ពានរង្វាន់អ្នករត់លឿនបំផុតប្រចាំឆ្នាំ២០១៣លើវិញ្ញាសារត់ចម្ងាយ២០០ម៉ែត្រ ក្នុងព្រឹត្តិការណ៍ United States World Championships ត្រូវបានទៅលើអត្តពលិក ថៃសាន់ ហ្គេ ខណៈអត្តពលិកអាមេរិករូបនេះបានប្រើអស់ថិរវេលាតិចជាងគេបំផុតគឺ១៩.៧៤វិនាទី ។ ព្រឹត្តិការណ៍នេះត្រូវបានរៀបចំធ្វើនៅក្រុង Des Moines រដ្ឋ Iowa សហរដ្ឋអាមេរិក កាលពីថ្ងៃអាទិត្យ ទី២៣
ពានរង្វាន់អ្នករត់លឿនបំផុតប្រចាំឆ្នាំ២០១៣លើវិញ្ញាសារត់ចម្ងាយ២០០ម៉ែត្រ ក្នុងព្រឹត្តិការណ៍ United States World Championships ត្រូវបានទៅលើអត្តពលិក ថៃសាន់ ហ្គេ ខណៈអត្តពលិកអាមេរិករូបនេះបានប្រើអស់ថិរវេលាតិចជាងគេបំផុតគឺ១៩.៧៤វិនាទី ។ ព្រឹត្តិការណ៍នេះត្រូវបានរៀបចំធ្វើនៅក្រុង Des Moines រដ្ឋ Iowa សហរដ្ឋអាមេរិក កាលពីថ្ងៃអាទិត្យ ទី២៣ មិថុនា ។
យោងតាមលទ្ធផលនាពេលនេះ នោះហ្គេ ដែលជាជើងឯកពិភពលោកឆ្នាំ២០០៧ នឹងក្លាយជាគូប្រជែងដ៏ខ្លាំងសម្រាប់ យូសេន បូល ក្នុងព្រឹត្តិការណ៍ប្រកួតជ្រើសរើសជើងឯកពិភពលោកនៅក្រុងមូស្គូ ប្រទេសរុស្សុី នាខែសីហាខាងមុខនេះ ។ ជ័យជម្នះរបស់ហ្គេ បានកើតឡើង២ថ្ងៃ ក្រោយពីគេបានយកឈ្នះវិញ្ញាសារត់ចម្ងាយ១០០ម៉ែត្រ ក្នុងថិរវេលា៩.៧៥វិនាទី ។ ឯលទ្ធផលផ្នែកស្ត្រីវិញ នាង Kimberlyn Duncan បានបំបាក់ម្ចាស់ជើងឯកអូឡាំពិក Allyson Felix យកឈ្នះពានរត់ចម្ងាយ២០០ម៉ែត្រនេះ ៕
ចែករំលែកព័តមាននេះ