ប្រទេសឥណ្ឌូណេស៊ីកាលពីថ្ងៃសុក្រ ទី២១ មិថុនា បានប្រកាសដំឡើងថ្លៃប្រេងឥន្ធនៈជាលើកដំបូងចាប់តាំងពីឆ្នាំ២០០៨ មក បើទោះបីជាមានការតវ៉ាដោយហិង្សាយ៉ាងខ្លាំងក្លាពីសំណាក់ប្រជាជនប្រឆាំងនឹងវិធានការនេះក៏ដោយ ។ ប្រទេសដែលមានសេដ្ឋកិច្ចធំបំផុតនៅអាស៊ីអាគ្នេយ៍មួយនេះ ធ្វើដូច្នេះគឺក្នុងបំណងប្រឹងប្រែងដើម្បីកាត់បន្ថយឧបត្ភម្ភធនដែលបង្កការខាតបង់ធ្ងន់ធ្ងរ ។
ប្រទេសឥណ្ឌូណេស៊ីកាលពីថ្ងៃសុក្រ ទី២១ មិថុនា បានប្រកាសដំឡើងថ្លៃប្រេងឥន្ធនៈជាលើកដំបូងចាប់តាំងពីឆ្នាំ២០០៨ មក បើទោះបីជាមានការតវ៉ាដោយហិង្សាយ៉ាងខ្លាំងក្លាពីសំណាក់ប្រជាជនប្រឆាំងនឹងវិធានការនេះក៏ដោយ ។ ប្រទេសដែលមានសេដ្ឋកិច្ចធំបំផុតនៅអាស៊ីអាគ្នេយ៍មួយនេះ ធ្វើដូច្នេះគឺក្នុងបំណងប្រឹងប្រែងដើម្បីកាត់បន្ថយឧបត្ភម្ភធនដែលបង្កការខាតបង់ធ្ងន់ធ្ងរ ។
រដ្ឋមន្ត្រីថាមពល លោក Jero Wacik ថ្លែងថា តម្លៃប្រេងឥន្ធនៈនឹងកើនឡើងជាមធ្យម៣០% ចាប់ពីថ្ងៃសៅរ៍តទៅ ។ វិធានការខាងលើនេះធ្វើឡើងក្នុងគោលបំណងដើម្បីកាត់បន្ថយបរិមាណជំនួយហិរញ្ញវត្ថុ ដែលប្រើអស់ថវិកាជាតិយ៉ាងច្រើនសន្ធឹកសន្ធាប់ ហើយបានបណ្តាលឱ្យមានក្តីបារម្ភក្នុងចំណោមវិនិយោគិន។
លោក ហត្ថា រាជសារ រដ្ឋមន្ត្រីសម្របសម្រួលសេដ្ឋកិច្ចបានថ្លែងនៅក្នុងសុន្ទរកថាតាមទូរទស្សន៍ថា នេះគឺជាការសម្រេចចិត្តដ៏លំបាក ហើយរដ្ឋាភិបាលបានជ្រើសរើសយកជម្រើសចុងក្រោយ ។ វិបត្តិសេដ្ឋកិច្ចសាកលបានប៉ះពាល់ដល់កំណើនសេដ្ឋកិច្ចរបស់យើង ទើបយើងចាំបាច់ត្រូវចាត់វិធានការដើម្បីពង្រឹងស្ថានភាពសេដ្ឋកិច្ចរបស់យើង ។
គួរបញ្ជាក់ថា វិធានការកាត់បន្ថយជំនួយហិរញ្ញវត្ថុរបស់រដ្ឋាភិបាលនៅក្នុងប្រទេសឥណ្ឌូណេស៊ី បានបង្កឱ្យមានការខឹងសម្បាទូទាំងប្រទេស ហើយហ្វូងបាតុករបានធ្វើការតវ៉ាប្រឆាំងនឹងរដ្ឋាភិបាល និងបានប៉ះទង្គិចគ្នាជាមួយក្រុមប៉ូលិសនៅខាងក្រៅរដ្ឋសភាកាលពីថ្ងៃចន្ទ ។ ក្នុងរយៈពេលតែប៉ុន្មានម៉ោងមុនពេលដែលតម្លៃប្រេងឥន្ធនៈឡើងថ្លៃ ម្ចាស់រថយន្ត និងម៉ូតូបាននាំគ្នាតម្រង់ជួរបន្តកន្ទុយគ្នាដើម្បីចាក់សាំង ដែលឧបត្ថម្ភធននៅតាមបណ្តាស្ថានីយប្រេងឥន្ធនៈមុនពេលតម្លៃឡើងថ្លៃ ។ ក្រុមប៉ូលិសបានឈរឈាមកាមនៅតាមបណ្តាស្ថានីយប្រេងឥន្ធនៈជាច្រើន ។
តម្លៃប្រេងសាំងនឹងកើនឡើង៤៤% ក្នុងមួយលីត្រពី៤.៥០០រូព្យ៉ា (០,៤៦ដុល្លារ) ដល់ ៦.៥០០រូព្យ៉ា ។ ចំណែកតម្លៃប្រេងម៉ាស៊ូតនឹងកើនឡើង២២% ដល់៥.៥០០រូព្យ៉ាក្នុងមួយលីត្រ ៕
ចែករំលែកព័តមាននេះ