រាជធានីភ្នំពេញ ៖ សាកសពបុរសម្នាក់ត្រូវបានគេប្រទះឃើញអណ្ដែតទឹកទន្លេសាប នៅក្រោមស្ពានខ្សែកាបឬស្សីកែវ ហើយក៏រាយការណ៍ទៅសមត្ថកិច្ចអូសយកមកត្រួតពិនិត្យនៅក្រោមស្ពានជ្រោយចង្វារ ។ ការប្រទះឃើញសាកសពនេះ បង្កឲ្យមានការភ្ញាក់ផ្អើលកាលពីវេលា៦និង១៥នាទីព្រឹកថ្ងៃទី១០ ខែឧសភា ឆ្នាំ២០២៥…
រាជធានីភ្នំពេញ ៖ សាកសពបុរសម្នាក់ត្រូវបានគេប្រទះឃើញអណ្ដែតទឹកទន្លេសាប នៅក្រោមស្ពានខ្សែកាបឬស្សីកែវ ហើយក៏រាយការណ៍ទៅសមត្ថកិច្ចអូសយកមកត្រួតពិនិត្យនៅក្រោមស្ពានជ្រោយចង្វារ ។
ការប្រទះឃើញសាកសពនេះ បង្កឲ្យមានការភ្ញាក់ផ្អើលកាលពីវេលា៦និង១៥នាទីព្រឹកថ្ងៃទី១០ ខែឧសភា ឆ្នាំ២០២៥ ស្ថិតនៅចំណុចក្បែរជើងសសរស្ពានខ្សែកាបឬស្សីកែវផ្នែកខាងកើត ក្បែរមជ្ឈមណ្ឌលសន្និបាតក្រុមហ៊ុនOCIC ក្នុងភូមិដើមគ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ សាកសពបុរសរូបនោះពុំស្គាល់អត្តសញ្ញាណមានអាយុប្រមាណ៣០ឆ្នាំ ហើយអត់ពាក់អាវ ,ស្លៀកខោជើងវែង មានលក្ខណៈហើមស្អុយរលួយ ទៅហើយ។
តាមព័ត៌មានអោយដឹងទៀតថា នៅព្រឹកនេះ សមត្ថកិច្ចនគរបាលមូលដ្ឋានក៏បានទាក់ទងទៅជនជាតិអ៊ីស្លាមមកអូសសពយកទៅក្រោមស្ពានជ្រោយចង្វារ ដើម្បីឲ្យនគរបាលជំនាញត្រួតពិនិត្យ។
តាមសន្តិសុខមជ្ឈមណ្ឌលសន្និបាតក្រុមហ៊ុនOCIC បានឱ្យសមត្ថកិច្ចដឹងថា នៅព្រឹកថ្ងៃកើតហេតុ បុគ្គលិកផ្នែកកាមេរ៉ាសុវត្ថិភាពបានប្រទះឃើញសាកសពបុរសរូបនោះអណ្ដែតនៅជាប់សសរស្ពាន រួចប្រាប់សន្តិសុខរាយការណ៍បន្តទៅសមត្ថកិច្ចមូលដ្ឋាន ដើម្បីទាក់ទងទៅនគរបាលជំនាញចុះមកត្រួតពិនិត្យ ។
ចែករំលែកព័តមាននេះ