គ្រូបង្វឹក Man City សង្ឃឹមថា Leroy Sane នឹងនៅបន្តច្រើនឆ្នាំទៅមុខទៀត
តាមប្រភពព័ត៌មាន BBC បានឲ្យដឹងថា គ្រូបង្វឹកក្លិបមេឃខៀវ Manchester City លោក Pep Guardiola បាននិយាយថា…
តាមប្រភពព័ត៌មាន BBC បានឲ្យដឹងថា គ្រូបង្វឹកក្លិបមេឃខៀវ Manchester City លោក Pep Guardiola បាននិយាយថា លោកសង្ឃឹមថា Leroy Sane នឹងនៅលេងឲ្យក្លិបរបស់លោកច្រើនឆ្នាំទៅមុខទៀត ខណៈដែលកុងត្រាថ្មីកំពុងតែពិភាក្សា ។
កីឡាករ Sane អាយុ២២ឆ្នាំ បានលេចមុខមាត់ខ្លាំងនៅក្នុងការប្រកួតជាមួយនឹង Bournemouth ក្នុងលទ្ធផលឈ្នះ ៣ទល់នឹង១ កាលពីថ្ងៃសៅរ៍កន្លងមកនេះ ។ រូបគេត្រូវបាន Man City ពីក្លិប Schalke នៅឆ្នាំ២០១៦ ក្នុងតម្លៃខ្លួន៣៧លានផោន ។
កុងត្រាដែលចុះជាមួយនឹង Man City នឹងផុតនៅឆ្នាំ២០២១ ។ កីឡាកររូបនេះកំពុងតែពិភាក្សាគ្នាជាមួយនឹង Man City ក្នុងការតម្លើងខែមុនពេលដាច់កុងត្រា ។
លោក Pep Guardiola ថា ៖«ការជជែកគ្នានេះមិនមែនត្រឹមតែមួយថ្ងៃទេ លើកលែងតែជាមួយនឹង Kevin de Bruyne ។ ខ្ញុំសង្ឃឹមថា គេអាចលេងនៅទីនេះច្រើនឆ្នាំទៅមុខទៀត» ។
គួរបញ្ជាក់ផងដែរថា Sane បានរកគ្រាប់បាល់ជូនក្លិបបាន៤គ្រាប់ ក្នុងការប្រកួតឈ្នះ៦ដង ដែលមានគ្រាប់ប្រចាំក្លិបសរុប២២គ្រាប់ ៕
ចែករំលែកព័តមាននេះ