ខេត្ដបន្ទាយមានជ័យ ៖ បុរស២នាក់បានរងរបួសធ្ងន់ និងម្នាក់ទៀតរបួសស្រាល ដោយសារជិះម៉ូតូបុកសត្វគោកំពុងដើរឆ្លងផ្លូវ ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩យប់ថ្ងៃទី២៣ មិថុនា នៅលើកំណាត់ផ្លូវជាតិលេខ៥៩ ស្ថិតក្នុងភូមិទួលពង្រ ឃុំទួលពង្រ ស្រុកម៉ាឡៃ ។
ខេត្ដបន្ទាយមានជ័យ ៖ បុរស២នាក់បានរងរបួសធ្ងន់ និងម្នាក់ទៀតរបួសស្រាល ដោយសារជិះម៉ូតូបុកសត្វគោកំពុងដើរឆ្លងផ្លូវ ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩យប់ថ្ងៃទី២៣ មិថុនា នៅលើកំណាត់ផ្លូវជាតិលេខ៥៩ ស្ថិតក្នុងភូមិទួលពង្រ ឃុំទួលពង្រ ស្រុកម៉ាឡៃ ។
ប្រភពព័ត៌មានពីនាយប៉ុស្ដិ៍នគរបាលទួលពង្រឱ្យដឹងថា ជនរងគ្រោះ ១-ឈ្មោះ អាន ផល ភេទប្រុស អាយុ៣៥ឆ្នាំ ជាអ្នកបើកម៉ូតូម៉ាកហុងដាឌ្រីមសេ១២៥ ស៊េរី២០១២ ពាក់ស្លាកលេខ ប.មានជ័យ1C-9945 រងរបួសធ្ងន់បែកក្បាល រយះដងខ្លួន ២-ឈ្មោះ យៀន វីណា ភេទប្រុស អាយុ១៩ឆ្នាំ របួសធ្ងន់ និង៣-ឈ្មោះ លិញ ចិន្រ្ដា ភេទប្រុស អាយុ២១ឆ្នាំ របួសស្រាល ។ អ្នកទាំង៣នាក់ មានលំនៅភូមិអូរជ្រៅ ឃុំកូប ស្រុកអូរជ្រៅ ។
សាក្សីឃើញហេតុការណ៍និយាយថា មុនពេលកើតហេតុ ម៉ូតូហុងដាឌ្រីមសេ១២៥ ជិះគ្នា៣នាក់ពីទិសខាងលិចទៅកើតក្នុងល្បឿនលឿន ពេលមកដល់ចំណុចកើតហេតុ បានចាំងភ្លើងហ្វារថយន្ដដែលបើកបញ្ច្រាសទិសគ្នា ធ្វើឱ្យមើលមិនឃើញសត្វគោ១ក្បាល ដែលដើរឆ្លងផ្លូវក៏ជ្រុលបុកពេញទំហឹង បណ្ដាលឱ្យដួលរបួសធ្ងន់ស្រាលទាំងអស់គ្នា ត្រូវដឹកទៅសង្គ្រោះនៅមន្ទីរពេទ្យបង្អែកក្រុងប៉ោយប៉ែត ចំណែកសត្វគោបានងាប់ និងម៉ូតូខូចខាតធ្ងន់ធ្ងរ ។
មកទល់ព្រឹកថ្ងៃទី២៤ មិថុនា សមត្ថកិច្ចនៅមិនទាន់រកមុខម្ចាស់គោឃើញនៅឡើយ ។ សមត្ថកិច្ចកំពុងតែស្រាវជ្រាវបន្ដ ទោះយ៉ាងណាសត្វគោមួយក្បាលដែលងាប់នោះ ត្រូវប្រគល់ឱ្យជនរងគ្រោះ ដើម្បីលក់យកលុយព្យាបាលរបួស ៕
ចែករំលែកព័តមាននេះ