ចៅសង្កាត់អូរប្ញស្សីទី០៤ស្រាយបំភ្លឺជុំវិញករណីដែលគេចោទថា«យកផ្លូវសាធារណៈផ្ញើម៉ូតូ»
- ភ្នំពេញ
រាជធានីភ្នំពេញ ៖ សាលាសង្កាត់អូរឬស្សីទី០៤ ធ្វើការស្រាយបំភ្លឺ ជុំវិញករណីរឿងដែលគេចោទប្រកាន់កាលពីថ្ងៃទី ០៤ ខែកក្កដា ឆ្នាំ២០២៤ ថា «…
រាជធានីភ្នំពេញ ៖ សាលាសង្កាត់អូរឬស្សីទី០៤ ធ្វើការស្រាយបំភ្លឺ ជុំវិញករណីរឿងដែលគេចោទប្រកាន់កាលពីថ្ងៃទី ០៤ ខែកក្កដា ឆ្នាំ២០២៤ ថា « យកផ្លូវសាធារណៈផ្ញើម៉ូតូ » ។ ជាក់ស្តែងនៅព្រឹកថ្ងៃទី ០៥ ខែកក្កដា ឆ្នាំ២០២៥ សាលាសង្កាត់អូរឬស្សីទី០៤ បានធ្វើការបកស្រាយជុំវិញបញ្ហារឿងផ្ញើម៉ូតូ ដែលស្ថិតនៅក្នុងមូលដ្ឋានខណ្ឌ៧មករា រាជធានីភ្នំពេញ ។
យោងតាមការបញ្ជាក់ពីប្រជាពលរដ្ឋជាអ្នករស់នៅផ្ទះជាន់លើបានប្រាប់អោយដឹងថា ការដាក់ផ្ញើនេះ គឺពួកគាត់បានស្នើសុំអោយ ខាងសង្កាត់ជួយទទួលផ្ញើនោះទេ មិនមែនខាងអាជ្ញាធរសង្កាត់ ជាអ្នកបើកទទួលផ្ញើដោយឯកឯងនោះឡើយ ព្រោះថាផ្ទះគាត់នៅជាន់លើ ណាមួយម្តុំនោះមិនមានទីតាំងដាក់ផ្ញើម៉ូតូឡើយ ។
ពលរដ្ឋបន្តថា បើចង់ដាក់ផ្ញើ ទាល់តែជិះយកទៅផ្ញើក្បែរផ្សារសេរីភាព នឹងជិតផ្សារអូរឬស្សី ហើយត្រូវដើរឆ្ងាយពីទីតាំងរស់នៅរបស់ពួកគាត់ ទើបប្រជាពលរដ្ឋប្រមាណជា ១២-១៣នាក់បាននាំគ្នា ស្នើសុំអាជ្ញាធរសង្កាត់ អោយទទួលផ្ញើ ដើម្បីជួយសម្រាលការលំបាក ហើយចំពោះការផ្ញើម៉ូតូ ចាប់ពីពេលយប់រហូត ដល់ម៉ោង ៧នឹង៣០នាទីព្រឹក ។
លោក អៀង សុឃីម ចៅសង្កាត់អូរឬស្សីទី០៤ បានអោយដឹងថា ដោយមានទឹកចិត្តអាណិតដល់ប្រជាពលរដ្ឋ នឹង សិស្សដែលឡើងមកពីខេត្តដើម្បីបន្តការសិក្សា មានប្រមាណជាង ១២-១៣នាក់តែប៉ុណ្ណោះ ដែលគាត់ភាគច្រើនជួលផ្ទះ រស់នៅជាន់លើៗ ។ចៅសង្កាត់បន្តថា ពួកគាត់ពិតជាបានទទួលលុយពិតប្រាកដមែន ប៉ុន្តែការអោយលុយនេះជាទឹកចិត្តរបស់ពលរដ្ឋនោះទេ ជួនកាលពលរដ្ឋអោយ ១ពាន់ ខ្លះក៏អោយ ២ពាន់ នឹងពេលខ្លះក៏អត់ផងដែរ ។
ជាចុងក្រោយ លោកចៅសង្កាត់សូមបដិសេដទៅកាន់បណ្តាញសង្គមមួយចំនួន បានចោទប្រកាន់លើអាជ្ញាធរសង្កាត់ថា « យកផ្លូវសាធារណៈមុខសង្កាត់ ដាក់ផ្ញើម៉ូតូយកលុយ » ពិតជាមិនត្រឹមត្រូវនោះឡើយ ៕
ចែករំលែកព័តមាននេះ