រាជធានីភ្នំពេញ ៖ ជាថ្មីម្តងទៀត កម្ពុជាបានប្រកាសជំហរជំរុញឱ្យព្រះរាជាណាចក្រថៃ បង្ហាញសេចក្តីស្មោះត្រង់ ដោយទទួល យកយុត្តាធិការរបស់ ICJ ក្នុងរឿងព្រំដែន។ នេះយោងតាមសេចក្តីថ្លែងការណ៍របស់ក្រសួងការបរទេស…
រាជធានីភ្នំពេញ ៖ ជាថ្មីម្តងទៀត កម្ពុជាបានប្រកាសជំហរជំរុញឱ្យព្រះរាជាណាចក្រថៃ បង្ហាញសេចក្តីស្មោះត្រង់ ដោយទទួល យកយុត្តាធិការរបស់ ICJ ក្នុងរឿងព្រំដែន។ នេះយោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ ។
សេចក្តីថ្លែងការណ៍របស់ក្រសួងការបទេសនៅថ្ងៃទី៤កក្កដា ឆ្នាំ២០២៥បានលើកឡើងថា ជំហានបែបនេះគឺជាការអនុវត្តនូវកាតព្វកិច្ចអន្តរជាតិរបស់ខ្លួន ក្រោមធម្មនុញ្ញង្គការសហប្រជាជាតិ ហើយឆ្លុះបញ្ចាំងពីការប្តេជ្ញាចិត្តយ៉ាងស្មោះស្ម័គ្រក្នុងការសម្រេច បាននូវដំណោះស្រាយដ៏ត្រឹមត្រូវ យុត្តិធម៌ និងដោយសន្តិវិធី ដែលជាការរួមចំណែកដល់សន្តិភាព និង ស្ថិរភាពយូរអង្វែងសម្រាប់ប្រជាជាតិទាំងពីរ និងតំបន់ទាំងមូល។
ក្រសួងការបរទេសកម្ពុជាបានអះអាងកម្ពុជាសូមបញ្ជាក់ជាថ្មីនូវការប្តេជ្ញាចិត្តរបស់ខ្លួន ក្នុងការដោះស្រាយជម្លោះដោយ សន្តិវិធី ដោយផ្អែកលើច្បាប់អន្តរជាតិ និងគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ។ កម្ពុជាមានបំណងប្រែក្លាយព្រំដែនរួមទៅជាតំបន់សន្តិភាព ស្ថិរភាព កិច្ចសហប្រតិបត្តិការ និងការ អភិវឌ្ឍន៍ ដើម្បីផលប្រយោជន៍ទៅវិញទៅមករបស់ប្រជាជនទាំងពីរ។ តែជាមួយគ្នានេះ កម្ពុជានឹង ការពារយ៉ាងម៉ឺងម៉ាត់នូវអធិបតេយ្យ និងបូរណភាពទឹកដីរបស់ខ្លួន ដែលជាសិទ្ធិត្រូវបានធានាសម្រាប់ រដ្ឋអធិបតេយ្យទាំងអស់នៅក្រោមច្បាប់អន្តរជាតិ ហើយរំពឹងថាប្រទេសជិតខាងរបស់ខ្លួនក៏នឹងធ្វើ សកម្មភាពក្នុងស្មារតីគោរពគ្នាទៅវិញទៅមក និងរួមរស់ដោយសន្តិភាពផងដែរ។
ក្រសួងការបទេសកម្ពុជាបានលើកឡើងថាការសម្រេចចិត្តរបស់កម្ពុជាក្នុងការបញ្ជូនវិវាទទៅតុលាការ ICJ គឺស្របទាំងស្រុងជាមួយ នឹងធម្មនុញ្ញអង្គការសហប្រជាជាតិ និងច្បាប់អន្តរជាតិ។
ការសម្រេចចិត្តនេះគឺផ្អែកលើមូលដ្ឋានច្បាប់ដ៏ រឹងមាំ ដោយសារតំបន់វិវាទទាំងនេះស្ថិតនៅលើទឹកដីកម្ពុជាទាំងស្រុង តាមការកំណត់ដោយអនុសញ្ញា ឆ្នាំ១៩០៤ និងសន្ធិសញ្ញាឆ្នាំ១៩០៧ រវាងបារាំង និងសៀម ហើយដូចដែលបានឆ្លុះបញ្ចាំងនៅលើ ផែនទីផលិតដោយគណៈកម្មការចម្រុះបារាំង-សៀម។ ផែនទីទាំងនេះត្រូវបានទទួលស្គាល់ និងអនុម័ត រួមគ្នាដោយប្រទេសទាំងពីរ ហើយត្រូវបានបញ្ជាក់ជាថ្មីនៅក្នុង MOU-2000 សម្រាប់ជាមូលដ្ឋានអនុវត្ត ការងារខណ្ឌសីមាព្រំដែន។
