រាជធានីភ្នំពេញ ៖បន្ទាប់ពីក្រុមផ្សព្វផ្សាយអប់រំពីគ្រោះថ្នាក់ដោយសារសំណល់យុទ្ធភណ្ឌសង្គ្រាមបានទៅដល់គ្រប់គោលដៅជនភៀសសឹក ដើម្បីអប់រំផ្សព្វផ្សាយ និងការបង្ការគ្រោះថ្នាក់ពីសំណល់គ្រាប់មិនទាន់ផ្ទុះនៅតាមគេហដ្ឋាន និងដីស្រែចម្ការភូមិស្រុករបស់គាត់ ដែលរងផលប៉ះពាល់ដោយសង្គ្រាមខ្មែរ-សៀម រួចមក នៅព្រឹកថ្ងៃទី៣០ ខែកក្កដា ឆ្នាំ២០២៥នេះ…
រាជធានីភ្នំពេញ ៖បន្ទាប់ពីក្រុមផ្សព្វផ្សាយអប់រំពីគ្រោះថ្នាក់ដោយសារសំណល់យុទ្ធភណ្ឌសង្គ្រាមបានទៅដល់គ្រប់គោលដៅជនភៀសសឹក ដើម្បីអប់រំផ្សព្វផ្សាយ និងការបង្ការគ្រោះថ្នាក់ពីសំណល់គ្រាប់មិនទាន់ផ្ទុះនៅតាមគេហដ្ឋាន និងដីស្រែចម្ការភូមិស្រុករបស់គាត់ ដែលរងផលប៉ះពាល់ដោយសង្គ្រាមខ្មែរ-សៀម រួចមក នៅព្រឹកថ្ងៃទី៣០ ខែកក្កដា ឆ្នាំ២០២៥នេះ កម្លាំងអង្គភាពស៊ីម៉ាក់ឆ្លើយតបសំណើរបស់ប្រជាពលរដ្ឋដែលរងគ្រោះ ដោយការទម្លាក់គ្រាប់បែកចំផ្ទះរបស់គាត់ នេះបើយោងតាមលោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា (CMAC) ។
លោក ហេង រតនា បញ្ជាក់ថា ដូចក្នុងរូបភាពនេះជាប្រភេទគ្រាប់បែក MK-84 មានទម្ងន់ជិត១តោន (១,០០០គីឡូក្រាម) មានប្រវែងសរុបប្រមាណ៣.៥ម៉ែត្រ មានជាតិផ្ទុះជាង៥០០គីឡូក្រាម ជាគ្រាប់បែកមានទំហំធំជាងបំផុតក្នុងចំណោមប្រភេទគ្រាប់បែកក្នុងក្រុមគ្រាប់បែក MK (MK-81, MK82, MK-83 និងMK-84) ដែលបានទម្លាក់ដោយកងទ័ពអាកាសសៀមកាលពីកន្លងទៅថ្មីនេះ ។
លោក ហេង រតនា បញ្ជាក់ទៀតថា គ្រាប់បែកប្រភេទ MK-84នេះ ក៏កម្រប្រើប្រាស់ទម្លាក់ណាស់ កាលពីសម័យសង្គ្រាមឥណ្ឌូចិន ៕
ចែករំលែកព័តមាននេះ