រាជធានីភ្នំពេញ ៖ ព្រះអគ្គីបានឆាបឆេះផ្ទះបោកគក់ខោអាវមួយកន្លែងសន្ធោសន្ធៅ បណ្ដាលឲ្យផ្ទះខាងលើ រួមទាំងទ្រព្យសម្បត្តិ និងសម្ភារៈនៅក្នុងនោះមួយចំនួនផង រងការខូចខាត បណ្ដាលមកពីមូលហេតុឆ្លងចរន្តអគ្គិសនី និងពុំបានបង្កគ្រោះថ្នាក់ដល់ម្ចាស់ផ្ទះ ឬក៏ឆេះរាលដាលដល់ផ្ទះអ្នកផ្សេងដែលស្ថិតនៅជិតៗនោះឡើយ…
រាជធានីភ្នំពេញ ៖ ព្រះអគ្គីបានឆាបឆេះផ្ទះបោកគក់ខោអាវមួយកន្លែងសន្ធោសន្ធៅ បណ្ដាលឲ្យផ្ទះខាងលើ រួមទាំងទ្រព្យសម្បត្តិ និងសម្ភារៈនៅក្នុងនោះមួយចំនួនផង រងការខូចខាត បណ្ដាលមកពីមូលហេតុឆ្លងចរន្តអគ្គិសនី និងពុំបានបង្កគ្រោះថ្នាក់ដល់ម្ចាស់ផ្ទះ ឬក៏ឆេះរាលដាលដល់ផ្ទះអ្នកផ្សេងដែលស្ថិតនៅជិតៗនោះឡើយ ។
ហេតុការណ៍នោះបានកើតឡើង កាលពីវេលាម៉ោង០៤និង២០នាទីជិតភ្លឺ ថ្ងៃទី១ ខែឧសភា ឆ្នាំ២០២៥ ស្ថិតនៅតាមផ្លូវបេតុង ក្នុងភូមិសាមគ្គី១ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា ផ្ទះដែលរងការឆាបឆេះនោះ ជាប្រភេទសំណង់ថ្មដំបូលប្រក់ស័ង្កសីទំហំ០៦ម៉ែត្រx០៩ម៉ែត្រ ជាកម្មសិទ្ធិរបស់ឈ្មោះអៀង គឹមហ៊ន ភេទប្រុស អាយុ៥៩ឆ្នាំ ជនជាតិខ្មែរ មុខរបរបោកគក់ខោអាវ ។
ដោយឡែក ទ្រព្យសម្បត្តិ និងសម្ភារៈដែលបានក្លាយជាចំណីព្រះអគ្គីនោះរួមមាន ម៉ូតូចំនួន០២គ្រឿង,កង់អាគុយ០១គ្រឿង,ម៉ាសុនភ្លើង០២គ្រឿង,ទូរទឹកកក០៣គ្រឿង,និងម៉ាស៊ីនបោកគក់ ខោអាវចំនួន០៥គ្រឿង ។
សមត្ថកិច្ចដដែលបានប្រាប់ឲ្យដឹងបន្តទៀតថា ការឆាបឆេះនេះ មូលហេតុ បណ្ដាលមកពីហេតុការណ៍ឆ្លងចរន្តអគ្គិសនី ខណៈនោះម្ចាស់ផ្ទះរួមទាំងសមាជិកគ្រួសារទាំងអស់បាននាំគ្នារត់ចេញ រួចទើបគ្មានគ្រោះថ្នាក់ ហើយភ្លាមៗនោះ អ្នកភូមិបាននាំគ្នាជួយយកធុងដកទឹកជះ និងយកទុយោបាញ់ទឹកពន្លត់ដែរ ប៉ុន្តែពន្លត់មិនឈ្នះឡើយ ។
ដោយឡែក កម្លាំងអាជ្ញាធរ និងសមត្ថកិច្ច នៅពេលទទួលបានដំណឹងនេះភ្លាមក៏បានចេញអន្តរាគមន៍ភ្លាមៗដែរ និងបានសុំជំនួយពីក្រុមអ្នកពន្លត់អគ្គិភ័យ និងរថយន្តពន្លត់អគ្គិភ័យទៅកាន់ទីនោះជួយពន្លត់ភ្លើង ។
សមត្ថកិច្ចខាងលើ បានប្រាប់ឲ្យដឹងបន្ថែមទៀតថា នៅក្នុងការពន្លត់ភ្លើងនោះសមត្ថកិច្ចជំនាញបានប្រើប្រាស់រថយន្តពន្លត់អគ្គិភ័យការិយាល័យបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញចំនួន០២គ្រឿង ដោយប្រើប្រាស់ទឹកអស់ចំនួន០២ រថយន្តស្មើនឹង១២ម៉ែត្រគូប ។
រថយន្តជំនួយមកពីកងពលតូចទ័ពពិសេសឆ័ត្រយោង លេខ៩១១ មួយគ្រឿង ប្រើប្រាស់ទឹកអស់០១ រថយន្តស្មើនឹង០៦ម៉ែត្រគូប ហើយបានពន្លត់ចប់នៅម៉ោង០៤និង៥៥ នាទីព្រឹកថ្ងៃ ខែឆ្នាំដដែល ៕
ចែករំលែកព័តមាននេះ