ខាងក្រោមនេះជាមូលហេតុទូទៅ ១០ យ៉ាងដែលអាចបណ្ដាលឲ្យហើមជើង៖ ១. ការឈរ ឬអង្គុយយូរការឈរ ឬអង្គុយក្នុងទីតាំងដដែលរយៈពេលយូរ អាចបណ្ដាលឲ្យឈាមរត់មិនស្រួល ហើយសារធាតុរាវអាចកកកុញនៅផ្នែកខាងក្រោមនៃរាងកាយ ជាពិសេសជើង។…
ខាងក្រោមនេះជាមូលហេតុទូទៅ ១០ យ៉ាងដែលអាចបណ្ដាលឲ្យហើមជើង៖
១. ការឈរ ឬអង្គុយយូរ
ការឈរ ឬអង្គុយក្នុងទីតាំងដដែលរយៈពេលយូរ អាចបណ្ដាលឲ្យឈាមរត់មិនស្រួល ហើយសារធាតុរាវអាចកកកុញនៅផ្នែកខាងក្រោមនៃរាងកាយ ជាពិសេសជើង។ នេះជាមូលហេតុទូទៅមួយសម្រាប់អ្នកដែលធ្វើការក្នុងការិយាល័យ ឬធ្វើដំណើរឆ្ងាយ។
២. ការមានផ្ទៃពោះ
ស្ត្រីមានផ្ទៃពោះច្រើនតែជួបប្រទះការហើមជើង ដោយសារតែការកើនឡើងនៃបរិមាណឈាម និងសារធាតុរាវក្នុងរាងកាយ ក៏ដូចជាសម្ពាធរបស់ស្បូនទៅលើសរសៃឈាមនៅអាងត្រគាក។
៣. ការលើសទម្ងន់
ការមានទម្ងន់លើសអាចដាក់សម្ពាធបន្ថែមទៅលើសរសៃឈាមនៅជើង ដែលធ្វើឲ្យឈាមរត់ពិបាក និងបង្កឲ្យមានការហើម។
៤. បញ្ហាតម្រងនោម
នៅពេលតម្រងនោមមិនដំណើរការបានត្រឹមត្រូវ វាមិនអាចច្រោះជាតិទឹក និងជាតិអំបិលលើសចេញពីរាងកាយបានទេ ដែលបណ្ដាលឲ្យមានការកកកុញសារធាតុរាវ និងហើមជើង។
៥. បញ្ហាបេះដូង
ជំងឺខ្សោយបេះដូង អាចធ្វើឲ្យបេះដូងមិនអាចបូមឈាមបានគ្រប់គ្រាន់ ដែលបណ្ដាលឲ្យឈាមត្រលប់ទៅសរសៃឈាមវិញ ហើយធ្វើឲ្យសារធាតុរាវលេចធ្លាយទៅក្នុងជាលិកា បង្កឲ្យហើមជើង ជាពិសេសពេលល្ងាច។
៦. បញ្ហាថ្លើម
ជំងឺថ្លើម ជាពិសេសក្រិនថ្លើមអាចប៉ះពាល់ដល់សមត្ថភាពថ្លើមក្នុងការផលិតប្រូតេអ៊ីន Albumin ដែលជួយរក្សាសារធាតុរាវក្នុងសរសៃឈាម។ ការថយចុះប្រូតេអ៊ីននេះ អាចបណ្ដាលឲ្យសារធាតុរាវលេចធ្លាយចូលទៅក្នុងជាលិកា ហើយធ្វើឲ្យហើមជើង។
៧. កំណកឈាម
កំណកឈាមនៅក្នុងសរសៃឈាមវ៉ែនជ្រៅក្នុងជើង អាចរារាំងលំហូរឈាមត្រឡប់ទៅបេះដូងវិញ ដែលបណ្ដាលឲ្យហើមជើងម្ខាងភ្លាមៗ ព្រមទាំងមានការឈឺចាប់។ នេះជាករណីបន្ទាន់ដែលតម្រូវឲ្យមានការយកចិត្តទុកដាក់ផ្នែកវេជ្ជសាស្ត្រ។
៨. ផលរំខាននៃឱសថមួយចំនួន
ថ្នាំមួយចំនួនដូចជាថ្នាំសម្រាប់សម្ពាធឈាមខ្ពស់ ដូចជាថ្នាំប្រឆាំងការរលាកមិនមែនស្តេរ៉ូអ៊ីត ថ្នាំស្តេរ៉ូអ៊ីត ឬថ្នាំប្រឆាំងជំងឺបាក់ទឹកចិត្តមួយចំនួន អាចបណ្ដាលឲ្យមានផលរំខានហើមជើង។
៩. របួសជើង ឬរលាក
ការរងរបួសនៅជើង ឬកជើង ដូចជាការរមួលកជើង ឬបាក់ឆ្អឹង អាចបណ្ដាលឲ្យមានការរលាក និងហើមនៅតំបន់ដែលរងផលប៉ះពាល់។
១០. បញ្ហាប្រព័ន្ធទឹករងៃ
នៅពេលដែលប្រព័ន្ធទឹករងៃមានបញ្ហា ហើយមិនអាចបង្ហូរសារធាតុរាវចេញពីជាលិកាបានត្រឹមត្រូវ។ នេះអាចបណ្ដាលមកពីជំងឺតំណពូជ ការឆ្លងមេរោគ ឬផលរំខាននៃការព្យាបាលជំងឺមហារីកមួយចំនួន។
ចំណុចសម្គាល់
ប្រសិនបើអ្នកជួបប្រទះការហើមជើងដែលមិនបាត់ទៅវិញ ឬមានរោគសញ្ញាផ្សេងទៀតអមជាមួយ អ្នកគួរតែប្រឹក្សាជាមួយគ្រូពេទ្យដើម្បីធ្វើរោគវិនិច្ឆ័យ និងទទួលបានការព្យាបាលត្រឹមត្រូវ៕
ចែករំលែកព័តមាននេះ