គំនិតបង្កើតទីផ្សាររួមអាស៊ាន ដែលបានលើកឡើងកាលពីឆ្នាំ២០០៧ ទំនងជាមិនចូលជាធរមានតាមការកំណត់នោះទេ ដោយសារតែបញ្ហារំខានជាច្រើនក្នុងចំណោមរដ្ឋសមាជិក ។សហគមន៍សេដ្ឋកិច្ចអាស៊ាន (AEC) ឬហៅថាទីផ្សាររួមអាស៊ាន ទំនងជាមិនអនុវត្តឱ្យបានពេញលេញនៅក្នុងឆ្នាំ២០១៥ នោះទេ ដោយសារវាហាក់លេចឡើងនូវភាពមិនស៊ីសង្វាក់គ្នារវាងមហិច្ឆតានយោបាយ
គំនិតបង្កើតទីផ្សាររួមអាស៊ាន ដែលបានលើកឡើងកាលពីឆ្នាំ២០០៧ ទំនងជាមិនចូលជាធរមានតាមការកំណត់នោះទេ ដោយសារតែបញ្ហារំខានជាច្រើនក្នុងចំណោមរដ្ឋសមាជិក ។សហគមន៍សេដ្ឋកិច្ចអាស៊ាន (AEC) ឬហៅថាទីផ្សាររួមអាស៊ាន ទំនងជាមិនអនុវត្តឱ្យបានពេញលេញនៅក្នុងឆ្នាំ២០១៥ នោះទេ ដោយសារវាហាក់លេចឡើងនូវភាពមិនស៊ីសង្វាក់គ្នារវាងមហិច្ឆតានយោបាយ និងឆន្ទៈនយោបាយក្នុងចំណោមរដ្ឋសមាជិកជាច្រើន ។ នេះបើយោងតាមរបាយការណ៍មួយដែលចេញផ្សាយកាលពីថ្ងៃសុក្រសប្តាហ៍កន្លងទៅតាមសារព័ត៌មានអាស៊ាន ANN ។
យោងតាមរបាយការណ៍ដែលចេញផ្សាយដោយវិទ្យាស្ថានស្រាវជ្រាវអាស៊ាន CIMB បានឱ្យដឹងថា ការអនុវត្តសហគមន៍សេដ្ឋកិច្ចអាស៊ាន ក្រោមគំនិតផ្តួចផ្តើមនៃរដ្ឋសមាជិកអាស៊ាននឹងចាប់ផ្តើមឃើញនូវសមាហរណកម្មសេដ្ឋកិច្ច ហើយការបង្កើតសហគមន៍នេះនឹងយឺតយ៉ាវមិនតាមកាលកំណត់ចំពោះទិសដៅ និងគម្រោងដែលបានកំណត់នោះទេ ។
របាយការណ៍ដែលមានចំណងជើងថា «សហគមន៍សេដ្ឋកិច្ចអាស៊ាន ៖ ស្ថានការណ៍នៃការអនុវត្ត បញ្ហាប្រឈម និងភាពរាំងស្ទះ» ក៏បាននិយាយថា វឌ្ឍនភាពសំដៅបង្កើតសហគមន៍សេដ្ឋកិច្ចអាស៊ានមិនបានឆ្លើយតបទាំងស្រុងចំពោះភាពជាក់ស្តែង ហើយរងឥទ្ធិពលដោយសារមូលហេតុនយោបាយ ។ចាប់តាំងពីលេខាធិការដ្ឋានអាស៊ានពឹងពាក់លើរដ្ឋសមាជិកដែលមានដូចជា ប្រទេសប្រ៊ុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វ៊ីលីពីន សិង្ហបុរី ថៃ និងវៀតណាម ដើម្បីសម្រេចឱ្យបានសូចនាករនៃវឌ្ឍនភាពរបស់អាស៊ាន លទ្ធផលមិនបានឆ្លុះបញ្ចាំងឱ្យឃើញពីសមិទ្ធផលពិតប្រាកដនោះទេ ។
របាយការណ៍ដដែលបង្ហាញថា កាលពីឆ្នាំ២០១១ ពាណិជ្ជកម្មនៅក្នុងបណ្តាប្រទេសអាស៊ានមានចំនួនត្រឹមតែ២៥% ប៉ុណ្ណោះនៃពាណិជ្ជកម្មអាស៊ានសរុប ពោលគឺធ្លាក់ចុះ២៥,៤% ធៀបនឹងឆ្នាំមុន និងធ្លាក់ចុះ២៥,៥% ធៀបនឹងឆ្នាំ២០០៩ ។ ផែនការ AEC ត្រូវបានចុះហត្ថលេខាព្រមព្រៀងដោយមេដឹកនាំអាស៊ានកាលពីថ្ងៃទី២០ វិច្ឆិកា ឆ្នាំ២០០៧ ។
ស្ថិតក្រោមផែនការនេះ រដ្ឋជាសមាជិកទាំងអស់នឹងឃើញពីលំហូរទំនិញ និងសេវាកម្មសេរីកាន់តែល្អប្រសើរឡើង ហើយពន្ធនាំចូលក្នុងចំណោមប្រទេសសមាជិកទាំងអស់នឹងត្រូវបានកាត់បន្ថយក្នុងរង្វង់០% ទៅ៥%។កាលពីឆ្នាំ២០១០ សិង្ហបុរីដែលជាប្រទេសសមាជិកអាស៊ានមានជាងគេ មានផលិតផលក្នុងស្រុកសរុបចំនួន៤៣.៩២៩ដុល្លារសម្រាប់មនុស្សម្នាក់ៗ ចំណែកប្រទេសមីយ៉ាន់ម៉ាមានផលិតផលក្នុងស្រុកសរុបចំនួន៧១៥ដុល្លារសម្រាប់មនុស្សម្នាក់ៗ ៕
ចែករំលែកព័តមាននេះ