គេហទំព័រកោះសន្តិភាព ចេញផ្សាយនៅយប់ថ្ងៃទី៣០ សីហា ឆ្នាំ២០២៥ ក្រោមចំណងជើងថា «វីរៈកងទ័ពត្រៀមកម្លាំង១០០% ក្នុងបុព្វហេតុការពារទឹកដីតាមខ្សែបន្ទាត់ព្រំដែនកម្ពុជា-វៀតណាម នៅខេត្តកំពត» ។ ការផ្សាយខ្លីខាងលើនេះ…
គេហទំព័រកោះសន្តិភាព ចេញផ្សាយនៅយប់ថ្ងៃទី៣០ សីហា ឆ្នាំ២០២៥ ក្រោមចំណងជើងថា «វីរៈកងទ័ពត្រៀមកម្លាំង១០០% ក្នុងបុព្វហេតុការពារទឹកដីតាមខ្សែបន្ទាត់ព្រំដែនកម្ពុជា-វៀតណាម នៅខេត្តកំពត» ។
ការផ្សាយខ្លីខាងលើនេះ គឺយោងតាមការចេញផ្សាយរបស់កងទ័ពជើងគោកនៃកងយោធពលខេមរភូមិន្ទថ្ងៃទី៣០ សីហា របស់លោកអនុសេនីយ៍ឯក ផាន់ កែវ មេបញ្ជាការ អនុសេនាធំទី២ ដែលបានចុះល្បាតតាមខ្សែបន្ទាត់ព្រំដែន។ល។
ក្រោយពេលចេញផ្សាយរួច ទើបការិយាល័យនិពន្ធយើងយល់ឃើញថា ពិតជាមានការខុសឆ្គង មិនសមរម្យឡើយ ពាក់ព័ន្ធជាមួយ«សន្តិសុខជាតិ» ។ ក្នុងឱកាសដែលទាហានសៀមកំពុងមានមហិច្ឆតាឈ្លានពានទាំងកម្រោលលើទឹកដីព្រះរាជាណាចក្រកម្ពុជាយើង ។
អាស្រ័យហេតុនេះ ខ្ញុំបាទ សូមអភ័យទោសចំពោះការផ្សាយដោយអចេតនានេះ ដែលតាមពិតទៅភាគីកម្ពុជានិងវៀតណាម គ្មានកើតនូវបញ្ហាអាក្រក់ណាមួយឡើយ ។
សូមលោកអ្នកអានទាំងអស់មេត្តាយោគយល់ និងអភ័យទោសចំពោះកំហុសឆ្គងនៃការចេញផ្សាយ ដោយអចេតនានេះ ។ ចំណែកកោះសន្តិភាពប្រឆាំងដាច់ខាតនូវការឈ្លានពានទាំងកម្រោលរបស់ភាគីទាហានសៀមដូចចោរព្រៃ មកលើបូរណភាពទឹកដីកម្ពុជាយើង ។
ការិយាល័យនិពន្ធសូមអរគុណចំពោះការយោគយល់ដោយគោរពដ៏ខ្ពង់ខ្ពស់ ៕
កោះសន្តិភាព
ចែករំលែកព័តមាននេះ