ឃើញ​របស់របរ​រាយ​ប៉ាយ​ខុស​ប្រក្រតី​…​ម្ចាស់ផ្ទះ​ភ្ញាក់ផ្អើល​ប្តឹង​សមត្ថកិច្ច


ខេត្ត​ប៉ៃលិន ៖ កាលពី​វេលា​ម៉ោង​១២​និង​៣០​នាទី​យប់​រំលង​អា​ធ្រា​ត្រ​ឈាន​ចូល​ថ្ងៃ​ទី​៦ ខែធ្នូ ឆ្នាំ​២០១៨ មាន​ករណី​ក្រុម​ជនសង្ស័យ​លួច​ចូល​ក្នុងផ្ទះ​យក​ទ្រព្យសម្បត្តិ​ប្រជាពលរដ្ឋ​អស់​មួយ​ចំនួន ស្ថិត​នៅ​ក្នុង​ភូមិ
ប​ឌិន​នៀវ សង្កាត់​ប៉ៃលិន ក្រុងប៉ៃលិន ខេត្ត​ប៉ៃលិន ។

ប្រភព​ព័ត៌មាន​ពី​លោក ផូ​រ៍ សុផល ជំនួយការ​មូលដ្ឋាន​កងរាជអាវុធហត្ថ​ក្រុងប៉ៃលិន បានឱ្យ​ដឹង​ថា ពេល​ចុះ​ទៅ​ធ្វើ​កំណត់ហេតុ ក្រោយ​ពី​ទទួល​ពាក្យបណ្តឹង​ពី​ម្ចាស់ផ្ទះ ឈ្មោះ ប៊ុត លាង ភេទ​ប្រុស អាយុ​៥៩​ឆ្នាំ ជា​កសិករ និង​ប្រពន្ធ ឈ្មោះ ស៊ឹ​ម ចាន់​លី អាយុ​៥៨​ឆ្នាំ ជា​អាជីវករ ។

សមត្ថកិច្ច​បាន​ចុះ​ប្រតិបត្តិការ​ត្រួតពិនិត្យ​ភ្លាម​ៗ​នៅ​កន្លែង​កើតហេតុ លុះ​ក្រោយ​ពី​ពិ​ត្យ​រួចរាល់ សមត្ថកិច្ច​បាន​កំណត់​មុខសញ្ញា​ក្រុម​ជនសង្ស័យ​ទាំងនោះ ដោយ​មាន​គ្នា​ប្រមាណ​ចាប់ពី​២​នាក់​ឡើង​ទៅ ព្រោះ​ជនសង្ស័យ​បន្សល់​ទុក​នូវ​ដានជើង​នៅ​លើ​ឡៅតឿ ហើយ​ប្រជាពលរដ្ឋ​នៅ​ក្បែរ​នោះ​ក៏​បានឃើញ​មនុស្ស​ពីរ​នាក់​អង្គុយ​ចាំ​នៅ​លើ​ម៉ូតូ​ផង​ដែរ ។

ប្រភព​បន្ត​ទៀត​ថា ទ្រព្យសម្បត្តិ​ដែល​បាត់បង់​រួម​មាន ទូរស័ព្ទ​ដៃ​ចំនួន​៣​គ្រឿង ប្រាក់​ចំនួន​១០​ម៉ឺន​រៀល​, ប្រាក់​ដុល្លារ​ចំនួន​៧០​ដុល្លារ​, កាបូបស្ពាយ​១​គ្រឿង​, កាបូប​ដាក់​លុយ​អស់​ចំនួន​២, អាវ​ចំនួន​២, អត្តសញ្ញាណប័ណ្ណ​, ប័ណ្ណ​បើ​កបរ និង​សម្ភារ​:​ក្នុងផ្ទះ​មួយ​ចំនួន​ទៀត ។

លោក​បញ្ជាក់​ថា ក្នុង​ករណី​នេះ ក្រុម​ជនសង្ស័យ​អាច​ជា​ចោរ​អំបុក​ចោរ​បំ​បែង ព្រោះ​ម៉ូតូ​ចំនួន​៣​គ្រឿង​នៅ​ក្នុងផ្ទះ ពួក​វា​មិន​បាន​យក​នោះ​ទេ ណាមួយ​ម្ចាស់ផ្ទះ​ជា​ទម្លាប់​គាត់​មិន ដែល​ចាក់សោរ​ផ្ទះ​នោះ​ឡើយ ទើប​បណ្តាល​ឱ្យ​ក្រុម​ជនសង្ស័យ​ទាំងនោះ​ដើរ​រុក​រើ​ពេញ​ក្នុងផ្ទះ​តែ​ម្តង ។

បើ​តាម​ប្រភព​ពី​លោក ប៊ុត លាង ជា​ម្ចាស់ផ្ទះ​បានឱ្យ​ដឹង​ថា មុន​ពេល​កើតហេតុ គាត់​និង​ក្រុម​គ្រួ​សារបាន​ដេក​នៅ​ក្នុងផ្ទះ​លង់លក់ ដោយ​អត់​មាន​ឮ​សម្លេង​អ្វី​ទាំងអស់ លុះ​ភ្ញាក់​ពី​ដំណេក​នៅ​វេលា​ម៉ោង​ជិត​៥​ព្រឹក ស្រាប់តែ​រក​មើល​អាវ​ពាក់​មិនឃើញ ក៏​ដើរ​រក​មើល​ក៏​មានការ​ភ្ញាក់ផ្អើល ដោយ​ឃើញ​របស់របរ​ក្នុងផ្ទះ​រាយ​ប៉ាយ​ខុស​ប្រក្រតី ។

បន្ទាប់​មក គាត់​ក៏​ដឹង​ថា​មាន​បាត់បង់​ទ្រព្យសម្បត្តិ​ក្នុងផ្ទះ ទើប​កំណត់​ថា មាន​ក្រុម​ជនសង្ស័យ​ចូល​លួច​របស់​ទាំងនោះ​តែ​ម្តង ។ លោក​បន្ត​ថា នេះ​សំណាង​ដែរ ដែល​កូន​របស់​គាត់ បាន​ត្រឡប់​មក​ពី​ចូលរួម​ក្នុង​ពិធី​មង្គលការ​វិញ មិន​បាន​ដោះ​ខ្សែដៃ​ និង​ខ្សែ​ក.​​ចេញពី​ខ្លួន តែ​បើសិនជា​ដោះ​ដាក់​ក្នុង​តុ​ឬ​ទូ ច្បាស់ជា​​ត្រូវ​ក្រុម​ជនសង្ស័យ​យក​ទាំងអស់​ជាក់​ជា​មិន​ខាន ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

០៤:០៣ | ក្នុងស្រុក

សារលិខិត​ជូនពរ សម្តេច​កិត្តិ​ព្រឹទ្ធ​ប​បណ្ឌិត ប៊ុ​ន រ៉ា​នី ហ៊ុន​សែន ប្រធាន​កាកបាទក្រហមកម្ពុជា ក្នុង​ឱកាស​ដ៏​មហា​នក្ខត្តឫក្ស​ប្រារព្ធ​ខួបកំណើត​គម្រប់៦៤ឈាន​ចូល៦៥ឆ្នាំ

To Top

ការស្ទង់មតិគេហទំព័រថ្មី




សូម​អរគុណ