រាជធានីភ្នំពេញ ៖ បុរស ២នាក់ ស្រវឹងស្រាជោក បានជិះម៉ូតូវីវ៉ា ១គ្រឿង ពណ៌ខ្មៅ ពាក់ស្លាកលេខ ណ-4601 ភព1 ធ្វើដំណើរតាមបណ្តោយផ្លូវ១៦១ ក្នុងទិសដៅពីជើងទៅត្បូង លុះមកដល់ចំណុចរង្វង់មូលវត្តសំពៅមាស ក៏បានជ្រុលទៅបុករថយន្តត្រាយតុន (Triton) ១គ្រឿង ពាក់ស្លាកលេខ ភ្នំពេញ 2J-2548 ដែលចតស្ងៀមក្បែរចិញ្ចើមផ្លូវ
រាជធានីភ្នំពេញ ៖ បុរស ២នាក់ ស្រវឹងស្រាជោក បានជិះម៉ូតូវីវ៉ា ១គ្រឿង ពណ៌ខ្មៅ ពាក់ស្លាកលេខ ណ-4601 ភព1 ធ្វើដំណើរតាមបណ្តោយផ្លូវ១៦១ ក្នុងទិសដៅពីជើងទៅត្បូង លុះមកដល់ចំណុចរង្វង់មូលវត្តសំពៅមាស ក៏បានជ្រុលទៅបុករថយន្តត្រាយតុន (Triton) ១គ្រឿង ពាក់ស្លាកលេខ ភ្នំពេញ 2J-2548 ដែលចតស្ងៀមក្បែរចិញ្ចើមផ្លូវ បណ្តាលឱ្យដួលរងរបួសស្រាល ចំណែករថយន្តខូចខាតកង់ផ្នែកខាងឆ្វេងក្រពឹត ១ដុំធំ ហើយបុរសទាំង២នោះ បានទុកម៉ូតូចោលរួចរត់គេចខ្លួនបាត់ ។
ហេតុការណ៍នេះ បានកើតឡើងកាលពីវេលាម៉ោង ៨ និង ៤០នាទី យប់ថ្ងៃទី២៥ មិថុនា ២០១៣ ចំណុចរង្វង់មូលវត្តសំពៅ ស្ថិតក្នុងសង្កាត់វាលវង់ ខណ្ឌ៧មករា ។ ក្រោយកើតហេតុ មានតំណាងភាគីម៉ូតូបានមកចរចាជាមួយភាគីរថយន្ត តែមិនត្រូវរ៉ូវគ្នា សមត្ថកិច្ចក៏បាននាំយកម៉ូតូ និងរថយន្ត ទៅរក្សាទុកនៅអធិការដ្ឋានខណ្ឌ៧មករា ដើម្បីធ្វើការដោះស្រាយតាមផ្លូវច្បាប់ ៕
ចែករំលែកព័តមាននេះ