ។…
ខេត្តបន្ទាយមានជ័យ ៖ សមត្តកិច្ចជំនាញបានឱ្យដឹងថា សាកសពមនុស្សម្នាក់ត្រូវបានប្រទៈឃើញក្នុងវ៉ាលីសកប់ដីមិនទាន់បានដឹងអត្តសញ្ញាណនៅឡើយទេ ជនរងគ្រោះអាចស្លាប់ជាង១ខែកន្លងមកហើយ នៅចំណុចគម្ពោតព្រៃក្បែរភូមិព្រៃគប់ សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ ។
លោកវរៈសេនីយ៍ទោ រ៉ែន សុភ័ក្រ អធិការរងនគរបាលក្រុងប៉ោយប៉ែតបានឱ្យដឹងថា កាលពីរសៀលថ្ងៃទី៥ ខែធ្នូ ឆ្នាំ២០២៥ នៅចំណុចគម្ពោតព្រៃ ស្ថិតភូមិក្បែរភូមិព្រៃគប់ សង្កាត់អូរឫស្សី ក្រុងប៉ោយប៉ែត ប្រជាពលរដ្ឋបានប្រទៈឃើញវ៉ាលីមួយត្រូវបានកប់ដីនិងមានក្លិនស្អុយ ដោយសង្ស័យរាយការណ៍ជូនអាជ្ញាធរនិងសមត្តកិច្ចជំនាញ។
លោកអធិការរងបានបញ្ជាក់ថា ក្រោយទទួលបានព័ត៌មានខាងលើនេះ កម្លាំងជំនាញខេត្តនិងក្រុងបានចុះពិនិត្យដោយកាយយកវ៉ាលីសកប់ដីមានក្លិនស្អុយហើយក៏កាយយកមើល ស្រាប់តែប្រទះឃើញគ្រោងឆ្អឹង និងជាប់សាច់ស្អុយរលួយ ។ សាកសពអាចត្រូវបានដាក់វ៉ាលីយកមកកប់ជាង១ខែហើយ និងទាន់ដឹងអត្តសញ្ញាណជាជនជាតិអ្វីនៅឡើយទេ។
លោកវរៈសេនីយ៍ទោ រ៉ែន សុភ័ក្រ បានបញ្ជាក់ថា៖ក្រោយជំនាញពិនិត្យនិងធ្វើកោលស្យវិច្ឆ័យរួច សាកសពដែលស្អុយរលួយខាងលើ ត្រូវបានយកមកបញ្ចុះនៅវត្តព្រៃគប់ ដើម្បីស្រាវជ្រាវរកសាច់ញាតិ ហើយកម្លាំងជំនាញកំពុងស្រាវជ្រាវបន្ត ថាតើជាករណ៍ឃាតកម្មឬយ៉ាងណា៕
ចែករំលែកព័តមាននេះ