ADផ្ទាំងផ្សព្វផ្សាយពាណិជ្ជកម្ម

បើកការប្រកួតបាល់ទាត់ដណ្តើមពានរង្វាន់ Khmer Real Estate លើកទី2ប្រចាំឆ្នាំ2013

11 ឆ្នាំ មុន

២៤ ខែ មិថុនា ឆ្នាំ ២០១៣ ម៉ោង ០៣:១៦

រាជធានីភ្នំពេញ ៖ ការប្រកួតបាល់ទាត់ដណ្តើមពានរង្វាន់ Khmer Real Estate ប្រចាំឆ្នាំ២០១៣ បានចាប់ផ្តើមដំណើរការជាផ្លូវការហើយកាលពីថ្ងៃសៅរ៍ ទី២២ មិថុនា និងបន្តដល់ថ្ងៃអាទិត្យ ទី២៣ មិថុនា ព្រោះក្នុងមួយសប្តាហ៍មានការប្រកួតចំនួន២ថ្ងៃ ដោយមានកីឡាករចូលរួមទាំងអស់១៦ក្រុម ចែកចេញជា២ពូល ។ សម្រាប់ពូលA មានក្រុមក្រុមហ៊ុនដឹកជញ្ជូនស៊ីវ ច័ន្ទធូ ក្រុម SSCA FC, ក្រុម Unicom FC, ក្រុម D-Goal FC, ក្រុម CALTEX FC, ក្រុម URC FC, ក្រុម Wings FC និងក្រុម Black Eagle FC ។

លោក គីម ហ៊ាង អ្នករៀបចំព្រឹត្តិការណ៍ប្រកួតនេះឱ្យដឹងថា នេះគឺជាលើកទី២ហើយដែល Khmer Real Estate បានរៀបចំឱ្យមានព្រឹត្តិការណ៍នៃការប្រកួតបាល់ទាត់ដណ្តើមពានរង្វាន់នេះឡើង ហើយក្រុមកីឡាករដែលចូលរួមភាគច្រើនមកពីក្រុមហ៊ុននានា និងអង្គការជាដើម។ លោកបញ្ជាក់ថា គោលបំណងដែលលោករៀបចំការប្រកួតនេះឡើងគឺដើម្បីចូលរួមចំណែកលើកស្ទួយវិស័យបាល់ទាត់ផង ក៏ដូចជាការបង្កើតឱ្យមានទំនាក់ទំនងគ្នាល្អ និងដើម្បីសុខភាពផងដែរ ព្រោះលោកគិតថា កីឡាគឺជាការទូតមួយយ៉ាងល្អក្នុងការធ្វើទំនាក់ទំនងគ្នាជាមួយមនុស្សដទៃទៀតដែលយើងពុំធ្លាប់ស្គាល់ ។ សម្រាប់ជោគជ័យដែលយើងទទួលបានរហូតដល់មានការប្រកួតជាលើកទី២នេះទៀត មិនមែនជាលើកចុងក្រោយនោះឡើយ គឺលើកក្រោយលោកនឹងរៀបចំឱ្យមានការប្រកួតធំជាងនេះទៀត ។

រីឯលទ្ធផលជាបណ្តោះអាសន្នវគ្គជម្រុះតាមពូលក្នុងសប្តាហ៍ទីមួយនេះ ពូលA មានចំនួន៤ក្រុមដែលរកបាន៣ពិន្ទុមុនគេនោះ គឺក្រុមក្រុមហ៊ុនដឹកជញ្ជូនស៊ីវ ច័ន្ទធូ ប្រកួតឈ្នះក្រុម SSCA FC ក្នុងលទ្ធផល៤-២ ។ ក្រុម Unicom FC ឈ្នះក្រុម D-Goal FC 8-0, ក្រុម CALTEX FC ចាញ់ក្រុម URC FC 3-7, ក្រុម Wings FC ចាញ់ក្រុម Black Eagle FC 2-4 ។ រីឯពូលB វិញ ក្រុមរុក្ខកីឡា ឈ្នះក្រុម SDO Football 4-2, ក្រុម Khmer United FC ឈ្នះក្រុមសាមគ្គីក្រគរ ៥-០, ក្រុម Christinair Tour FC ឈ្នះក្រុម Canadia FC 6-2 និងក្រុម Boramey FC ឈ្នះក្រុម CAM Capital FC 4-0៕

ADផ្ទាំងផ្សព្វផ្សាយពាណិជ្ជកម្ម

បើក​ការ​​ប្រកួត​​បាល់​​ទាត់​​ដណ្តើម​​ពាន​​រង្វាន់​ Khmer​ Real ​Estate​ លើក​​ទី​2​ប្រចាំ​​ឆ្នាំ​​2013

អត្តបទផ្សេងៗទៀត

បើកការប្រកួតបាល់ទាត់ដណ្តើមពានរង្វាន់ Khmer Real Estate លើកទី2ប្រចាំឆ្នាំ2013