តម្លៃប្រេងឆៅបានធ្លាក់ថ្លៃនៅថ្ងៃចន្ទ ចំពេលដែលមានការបារម្ភកើនឡើងដែលថា ប្រទេសចិនសម្រេចរឹតបន្តឹងការផ្តល់កម្ចីក្រៅផ្លូវការ ដែលទង្វើនេះវាអាចប៉ះពាល់ដល់កំណើននៅក្នុងប្រទេសដែលប្រើប្រាស់ថាមពលធំៗ ។ប្រេងឆៅសម្រាប់ចែកចាយខែសីហាបានធ្លាក់ចុះ២៤សេនមកនៅ៩៣,៤៥ដុល្លារក្នុងមួយបារ៉ែល នៅទីក្រុងញូវយ៉ក ។ ចំណែកតម្លៃប្រេងឆៅ Brent របស់អង់គ្លេស
តម្លៃប្រេងឆៅបានធ្លាក់ថ្លៃនៅថ្ងៃចន្ទ ចំពេលដែលមានការបារម្ភកើនឡើងដែលថា ប្រទេសចិនសម្រេចរឹតបន្តឹងការផ្តល់កម្ចីក្រៅផ្លូវការ ដែលទង្វើនេះវាអាចប៉ះពាល់ដល់កំណើននៅក្នុងប្រទេសដែលប្រើប្រាស់ថាមពលធំៗ ។ប្រេងឆៅសម្រាប់ចែកចាយខែសីហាបានធ្លាក់ចុះ២៤សេនមកនៅ៩៣,៤៥ដុល្លារក្នុងមួយបារ៉ែល នៅទីក្រុងញូវយ៉ក ។ ចំណែកតម្លៃប្រេងឆៅ Brent របស់អង់គ្លេសធ្លាក់ចុះ៤៧សេនមកនៅ១០០,៤៤ដុល្លារក្នុងមួយបារ៉ែល។
គេសង្កេតឃើញថា សញ្ញានៃការធ្លាក់ចុះសេដ្ឋកិច្ចកំពុងកើតមាននៅក្នុងប្រទេសចិន ដែលជាប្រទេសមានសេដ្ឋកិច្ចធំបំផុតទី២លើពិភពលោក ។ កាលពីសប្តាហ៍មុន បើយោងតាមការអង្កេតឯកជនមួយបង្ហាញថា សកម្មភាពផលិតកម្មរបស់ចិនបានធ្លាក់ចុះក្នុងល្បឿនមួយយឺតបំផុតរហូតដល់ទៅ៩ខែគិតត្រឹមខែមិថុនា ។ លើសពីនេះ កំណើនសេដ្ឋកិច្ចរបស់ចិនបានធ្លាក់ចុះហួសពីការស្មាននៅក្នុងត្រីមាសទី១ គឺធ្លាក់ដល់៧,៧% ហើយក្រុមអ្នកព្យាករណ៍បានទម្លាក់ការព្យាករកំណើនសេដ្ឋកិច្ចប្រទេសចិនពេញមួយឆ្នាំ២០១៣នេះ ៕
ចែករំលែកព័តមាននេះ