ក្រសួងបានបញ្ជាក់ថា សំណើរបស់កម្ពុជាទៅកាន់ ICJ ដែលជាស្ថាប័នតុលាការចម្បងរបស់អង្គការសកមជា ប្រជាជាតិ មិនគួរត្រូវបានយល់ខុសថាជាអំពើអរិភាព ឬការបង្កហេតុនោះទេ។ ផ្ទុយទៅវិញ វាគឺជាផោន ការតាមសន្តិវិធី ប្រកបដោយការទទួលខុសត្រូវ និងស្របច្បាប់ ដែលឆ្លុះបញ្ចាំងពីការប្តេជ្ញាចិត្តដោយ ឥតងាករេរបស់កម្ពុជាចំពោះច្បាប់អន្តរជាតិ និងសណ្តាប់ធ្នាប់អន្តរជាតិដែលផ្អែកលើច្បាប់។
សមាជិកអាស៊ានផ្សេងទៀត ដូចជាម៉ាឡេស៊ី និងឥណ្ឌូណេស៊ី (២០០២) និងម៉ាឡេស៊ី និងសិង្ហបុរី (២០០៨) ក៏បានងាកទៅរក ICJ ដើម្បីដោះស្រាយជម្លោះទឹកដីរបស់គេដោយជោគជ័យ និងការគោរពគ្នាទៅវិញ ទៅមក។ កម្ពុជានៅតែបើកចំហចំពោះយន្តការទ្វេភាគី ដែលមានស្រាប់សម្រាប់ការដោះស្រាយផ្នែក ដែលនៅសេសសល់នៃព្រំដែនស្របតាមច្បាប់អន្តរជាតិ លើកលែងតែតំបន់ជម្លោះទាំងបួនខាងលើ។
សូមជម្រាបថានៅថ្ងៃទី ២៨ ខែឧសភា ឆ្នាំ ២០២៥ វេលាម៉ោងប្រហែល ៥:៣០ នាទីព្រឹក កងកម្លាំង ប្រដាប់អាវុធថៃបានចូលទឹកដីកម្ពុជាដោយខុសច្បាប់ ហើយបានបើកការបាញ់ប្រហារមកលើប៉ុស្តិ៍យោធា កម្ពុជាមួយកន្លែង ស្ថិតក្នុងភូមិតេជោមរកត ឃុំមរកត ស្រុកជាំខ្សាន ខេត្តព្រះវិហារ។ ទង្វើដោយគ្មាន ការបង្កហេតុជាមុននេះ បានធ្វើឲ្យបាត់បង់ជីវិតទាហានខ្មែរមួយរូបយ៉ាងអាណោចអធម។
នៅថ្ងៃបន្ទាប់ រាជរដ្ឋាភិបាលកម្ពុជាបានចេញការតវ៉ាជាផ្លូវការ ដោយថ្កោលទោសយ៉ាងម៉ឺងម៉ាត់ចំពោះការរំលោភ យ៉ាងធ្ងន់ធ្ងរលើអធិបតេយ្យ និងបូរណភាពទឹកដីរបស់កម្ពុជា ដែលជាទង្វើមួយផ្ទុយនឹងធម្មនុ អង្គការសហប្រជាជាតិ ធម្មនុញ្ញអាស៊ាន និងគោលការណ៍ស្នូលនៃច្បាប់អន្តរជាតិ។ កម្ពុជាបាន អំពាវនាវឱ្យមានការស៊ើបអង្កេតឯករាជ្យ និងមិនលម្អៀងលើឧបទ្ទវហេតុនេះ ហើយទាមទារឱ្យមានការ ទទួលខុសត្រូវ និងយុត្តិធម៌សម្រាប់ទាហានដែលបានស្លាប់។
នៅចំពោះមុខការប្រើប្រាស់កម្លាំងមិនសមហេតុផលនេះ កម្ពុជាបានអនុវត្តការអត់ធ្មត់ ជាទីបំផុត និងបានចាត់វិធានការប្រកបដោយការទទួលខុសត្រូវ ដើម្បីកាត់បន្ថយភាពតានតឹង រួមទាំង ការឆ្លើយឆ្លង និងការប្រាស្រ័យទាក់ទងនៅកម្រិតរដ្ឋាភិបាល និងយោធា។ តែគួរឲ្យសោកស្តាយ ស្ថានការណ៍កាន់តែយ៉ាប់យ៉ឺនបន្ថែមទៀត ដោយមានកំណើនការដាក់ពង្រាយកម្លាំងយោធាខាងភាគីថៃ ដែលជំរុញឱ្យកម្ពុជាចាត់វិធានការពារខ្លួនជាចាំបាច់ សំដៅទប់ស្កាត់ការទន្ទ្រានដីយើងបន្ថែមទៀតពួកម្មជាសកម្មភាពឯកតោភាគីរបស់ប្រទេសថៃ រួមមានការបិទច្រកព្រំដែនដោយគ្មានការពិគ្រោះយោបល់ជាមុនការជីកលេណដ្ឋាននៅក្នុងតំបន់រសើប និងការគំរាមកំហែងកាត់សេវាកម្មចាំបាច់នានា ដូចមាន ផ្តាច់សេវាអ៊ិនធឺណែត ការផ្គត់ផ្គង់អគ្គីសនី និងប្រេង បានបង្កើនភាពតានតឹងយ៉ាងខ្លាំង។ បន្ថែមបញ្ហាប្រឈមទាំងនេះ នៅមានការជាប់គាំងដ៏យូរនូវដំណើរការរបស់គណៈកម្មការចំរុះខណ្ឌសីមា ។
ព្រំដែនគោក (JBC) ព្រោះតែភាគីថៃមិនឆ្លើយតបនឹងការអញ្ជើញរបស់កម្ពុជាឲ្យមកចូលរួមកិច្ចប្រជុំ ម្តងហើយម្តងទៀត ការដែលភាគីថៃទទូចទាមទារប្រើប្រាស់ផែនទីដែលគួរដោយឯកតោភាគី ផ្ទុយនឹង ខ្លឹមសារ និងស្មារតីនៃអនុស្សរណៈយោគយល់គ្នាឆ្នាំ2000 (MOU-2000) ដែលចែងអំពីការប្រើប្រាស់ ផែនទីផលិតដោយគណៈកម្មការចំរុះបារាំង-សៀម និងការប្រកាសចង់ប្រើកម្លាំងរបស់យោធាថៃដើម្បី ដោះស្រាយតំបន់ជម្លោះ។ លើសពីនេះទៀត ភាពតានតឹងបច្ចុប្បន្ននៅតំបន់មួយចំនួនតាមបណ្តោយ ព្រំដែនអាចនឹងក្លាយទៅជាការផ្ទុះអាវុធ ដូចដែលបានកើតឡើងនៅចន្លោះឆ្នាំ ២០០៨-២០១១។ ក្នុង កាលៈទេសៈនេះ កម្ពុជាបានសន្និដ្ឋានថា យន្តការទ្វេភាគីលែងមានលទ្ធភាពហើយក្នុងការដោះស្រាយ វិវាទលើចំណុចមួយចំនួនដែលអូសបន្លាយយូរមកហើយ។
ប្រភពបន្តថា ដោយមើលឃើញពីភាពធ្ងន់ធ្ងរនៃស្ថានការណ៍ និងដោយមានការប្តេជ្ញាចិត្តយ៉ាងមុតមាំ របស់យើងក្នុងការទប់ស្កាត់ការរីករាលដាលទៅជាជម្លោះពេញទំហឹង ដែលនឹងបង្កគ្រោះថ្នាក់ដល់អាយុ ជីវិតប្រជាពលរដ្ឋ កម្ពុជាបានសម្រេចចិត្តបញ្ជូនបញ្ហាទាក់ទងនឹងតំបន់ចំនួនបួនដែលមានជម្លោះរ៉ាំរៃ និងមិនទាន់បានដោះស្រាយគឺ ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ)។ កម្ពុជាជឿជាក់យ៉ាងមុតមាំថា ការស្នើជំនួយពីយន្តការច្បាប់ មិនលម្អៀងនេះ គឺជាផ្លូវប្រកបដោយប្រសិទ្ធភាព និងសន្តិភាពបំផុតឆ្ពោះទៅរកដំណោះស្រាយដ៏ត្រឹមត្រូវ និងយូរង្វែង។
សូមជម្រាបដែលថានៅថ្ងៃទី ៦ ខែមិថុនា ឆ្នាំ២០២៥ រដ្ឋមន្ត្រីការបរទេស និងសហប្រតិបត្តិការអន្តរជាតិ កម្ពុជា បានធ្វើការអញ្ជើញជាផ្លូវការទៅកាន់សមភាគីថៃ ដើម្បីរួមគ្នាបញ្ជូនសំណុំរឿងទៅតុលាការ ICJ ។ ការអញ្ជើញនេះត្រូវបានធ្វើជាថ្មីម្តងទៀត នៅក្នុងកិច្ចប្រជុំគណកម្មការចំរុះខណ្ឌសីមាព្រំដែនកម្ពុជា-ថៃ ដែលបានប្រព្រឹត្តទៅនៅរាជធានីភ្នំពេញ ពីថ្ងៃទី ១៤ ដល់ ១៥ ខែមិថុនា ឆ្នាំ ២០២៥។ រហូតមកដល់ ពេលនេះ មិនទាន់មានការឆ្លើយតបជាផ្លូវការពីភាគីថៃនៅឡើយ
ទេ៕
ចែករំលែកព័តមាននេះ