ADផ្ទាំងផ្សព្វផ្សាយពាណិជ្ជកម្ម

Picture

អង្គរក្ស​ជំនិត Messi ត្រូវ​បាន​ហាមប្រាម​ចូល​ទីលាន​ប្រកួត​រាល់​កីឡដ្ឋាន​នៅ​លី​គ​កំពូល​អា​មេ​រិ​ក

1 ថ្ងៃ មុន

សហរដ្ឋអាមេរិក ៖ លោក Yassine Cheuko អង្គរក្ស​ជំនិត​របស់​កីឡាករ Lionel Messi កាលពី​ពេល​ថ្មី​ៗ​នេះ​បាន​ទម្លាយ​ថា ខ្លួន​ត្រូវ​បាន​មហា​ប្រាម​បង្ហាញ​វត្ត​មាននៅ​រាល់​ទីលាន​ក្នុង​កីឡដ្ឋាន​មានការ​ប្រកួត​បាល់ទាត់…

សហរដ្ឋអាមេរិក ៖ លោក Yassine Cheuko អង្គរក្ស​ជំនិត​របស់​កីឡាករ Lionel Messi កាលពី​ពេល​ថ្មី​ៗ​នេះ​បាន​ទម្លាយ​ថា ខ្លួន​ត្រូវ​បាន​មហា​ប្រាម​បង្ហាញ​វត្ត​មាននៅ​រាល់​ទីលាន​ក្នុង​កីឡដ្ឋាន​មានការ​ប្រកួត​បាល់ទាត់ នៃ​លី​គ​កំពូល​សហរដ្ឋអាមេរិក MLS ដើម្បី​ការពារ​កំពូល​ខ្សែប្រយុទ្ធ​អា​ហ្ស​ង់​ទី​ន​។ នេះ​បើ​តាម​ការ​ចេញផ្សាយ​ពី​កាសែត Marca កាលពី​ថ្ងៃ​ទី​៣១ ខែមីនា ឆ្នាំ​២០២៥​។

ថ្លែង​ចេញពី​កម្មវិធី House of Highlights លោក Yassine Cheuko បានឱ្យ​ដឹង​ដូច្នេះ​ថា ទោះបីជា​ខ្ញុំ​មិន​ត្រូវ​បាន​អនុញ្ញាត​ឱ្យ​ចូល​ទីលាន​ប្រកួត​ក៏​ដោយ ប៉ុន្តែ​ខ្ញុំ​នៅ​តែ​គោរព​ការ​សម្រេចចិត្ត​របស់​អាជ្ញាធរ​កីឡា​អា​មេ​រិ​ក និង​យល់​ពី​ហេតុផល​នៅ​ពីក្រោយ​ការ​សម្រេច​នេះ ព្រោះ​ខ្ញុំ​គ្រាន់តែ​ចង់​អាច​សហការ​ជាមួយ​ស្ថាប័ន​ពាក់ព័ន្ធ ដើម្បី​ពង្រឹង​សន្តិសុខ​នៅ​កីឡដ្ឋាន​ក្នុង​សហរដ្ឋអាមេរិក​»​។

នៅ​ក្នុង​បទ​សម្ភាសន៍​ជាមួយ​កម្មវិធី​ដដែល​នោះ Chueko ដែល​ជា​អតីត​ទាហានជើងទឹក​របស់​អា​មេ​រិ​ក (Navy Seal) មានបទពិសោធន៍​នឹង​ការ​ប្រយុទ្ធ​នៅ​អ៊ី​រ៉ា​ក់ និង​អា​ហ្វ​ហ្គា​នី​ស្ថាន បាន​ចែករំលែក​បទ​ពិសោធន៍​ជា​អ្នក​ការពារ​កន្លង​មក​ថា «​ខ្ញុំ​បាន​ធ្វើការ​នៅ​អឺរ៉ុប​អស់​រយៈពេល​៧​ឆ្នាំ នៅ​ក្រប​ខណ្ឌ Ligue 1 ប្រទេស​បារាំង និង​ការ​ប្រកួត​ពានរង្វាន់ UEFA Champions League ហើយ​មាន​តែ​មនុស្ស​៦​នាក់​ប៉ុណ្ណោះ​ដែល​បាន​រត់​ចូលលុក​លុយ​ទីលាន​។ ប៉ុន្តែ​ខ្ញុំ​បាន​មក​បំពេញការងារ​នៅ​សហរដ្ឋអាមេរិក ហើយ​ក្នុង​រយៈពេល​២០​ខែ​កន្លង​មកនេះ មនុស្ស​រហូត​ដល់​១៦​នាក់​បាន​រត់​ចូលលុក​លុយ​ទីលាន​។ ដូច្នេះ​នៅ​ទី​នេះ​មាន​បញ្ហា​ដ៏​ច្រើន ខ្ញុំ​មិនមែន​ជា​បញ្ហា​ទេ គួរតែ​អនុញ្ញាត​ឱ្យ​ខ្ញុំ​ការពារ Messi»​។

ត្រង់​ចំណុច​នេះ Cheuko បាន​សម្តែង​ការ​ខកចិត្ត ដោយ​លោក​មិនមែន​មាន​បំណង​ត្រឹម​ការពារ Messi ប៉ុណ្ណោះ​ទេ ប៉ុន្តែ​ថែម​ទាំង​ក្រុម Inter Miami និង​តំបន់ CONCACAF ទាំងមូល​ផង​ដែរ ដើម្បី​ធានា​សុវត្ថិភាព​កាន់តែ​ល្អ​សម្រាប់​អ្នក​ទស្សនា និង​កីឡាករ​។

ប្រភព​ពី​កាសែត​អេ​ស្ប៉ា​ញ Marca កាលពី​ថ្ងៃ​ទី​៣១ ខែមីនា ឆ្នាំ​២០២៥ បានឱ្យ​ដឹង​ថា ស្ថាប័ន​លី​គ​កំពូល​អា​មេ​រិ​ក MLS បាន​សម្រេច​ទទួល​បន្ទុក​ផ្នែក​សន្តិសុខ​ការពារ​កីឡាករ​លំដាប់​ពិភពលោក ដោយ​មិន​អនុញ្ញាតិ​ឱ្យ​មាន​អង្គរក្ស​ផ្ទាល់ខ្លួន​លើ​ទីលាន​នោះ​ទេ​។

Cheuko ទទួល​បាន​សេចក្តី​ទុកចិត្ត​ពី​លោក David Beckham សហ​ម្ចាស់​ក្លិប Inter Miami ជ្រើសរើស​ឱ្យមក​ការពារ Messi តាំងពី​ប្រធាន​ជម្រើសជាតិ​អា​ហ្ស​ង់​ទី​នរូ​ប​នេះ ផ្លាស់​ពី​ក្លិប PSG កាលពី​ខែកក្កដា ឆ្នាំ​២០២៣ មក​ម្ល៉េះ​។

យោង​តាម​ប្រភព​ពី​កាសែត La Nacion របស់​អា​ហ្ស​ង់​ទី​ន​ធ្លាប់​ទម្លាយ​ជីវប្រវត្តិ​ត្រួស​ៗ របស់ Yassine Chueko គឺជា​អតីត​ទាហានជើងទឹក​អា​មេ​រិ​ក (Navy Seal) ដែល​មានបទពិសោធន៍​ប្រយុទ្ធ​នៅ​ប្រទេស​អ៊ី​រ៉ា​ក់ និង​អា​ហ្វ​ហ្គា​នី​ស្ថាន ជាមួយ​ជំនាញ​ក្បាច់គុន តេ​ក្វា​ន់​ដូ ប្រដាល់ និង​ធ្លាប់​ចូលរួមរ​ប្រកួត​កីឡា​គុន​ចម្រុះ MMA និង​ប្រដាល់សេរី​ជា​ច្រើន​លើក​ផង​ដែរ​។ ការ​សម្រេចចិត្ត​របស់ Beckham ជ្រើសរើស Chueko ដែល​មាន​ជំនាញ​ការពារ​ខ្ពស់ កើតឡើង​ចំ​ពេល​មានការ​កើនឡើង​ខ្លាំង​ចំនួន​អ្នកគាំទ្រ​រត់​ចូល​ទីលាន​អំឡុង​ពេល​ប្រកួត ហើយដោយ​ពិចារណា​លើ​ការ​គាំទ្រ​ដ៏​ពុះកញ្ជ្រោល​មិន​គួរ​ឱ្យ​ជឿ​របស់ Messi សម្រាប់​ការ​មក​ប្រកប​អាជីព​នៅ​សហរដ្ឋអាមេរិក នេះ​ជា​ជម្រើស​ដ៏​សំខាន់​បំផុត ដែល​ត្រូវធ្វើ​ជា​ចាំបាច់​។

ផ្នែក​មួយ​នៃ​ការងារ​របស់ Chueko កន្លង​មក គឺ​ឃ្លាំមើល Messi ជាប់​គ្រប់​វិនាទី​ទាំងអស់ អំឡុង​ពេល​ប្រកួត ដូច្នេះ​អង្គរក្ស​រូប​នេះ អាច​ស្ទាក់​ចាប់​អ្នកគាំទ្រ​អុកឡុក​ក្នុង​ទីលាន ដែល​ព្យាយាម​ចូល​ទៅ​ជិត Messi​។ Chueko ក៏​ត្រូវ​ការពារ Messi មុន និង​ក្រោយ​ការ​ប្រកួត​ផង​ដែរ មិន​ថា​ពេល​ដើរ​ចេញពី​ឡានក្រុង​ក្រុម​ទៅ​បន្ទប់​ផ្លាស់​សំលៀក​បំពាក់ ដោយ​ត្រូវ​តែ​នៅ​ជាប់​ជា​និច្ច​។ ពិសេស​ជាង​នេះ​ទៅ​ទៀត នៅ​ពេល Messi ចេញ​ក្រៅ​ជាមួយ​គ្រួសារ​នៅ​ទី​សាធារណៈ ដូច​ជា​ដើរ​ផ្សារ​ទិញ​ទំនិញ​ជាដើម Chueko ត្រូវ​តែ​បង្កើន​ការ​ការពារ​កាន់តែ​ខ្ពស់​៕

អត្ថបទសរសេរ ដោយ

កែសម្រួលដោយ