ខេត្តបាត់ដំបង ៖ បុរសចំណាស់ម្នាក់ត្រូវបានកូនប្រសាប្រុស និងដន្លងព្រួតគ្នាវាយស្ទើរស្លា.ប់ស្ទើររស់ បន្ទាប់ពីមានការឈ្លោះប្រកែក គ្នាដ៏តឹងតែងមួយ បង្កឱ្យមានការភ្ញាក់ផ្អើលកាលពីវេលាម៉ោង១១ថ្ងៃត្រង់ថ្ងៃទី២៤ មិថុនា ២០១៣ ស្ថិតក្នុងសង្កាត់វត្តគ ក្រុងបាត់ដំបង ប៉ុន្តែអ្វីដែលបង្កឱ្យមានបញ្ហាកាន់តែខ្លាំងនោះ គឺចៅសង្កាត់វត្តគបានរារាំង និងការពារមិនឱ្យសមត្ថកិច្ចចាត់ការលើក្រុម
ខេត្តបាត់ដំបង ៖ បុរសចំណាស់ម្នាក់ត្រូវបានកូនប្រសាប្រុស និងដន្លងព្រួតគ្នាវាយស្ទើរស្លាប់ស្ទើររស់ បន្ទាប់ពីមានការឈ្លោះប្រកែក គ្នាដ៏តឹងតែងមួយ បង្កឱ្យមានការភ្ញាក់ផ្អើលកាលពីវេលាម៉ោង១១ថ្ងៃត្រង់ថ្ងៃទី២៤ មិថុនា ២០១៣ ស្ថិតក្នុងសង្កាត់វត្តគ ក្រុងបាត់ដំបង ប៉ុន្តែអ្វីដែលបង្កឱ្យមានបញ្ហាកាន់តែខ្លាំងនោះ គឺចៅសង្កាត់វត្តគបានរារាំង និងការពារមិនឱ្យសមត្ថកិច្ចចាត់ការលើក្រុមជនបង្កហិង្សានេះទេ ថែមទាំងស្តីបន្ទោសកម្លាំងសមត្ថកិច្ចយ៉ាងចាស់ដៃទៀតផង ។
សមត្ថកិច្ចបានឱ្យដឹងថា បុរសចំណាស់រងគ្រោះឈ្មោះហែម សុភ័ណ្ឌ អាយុ៦១ឆ្នាំ រស់នៅភូមិក្រពើខាងកើត ឃុំភ្នំសំពៅ ស្រុកបាណន់។ រីឯកូនប្រសាដ៏ឃោរឃៅឈ្មោះវិបុល រតនា អាយុ២៨ឆ្នាំ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ។ មូលហេតុដែលនាំឱ្យកើតអំពើហិង្សាដ៏កំរោលនេះ គឺក្រោយពីលោកចៅសង្កាត់វត្តគបញ្ចប់ការផ្សះផ្សារវាងប្តីប្រពន្ធរបស់ឈ្មោះវិបុល រតនា ដែលរស់នៅមិនចុះសម្រុងនឹងគ្នា ។
ជនរងគ្រោះឈ្មោះហែម សុភ័ណ្ឌ បានរៀបរាប់ថា កូនស្រីរបស់លោកឈ្មោះហែម ឆដា អាយុ២៥ឆ្នាំ និងកូនប្រសាឈ្មោះវិបុល រតនា នេះ រស់នៅមិនចុះសម្រុងគ្នាទេ ហើយត្រូវលោកចៅសង្កាត់ហៅមកផ្សះផ្សាគ្នាតាមបណ្តឹងនៃភាគីទាំង២ ។ លោកថា ក្រោយពីបញ្ចប់ការផ្សះផ្សា លោកបានសុំយកចៅទៅលេង តែកូនប្រសាមិនឱ្យក៏កើតមានជម្លោះតែម្តង ។ ខណៈនោះគាត់ទៅយកចៅពីដៃកូនប្រសា តែត្រូវកូនប្រសាមិនឱ្យ ភ្លាមនោះកូនប្រសាបានទូរស័ព្ទហៅម្តាយ និងបងប្អូនគេមក ៤-៥នាក់ ព្រួតគ្នាវាយមកលើគាត់តែម្តង បណ្តាលឱ្យគាត់បែកចិញ្ចើមទាំងសងខាង ៕
ចែករំលែកព័តមាននេះ