ADផ្ទាំងផ្សព្វផ្សាយពាណិជ្ជកម្ម

Picture

​អភិបាលរាជធានីចុះ​ពិនិត្យ​ការ​រ​ដ្ឋា​ន​សាងសង់​បន្ទប់ទឹក​ជិត​៤០​បន្ទប់ និង​ជួសជុល​ច្រាំង​ទន្លេ ដើម្បី​ផ្លូវ​ថ្មើរជើង និង​បុណ្យអុំទូក

1 ថ្ងៃ មុន
  • ភ្នំពេញ

រាជធានីភ្នំពេញ ​៖​ ផ្លូវ​ថ្មើរជើង​(Walk Street)​ទទួល​បាន​នូវ​ភាព​ពេញ​និយម​យ៉ាង​ខ្លាំង​ពី​ប្រជាពលរដ្ឋ ក៏​ដូច​ជា​ភ្ញៀវ​ជាតិ អន្តរជាតិ រហូត​ធ្វើ​ឱ្យ​រាជធានី​ភ្នំពេញ​ជាប់​ចំណាត់ថ្នាក់​លេខ​២ លើ​ពិភពលោក ឈ្មោះ​ថា ជាទី​ក្រុង​ប្រជុំ​ដោយ​ភាព​រីករាយ​នៅ​ពេល​រាត្រី​។​ដើម្បី​ធ្វើ​ឱ្យ​កាន់តែ​ប្រសើរ​មួយ​កម្រិត​ថែម​ទៀត…

រាជធានីភ្នំពេញ ​៖​ ផ្លូវ​ថ្មើរជើង​(Walk Street)​ទទួល​បាន​នូវ​ភាព​ពេញ​និយម​យ៉ាង​ខ្លាំង​ពី​ប្រជាពលរដ្ឋ ក៏​ដូច​ជា​ភ្ញៀវ​ជាតិ អន្តរជាតិ រហូត​ធ្វើ​ឱ្យ​រាជធានី​ភ្នំពេញ​ជាប់​ចំណាត់ថ្នាក់​លេខ​២ លើ​ពិភពលោក ឈ្មោះ​ថា ជាទី​ក្រុង​ប្រជុំ​ដោយ​ភាព​រីករាយ​នៅ​ពេល​រាត្រី​។​ដើម្បី​ធ្វើ​ឱ្យ​កាន់តែ​ប្រសើរ​មួយ​កម្រិត​ថែម​ទៀត សំរាប់​ផ្លូវ​ថ្មើរជើង​(Walk Street)​នេះ លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​បាន​ណែនាំ​ឱ្យ​មន្ទីរ​សាធារណការ និង​ដឹក​ជញ្ជូន​រាជធានី​ភ្នំពេញ​ធ្វើការ​សាងសង់​បន្ទប់ទឹក​សាធារណៈ​មួយ​កន្លែង​មាន​ជិត​៤០​បន្ទប់​បន្ថែម​ទៀត ជាមួយ​និង​ពិនិត្យ​ការ​ជួសជុល​ច្រាំង​ទន្លេ​មួយ​ចំណែក​ឡើង​វិញ​ផង​ដែរ​។

នៅ​ព្រឹក​ថ្ងៃ​ទី​០២ ឧសភា​នេះ លោក ឃួ​ង ស្រេង អភិបាល​រាជធានី​ភ្នំពេញ​បាន​ដឹកនាំ​មន្ត្រី​និង​មន្ទីរ​ជំនាញ​ព្រមទាំង​អាជ្ញាធរ​ដែនដី ចុះ​ពិនិត្យ​ការដ្ឋាន​នេះ ដែល​មាន​ទីតាំង​ស្ថិត​នៅ​ចំណុច​រូបសំណាក​តេ​ជោ​មាស​និង​តេ​ជោ​យ៉​ត​ឬ​មុខ​វត្ត​ឧណ្ណាឡោម ស្ថិត​ក្នុង​ខណ្ឌដូនពេញ​។

លោក​សាំ ពិសិដ្ឋ ប្រធាន​មន្ទីរ​សាធារណការ​និង​ដឹក​ជញ្ជូន​រាជធានី​ភ្នំពេញ​បានឱ្យ​ដឹង​ថា​៖ តាម​ការ​ណែនាំ​ពី​លោក​ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​បាន​ណែនាំ​ឱ្យ​មន្ទីរ​សាធារណការ​និង​ដឹក​ជញ្ជូន​រាជធានី​ភ្នំពេញ​ធ្វើការ​សាងសង់​បន្ទប់ទឹក​អនាម័យ​នៅ​ចំណុច​ខាងលើ​នេះ​ចំនួន​៣៧​បន្ទប់ ក្នុង​នោះ​រួម​មាន​៖ បន្ទប់ទឹក​សំរាប់​បុរស​ចំនួន​២២​បន្ទប់​(​បន្ទប់​អង្គុយបត់ជើង​១០​បន្ទប់​និង​បង្គន់​ឈរ​ចំនួន​១២​បន្ទប់​),​បន្ទប់ទឹក​សំរាប់​ស្ត្រី​ចំនួន​១៤​បន្ទប់​និង​បន្ទប់​សំរាប់​ជន​ពិកា​ចំនួន​១​បន្ទប់​។​ចំណែក​ការដ្ឋាន​ជួសជុល​ច្រាំង​ទន្លេ​វិញ យើង​បាន​និង​កំពុង​ជួសជុល​ឡើង​វិញ​ប្រវែង​១៧២​ម៉ែត្រ ជម្រាល​ប្រវែង​២២​ម៉ែត្រ​។ ចំពោះ​គម្រោង​ទាំង​២​នេះ សំរាប់​ច្រាំង​ទន្លេ​នឹង​ត្រូវ​ប្រើប្រាស់​ពេលវេលា​នៃ​ការ​សាង់សង់​ចំនួន​១​ខែ​។​ចំណែក​បង្គន់​អនាម័យ​នឹង​ត្រូវ​ប្រើប្រាស់​រយៈពេល​ចំនួន​៣​ខែ​ក្នុង​ការ​សាងសង់​។

លោក​សាំ ពិសិដ្ឋ បាន​បញ្ជាក់​ថា​៖ គម្រោង​ខាងលើ​នេះ​ធ្វើ​ឡើង ដើម្បី​ទទួលភ្ញៀវ​លើ​ផ្លូវ​ថ្មើរជើង​(Walk Street)​និង​ទទួល​ព្រះរាជ​ពិធីបុណ្យ​អុំទូក​ខាង​មុខ​នេះ​។

លោក ឃួ​ង ស្រេង ក្នុង​ឱកាស​នៃ​ការ​ចុះ​ពិនិត្យ​នោះ​បាន​ធ្វើការ​ណែនាំ​ឱ្យ​មន្ទីរ​សាធារណការ​និង​ដឹក​ជញ្ជូន​រាជធានី​ភ្នំពេញ​សាងសង់​បន្ទប់ទឹក​ឱ្យ​មាន​ខ្យល់អាកាស​និង​ពន្លឺ​គ្រប់គ្រាន់ ដើម្បី​សុខមាលភាព​ប្រជាពលរដ្ឋ​និង​ភ្ញៀវ​ជាតិ អន្តរជាតិ ដែល​មក​កំសាន្ត​នៅ​តំបន់​នេះ​៕

អត្ថបទសរសេរ ដោយ

កែសម្រួលដោយ