សង្គ្រាមអ៉ីរ៉ង់ ៖ កងទ័ពអាមេរិកគូសបញ្ជាក់ កាលពីថ្ងៃទី២៥ ឧសភា ថា បានវាយប្រហារជាកិច្ចការពារខ្លួនស្របច្បាប់ នៅភាគខាងត្បូងអ៉ីរ៉ង់ ពិសេសប្រឆាំងបណ្ដាទីតាំងបាញ់មីស៊ីល និងបណ្ដានាវារាយគ្រាប់មីន ខណៈប្រធានាធិបតីអាមេរិកលោកដូណាល់ត្រាំផ្ទាល់ អះអាងតាមបណ្ដាញសង្គមថា ការចរចាកំពុងរីកចម្រើនទៅមុខល្អក៏ដោយ ។
អ្នកនាំពាក្យ្របស់ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ាក្នុងសេចក្ដីប្រកាសមួយនិយាយថា ការវាយប្រហារទាំងនោះ ជាកិច្ចការពារខ្លួនស្របច្បាប់របស់កងទ័ពយើងប្រឆាំងការគំរាមកំហែងរបស់កងទ័ពអ៉ីរ៉ង់តែកងទ័ពយើងបង្ហាញពីការអត់ធ្មត់ ពេលកំពុងមានបទឈប់បាញ់គ្នា។ ពុំមានភាពលម្អិតជាងនេះត្រូវបានរាយការណ៍ឡើយក្នុងពេលភ្លាមៗ ពិសេសទាក់ទិនទៅនឹងលក្ខណៈពិតប្រាកដនៃការគំរាមកំហែងរបស់អ៉ីរ៉ង និងការចូលរួមរបស់អ៉ីរ៉ង់ក្នុងការចរចា។
មុននេះ លោកត្រាំលើកឡើងថា រាល់កិច្ចព្រមព្រៀងដែលសំដៅបញ្ចប់សង្គ្រាម ជាមួយអ៉ីរ៉ង់ ក៏ត្រូវបញ្ចូលដែរ កាតព្វកិច្ចសម្រាប់ប្រទេសជាច្រើនថែមទៀត ក្នុងនោះ មានអារ៉ាប៊ីសាអូឌីត និងកាតា ដែលត្រូវចូលរួមក្នុងកិច្ចព្រមព្រៀងABRAHAM ដែលកិច្ចព្រមព្រៀងនោះ ត្រូវបានចរចាដោយសហរដ្ឋអាមេរិក កាលក្នុងអាណត្តិទីមួយរបស់លោកហើយសំដៅធ្វើឲ្យមានប្រក្រតីភាពនៃទំនាក់ទំនងជាមួយអ៉ីស្រាអែល ។
សំណើនោះធ្វើឡើងពេលដែលកិច្ចព្រមព្រៀងមួយជាមួយអ៉ីរ៉ង់ ជាកម្មវត្ថុនៃការរិះគន់ពីសំណាក់បណ្ដាអ្នកទទួលខុសត្រូវនៃគណបក្សសាធារណរដ្ឋដែលនិយមតឹងចំពោះអ៉ីរ៉ង់ ។ បែបនេះ ជាការបន្ថែមភាពស្មុ័គ្រស្មាញខាងការទូតថ្មីក្នុងការចរចាជាមួយអ៉ីរ៉ង់។ លោកត្រាំស្នើដល់អារ៉ាប៊ីសាអូឌីតនិងកាតាឲ្យចូលរួមជាបន្ទាន់ក្នុង ក្នុងកិច្ចព្រមព្រៀងABRAHAM ដូចជាប៉ាគីស្ថាន តួកគី អេហ្ស៊ីប ហ្ស៊កដានីបារ៉ែន និងអេមីរ៉ាត់អារ៉ាប់រួម ដែលសុទ្ធតែជាប្រទេសដំបូងចូលរួមតាំងពីឆ្នាំ២០២០
មក ៕
ចែករំលែកព័តមាននេះ