រាជធានីភ្នំពេញ ៖ ឈើអារលេខ២ប្រភេទឈើគ្រឿងមានចំនួនរាប់រយកំណាត់ និងឈើប្រណីតប្រភេទធ្នង់ជាច្រើនកំណាត់ដែលព្យាងសណ្តូនតាមទូកតូចធំចំនួន៦គ្រឿងដែលធ្វើចរាចរណ៍ដឹកជញ្ជូនតាមផ្លូវទឹកក្រោមរូបភាពច្បាប់អនុញ្ញាតឱ្យធ្វើផ្ទះ ត្រូវកម្លាំងសមត្ថកិច្ចចម្រុះចុះបង្ក្រាប និងចាប់ឃាត់បាននៅកណ្តាលទន្លេមេគង្គ កន្លែងផ្សេងគ្នាកាលពីយប់ ថ្ងៃទី២៤ មិថុនា ២០១៣ ។
រាជធានីភ្នំពេញ ៖ ឈើអារលេខ២ប្រភេទឈើគ្រឿងមានចំនួនរាប់រយកំណាត់ និងឈើប្រណីតប្រភេទធ្នង់ជាច្រើនកំណាត់ដែលព្យាងសណ្តូនតាមទូកតូចធំចំនួន៦គ្រឿងដែលធ្វើចរាចរណ៍ដឹកជញ្ជូនតាមផ្លូវទឹកក្រោមរូបភាពច្បាប់អនុញ្ញាតឱ្យធ្វើផ្ទះ ត្រូវកម្លាំងសមត្ថកិច្ចចម្រុះចុះបង្ក្រាប និងចាប់ឃាត់បាននៅកណ្តាលទន្លេមេគង្គ កន្លែងផ្សេងគ្នាកាលពីយប់ ថ្ងៃទី២៤ មិថុនា ២០១៣ ។ ប្រតិបត្តិការចុះបង្ក្រាបនេះសមត្ថកិច្ចចម្រុះមិនបានចាប់ខ្លួនជនណាម្នាក់ដែលជាប់ពាក់ព័ន្ធនឹងជំនួញឈើខុសច្បាប់ទាំងនេះទេ។
ទូកឈើតូច-ធំទាំង៦គ្រឿងនេះត្រូវបានគេដឹងថា បានលួចផ្ទុក និងព្យាងសណ្តូនឈើអារលេខ២ចំនួនរាប់រយកំណាត់ និងលួចបង្កប់ឈើប្រណីតប្រភេទធ្នង់ជាច្រើនកំណាត់ចេញពីស្រុកសំបូរខេត្តក្រចេះជាប់ព្រំប្រទល់ខេត្តស្ទឹងត្រែង និងបន្តឆ្ពោះទៅកាន់ខេត្តកំពង់ចាម។ តាមប្រភពព័ត៌មានបានឱ្យដឹងថា ការដឹកជញ្ជូនឈើទាំងនេះគេឃើញមានស្ត្រីម្នាក់ឈ្មោះឃឿន មានទីលំនៅខេត្តកំពង់ចាមជាអ្នកចេញមុខរត់ការទូកដឹកឈើទាំងនេះ ដោយអះអាងថា មានច្បាប់អនុញ្ញាតសម្រាប់ឱ្យដឹកយកទៅធ្វើផ្ទះ។ ទោះបីជាយ៉ាងណា បើតាមប្រភពព័ត៌មានមួយចំនួនបានឱ្យដឹងថា ការដឹកជញ្ជូនឈើអារលេខ២ចំនួនរាប់រយកំណាត់ រាប់សិបម៉ែត្រគូបរបស់ស្ត្រីម្នាក់នេះបានធ្វើឡើងជាច្រើនលើកច្រើនសាមកហើយ។
មន្ត្រីខណ្ឌរដ្ឋបាលព្រៃឈើក្រចេះបានបញ្ជាក់បន្ថែមថា ក្រោយពីមានការចាប់ឃាត់រួច ទូកឈើទាំង៦គ្រឿងនេះត្រូវកម្លាំងជំនាញនាំយកទៅកាន់សង្កាត់រដ្ឋបាលព្រៃឈើបុសលាវ ក្នុងស្រុកចិត្របុរី ខេត្តក្រចេះដើម្បីលើកស្ទូចនាំទៅរក្សាទុកបន្តនៅស្ថានីយបណ្តុះកូនឈើខ្សារដើម្បីចាត់វិធានការតាមនីតិវិធីរបស់រដ្ឋបាលព្រៃឈើ។
ចែករំលែកព័តមាននេះ