ខេត្តកំពង់ឆ្នាំង ៖ យុវជនសរសៃប្រសាទម្នាក់ បានត្រូវប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋានខេត្តចាប់ខ្លួន បន្ទាប់ពីបានវាយបងបង្កើតរបស់ខ្លួននឹងត្បូងចបបណ្ដាលឱ្យរងរបួសជាទម្ងន់ ។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីល្ងាចថ្ងៃទី២២ មិថុនា នៅក្នុងភូមិស្រែតាជ័យ ឃុំអភិវឌ្ឍន៍ ស្រុកទឹកផុស ។
ខេត្តកំពង់ឆ្នាំង ៖ យុវជនសរសៃប្រសាទម្នាក់ បានត្រូវប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋានខេត្តចាប់ខ្លួន បន្ទាប់ពីបានវាយបងបង្កើតរបស់ខ្លួននឹងត្បូងចបបណ្ដាលឱ្យរងរបួសជាទម្ងន់ ។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីល្ងាចថ្ងៃទី២២ មិថុនា នៅក្នុងភូមិស្រែតាជ័យ ឃុំអភិវឌ្ឍន៍ ស្រុកទឹកផុស ។
មន្ត្រីប៉ូលិសព្រហ្មទណ្ឌកម្រិតធ្ងន់ដែលបានបញ្ជូនជនសង្ស័យខាងលើមកកាន់សាលាដំបូងនៅព្រឹកថ្ងៃទី២៤ មិថុនា និយាយថា យុវជន សរសៃប្រសាទរូបនេះឈ្មោះស៊យ សុគីម អាយុ២៦ឆ្នាំ ចំណែកឯបងប្រុសដែលរងរបួសឈ្មោះស៊យ សុគា អាយុ២៨ឆ្នាំ ។ នៅថ្ងៃកើតហេតុ បងប្រុសរបស់ជនដៃដល់បានស្ដីប្រដៅប្អូនប្រុសថា ម៉ែ ឪ ស្លាប់អស់ហើយត្រូវចេះគិតខ្លះៗផង កុំដើរលេងឥតប្រយោជន៍ ។ ពេលនោះប្អូនប្រុសជាជនដៃដល់បានតមាត់ ហើយក៏មានការឈ្លោះប្រកែកគ្នា ។
ប្រភពព័ត៌មានដដែលបន្តថា ស្របពេលដែលបងប្រុសភ្លេចខ្លួន ឈ្មោះស៊យ សុគីម បានយកត្បូងចបមកវាយក្បាលបងប្រុសមួយត្បូងចប និងចំទ្រូងមួយត្បូងចបបណ្ដាលឱ្យដួលសន្លប់ទៅនឹងដី ហើយបើកុំតែអ្នកជិតខាងឃើញចូលជួយចាប់ ម្លេ៉ះបងប្រុសត្រូវស្លាប់ក្រោមកណ្ដាប់ដៃប្អូនដែលសរសៃប្រសាទបាត់ទៅហើយ ។ សូមបញ្ជាក់ថា ជនដៃដល់មានសំបុត្រពេទ្យបញ្ជាក់ថាមានរោគផ្លូវចិត្ត ៕
ចែករំលែកព័តមាននេះ