រាជធានីភ្នំពេញ ៖ មានហេតុការណ៍ឆ្លងចរន្តអគ្គិសនី ម៉ូទ័របូមទឹក បង្កជាអណ្ដាតភ្លើងឆាបឆេះផ្ទះ ១ខ្នង អស់ទាំងស្រុង ហើយទំរាំតែរថយន្តពន្លត់អគ្គិភ័យបាញ់រលត់ទៅវិញ បានឆេះរាលដល់១ខ្នងទៀត ខូចខាតដំបូលយ៉ាងដំណំ…
រាជធានីភ្នំពេញ ៖ មានហេតុការណ៍ឆ្លងចរន្តអគ្គិសនី ម៉ូទ័របូមទឹក បង្កជាអណ្ដាតភ្លើងឆាបឆេះផ្ទះ ១ខ្នង អស់ទាំងស្រុង ហើយទំរាំតែរថយន្តពន្លត់អគ្គិភ័យបាញ់រលត់ទៅវិញ បានឆេះរាលដល់១ខ្នងទៀត ខូចខាតដំបូលយ៉ាងដំណំ ប៉ុន្តែមិនបានបណ្ដាលឲ្យមានមនុស្សណាម្នាក់រងរបួសនោះឡើយ ។
ហេតុការណ៍នោះ បានកើតឡើងវេលាម៉ោង១២និង២០នាទីថ្ងៃត្រង់ ថ្ងៃទី៣០ ខែកក្កដា ឆ្នាំ២០២៥
ស្ថិតនៅក្នុងភូមិពោធិ៍រលំ សង្កាត់សាក់សំពៅ ខណ្ឌដង្កោ រាជធានីភ្នំពេញ ។
ផ្ទះ១ខ្នងខាងលើ សាងសង់អំពីឈើលើថ្មក្រោម ប្រក់ស័ង្កសី ដែលមានទំហំ៦ម៉ែត្រ គុណនឹង៧ម៉ែត្រ រួមទាំងសម្ភារៈ និងទ្រព្យសម្បត្តិនៅក្នុងនោះទាំងអស់ផងដែរ ។
ប្រជាពលរដ្ឋបានប្រាប់ឲ្យដឹងថា នៅមុនពេលកើតហេតុម្ចាស់ផ្ទះនោះ បានយកម៉ូទ័របូមទឹកអណ្តូង ដើម្បីយកមកប្រើប្រាស់ ហើយក្រោយមកមកក៏ស្រាប់តែឆ្លងចរន្តអគ្គិសនី ឆាបឆេះខ្សែភ្លើងរាលដល់ផ្ទះយ៉ាងសន្ធោរសន្ធៅ។ ពេលនោះ អ្នកភូមិជួយពន្លត់ដែរ ប៉ុន្តែពន្លត់អត់ឈ្នះ ចំណែកកម្លាំងសមត្ថកិច្ច ក៏បានចេញអន្តរាគមន៍ ហៅរថយន្តពន្លត់អគ្គិភ័យរបស់ការិយសល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ចំនួន៣គ្រឿង ទៅពន្លត់ភ្លើងរហូតរលត់ទៅវិញ។ ប៉ុន្តែផ្ទះនោះ ត្រូវបានភ្លើងឆេះអសទាំងស្រុង និងបានឆេះរាលដល់ផ្ទះ ១ខ្នងទៀត ដែលស្ថិតនៅជាប់គ្នានោះ រងការខូចខាតដំបូលយ៉ាងដំណំផងដែរ ៕
ចែករំលែកព័តមាននេះ