រាជធានីភ្នំពេញ ៖ អាវុធខ្លីចំនួន៤ដើមត្រូវបានតំណាងក្រសួងសាធារណការ និងដឹកជញ្ចូន និងប្រជាពលរដ្ឋស្ម័គ្រចិត្តយកប្រគល់ជូនដល់សមត្ថកិច្ចនាយកដ្ឋានគ្រប់គ្រងអាវុធជាតិផ្ទុះ និងនគរបាលការិយាល័យគ្រប់គ្រងអាវុធ គ្រឿងផ្ទុះ និងជាតិពុល នៃស្នងការដ្ឋាននគរបាល រាជធានីភ្នំពេញ…
រាជធានីភ្នំពេញ ៖ អាវុធខ្លីចំនួន៤ដើមត្រូវបានតំណាងក្រសួងសាធារណការ និងដឹកជញ្ចូន និងប្រជាពលរដ្ឋស្ម័គ្រចិត្តយកប្រគល់ជូនដល់សមត្ថកិច្ចនាយកដ្ឋានគ្រប់គ្រងអាវុធជាតិផ្ទុះ និងនគរបាលការិយាល័យគ្រប់គ្រងអាវុធ គ្រឿងផ្ទុះ និងជាតិពុល នៃស្នងការដ្ឋាននគរបាល រាជធានីភ្នំពេញ ដើម្បីរក្សាទុកនៅទីកន្លែងមានសុវត្ថិភាព។
តាមអគ្គស្នងការដ្ឋាននគរបាលជាតិបានឲ្យដឹងថា ដោយទទួលបានបទបញ្ជាពីថ្នាក់ដឹកនាំ នៅថ្ងៃទី៤ ខែកក្កដា ឆ្នាំ២០២៥ លោកឧត្តមសេនីយ៍ទោ សែម គន្ធា ប្រធាននាយកដ្ឋានគ្រប់គ្រងអាវុធជាតិផ្ទុះ ,បានអោយលោកវរសេនីយ៍ទោ នួន សុខនី នាយការិយាល័យគ្រប់គ្រង់អាវុធស្តីទី ដឹកនាំមន្ត្រីនគរបាលចំនួន ០៦នាក់ សហការជាមួយមន្ត្រីនគរបាលការិយាល័យគ្រប់គ្រងអាវុធ គ្រឿងផ្ទុះ និងជាតិពុល នៃស្នងការដ្ឋាននគរបាល រាជធានីភ្នំពេញ ចំនួន ០២នាក់ បានចុះទទួលអាវុធចំនួន ០២គោលដៅដូចខាងក្រោម៖
គោលដៅទី១ នៅក្រសួងសាធារណការ និងដឹកជញ្ចូន អាវុធខ្លីចំនួន ០៣ដើម និងបង់AK ០១បង់ រួមមាន៖ ១. ម៉ាកPRAHA លេខប័ណ្ណ P-1460 និងលេខអាវុធ Z513528 ,២. ម៉ាកBERETTA លេខប័ណ្ណ ខអ.៧-០២៥៤២ និងលេខអាវុធ PX00820 ,៣. ម៉ាកK54 គ្មានលេខប័ណ្ណ និងលេខអាវុធ Cᴎ181,៤. បង់ AK ១បង់ គ្រាប់ចំនួន ១៦គ្រាប់។ គោលដៅទី២ នៅបុរីប៉េងហួតបឹងស្នារ អាវុធខ្លីចំនួន ០១ដើម រួមមាន៖
១. ម៉ាកCF98-9 លេខប័ណ្ណ ប.គ ០៧៨១១ និងលេខអាវុធ 007257 08 236។ ក្នុងឱកាសនោះ លោកវរសេនីយ៍ទោ នួន សុខនី តាងនាមលោកឧត្តមសេនីយ៍ទោ សែម គន្ធា បានថ្លែងអំណរគុណចំពោះការស្ម័គ្រចិត្តប្រគល់អាវុធ ជូននាយកដ្ឋានគ្រប់គ្រងអាវុធជាតិផ្ទុះ ដើម្បីរក្សាទុកទីកន្លែងមានសុវត្ថិភាព។លោកបានចាត់ទុកកាយវិការដ៏ល្អនេះ គឺជាគំរូដ៏ល្អ សម្រាប់បងប្អូនប្រជាពលរដ្ឋដទៃទៀត។
ទន្ទឹមនិងនោះដែរ នាយកដ្ឋានគ្រប់គ្រងអាវុធជាតិផ្ទុះ ក៏សូមអំពាវនាវដល់បងប្អូនប្រជាពលរដ្ឋដែលមានអាវុធលាក់ទុកខុសច្បាប់ សូមប្រញាប់យកមកប្រគល់ជូនកម្លាំងមានសមត្ថកិច្ច ដើម្បីគ្រប់គ្រងជៀសវាងប្រឈបនឹងផ្លូវច្បាប់៕
ចែករំលែកព័តមាននេះ