ខេត្តកណ្តាល ៖ កាលពីរសៀលថ្ងៃទី២៣ មិថុនា លោកឧកញ៉ាបណ្ឌិត ជា រតនា ទីប្រឹក្សារាជរដ្ឋាភិបាល អនុប្រធានគណៈពង្រឹងស្រុកស្អាង និងជាប្រធានគណៈពង្រឹងមូលដ្ឋានឃុំតាលន់ និងលោកថៃ នរសត្យា អនុប្រធានទី១ គណៈពង្រឹងមូលដ្ឋានឃុំតាលន់ ស្រុកស្អាង បានអញ្ជើញជាអធិបតីក្នុងពិធីជួបសំណេះសំណាលជាមួយសមាជិក សមាជិកា គណបក្សប្រជាជនកម្ពុជា ឃុំតាលន់
ខេត្តកណ្តាល ៖ កាលពីរសៀលថ្ងៃទី២៣ មិថុនា លោកឧកញ៉ាបណ្ឌិត ជា រតនា ទីប្រឹក្សារាជរដ្ឋាភិបាល អនុប្រធានគណៈពង្រឹងស្រុកស្អាង និងជាប្រធានគណៈពង្រឹងមូលដ្ឋានឃុំតាលន់ និងលោកថៃ នរសត្យា អនុប្រធានទី១ គណៈពង្រឹងមូលដ្ឋានឃុំតាលន់ ស្រុកស្អាង បានអញ្ជើញជាអធិបតីក្នុងពិធីជួបសំណេះសំណាលជាមួយសមាជិក សមាជិកា គណបក្សប្រជាជនកម្ពុជា ឃុំតាលន់ ដោយមានការអញ្ជើញចូលរួមពីប្រជាពលរដ្ឋជាសមាជិក សមាជិកាបក្សចំនួន១.៨៩៩នាក់ ។ ពិធីនេះបានប្រារព្ធធ្វើឡើងយ៉ាងអធិកអធមនៅសាលប្រជុំស្នាក់ការគណៈពង្រឹងឃុំតាលន់ ។
លោកខឹម ច័ន្ទគិរី ប្រធានគណៈកម្មាធិការបក្សស្រុកនិងជាអភិបាលស្រុកស្អាង បានលើកឡើងពីការខិតខំប្រឹងប្រែងរៀបចំរចនាសម្ព័ន្ធ ចងក្រងប្រធាន-អនុប្រធាននិងសមាជិកក្រុមបក្សនៅតាមមូលដ្ឋានភូមិ-ឃុំ ប្រយោជន៍ពង្រឹងក្រុមបក្សដើម្បីត្រៀមសម្រាប់ការបោះឆ្នោតនៅពេលខាងមុខនេះឱ្យទទួលបានជោគជ័យ ។
មានមតិសំណេះសំណាលនាឱកាសនោះ លោកឧកញ៉ាបណ្ឌិត ជា រតនា បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចទាំងបី ដែលជាប្រមុខដឹកនាំរបស់គណបក្សប្រជាជនកម្ពុជា ពិសេសសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតដែលជានិច្ចកាលលោកតែងតែគិតគូរពីសុខទុក្ខរបស់ប្រជាពលរដ្ឋទូទៅគ្រប់ទីកន្លែង ។ ក្នុងឱកាសនោះដែរ លោកឧកញ៉ាបណ្ឌិត ក៏បាននាំយកអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតចែកជូនសមាជិកសមាជិកាបក្សចំនួន១.៨៩៩នាក់ ក្នុងម្នាក់ៗថវិកាចំនួន២ម៉ឺនរៀល និងឧបត្ថម្ភដល់កងកម្លាំងការពារផងដែរ ៕
ចែករំលែកព័តមាននេះ