ខេត្តស្ទឹងត្រែង ៖ កាលពីថ្ងៃទី២៦ ខែមីនា ឆ្នាំ២០២៦ លោកនាយកសាខាកាកបាទក្រហមកម្ពុជា ខេត្តស្ទឹងត្រែង រួមជាមួយមន្ត្រីប្រតិបត្តិ និងអាជ្ញាធរមូលដ្ឋាន…
ខេត្តស្ទឹងត្រែង ៖ កាលពីថ្ងៃទី២៦ ខែមីនា ឆ្នាំ២០២៦ លោកនាយកសាខាកាកបាទក្រហមកម្ពុជា ខេត្តស្ទឹងត្រែង រួមជាមួយមន្ត្រីប្រតិបត្តិ និងអាជ្ញាធរមូលដ្ឋាន បានអញ្ជើញចុះសួរសុខទុក្ខ និងនាំ
យកអំណោយមនុស្សធម៌ឧបត្ថម្ភជូនដល់គ្រួសារប្រជាពលរដ្ឋដែលមានជំងឺប្រចាំកាយចំនួន ២គ្រួសារ ស្ថិតក្នុងភូមិច្រប់ ឃុំក្បាលរមាស ស្រុកសេសាន ។
ពលរដ្ឋដែលទទួលបានការយកចិត្តទុកដាក់នោះ រួមមាន៖ ១-លោកយាយ ជា សុភាព អាយុ៦២ឆ្នាំ (មានជំងឺដុះសាច់លើស្បែកក្បាល) ២-លោក សេង ញ៉ាក់ អាយុ ៤៦ឆ្នាំ (មានជំងឺដុះដុំពកតាមដៃជើង)។
នាឱកាសនោះ លោកនាយកសាខាបានពាំនាំនូវប្រសាសន៍ផ្ដាំផ្ញើសួរសុខទុក្ខយ៉ាងជ្រាលជ្រៅពីសំណាក់ លោក សរ សុពុត្រា អភិបាលនៃគណៈអភិបាលខេត្ត និងជាប្រធាន គណៈកម្មាធិការសាខាកាកបាទក្រហមកម្ពុជា ខេត្តស្ទឹងត្រែង ដែលជានិច្ចកាល លោកតែងតែយកចិត្តទុកដាក់ខ្ពស់ចំពោះជីវភាព និងសុខុមាលភាពរបស់បងប្អូនប្រជាពលរដ្ឋ ជាពិសេសអ្នកដែលកំពុងជួបការលំបាក និងមានជំងឺដង្កាត់ផ្សេងៗ ដោយមិនប្រកាន់វណ្ណៈ ពណ៌សម្បុរ ឬនិន្នាការនយោបាយឡើយ។
ដើម្បីជួយសម្រាលបន្ទុកជីវភាពក្នុងគ្រាដ៏លំបាកនេះ សាខាខេត្តបានផ្តល់ជូនគ្រួសារនីមួយៗនូវ គ្រឿងឧបភោគបរិភោគរួមមាន អង្ករ២០គីឡូក្រាម, មី១កេស, ត្រីខ១យួរ, ទឹកត្រី១យួរ និងទឹកសុទ្ធ ១កេស។(ឃីត) មុង១,សារុង១, ក្រមា១ និងភួយ១ និងថវិកាលើកទឹកចិត្តមួយចំនួនបន្ថែមទៀត។
សកម្មភាពមនុស្សធម៌នេះ បានឆ្លុះបញ្ចាំងពីស្មារតី កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា ដោយមិនទុកនរណាម្នាក់ចោល ៕
ចែករំលែកព័តមាននេះ